ਤੁਸੀਂ ਜਾਣਦੇ ਹੋ ਕਿ ਅੰਬ ਦਾ ਅਚਾਰ ਅਤੇ ਚਟਨੀ ਬਣਾਈ ਜਾਂਦੀ ਹੈ ਪਰ ਇਸ ਤੋਂ ਇਲਾਵਾ ਹੋਰ ਵੀ ਕਈ ਚੀਜਾ ਬਣਾਈਆਂ ਜਾਂਦੀਆਂ ਹਨ। ਇਹਨਾਂ ਵਿੱਚੋਂ ਹੀ ਇਕ ਰੈਸਪੀ ਅੰਬ ਪੰਨਾ ਜਾਣੀ ਕਿ ਸਰਬਤ ਵੀ ਬਣਾਇਆ ਜਾਂਦਾ ਹੈ। ਆਓ ਆਪਾਂ ਅੱਜ ਅੰਬ ਦਾ ਸ਼ਰਬਤ ਬਣਾਉਣ ਦੀ ਵਿਧੀ ਜਾਣੀਏ -:
ਅੰਬ ਦਾ ਸ਼ਰਬਤ ਬਣਾਉਣ ਲਈ ਸਮਾਨ -'
ਅੱਧਾ ਕਿਲੋ ਕੱਚੇ ਅੰਬ
100 ਗ੍ਰਾਮ ਖੰਡ
ਇੱਕ ਛੋਟਾ ਚਮਚ ਕਾਲਾ ਨਮਕ
ਇੱਕ ਛੋਟਾ ਚਮਚ ਕਾਲੀ ਮਿਰਚ
ਇੱਕ ਛੋਟਾ ਚਮਚ ਜੀਰਾ
ਇੱਕ ਛੋਟਾ ਚਮਚ ਅਜਵੈਨ
ਪੰਜ ਜਾ ਛੇ ਪੁਦੀਨੇ ਦੀਆਂ ਪੱਤੀਆਂ
ਹੁਣ ਅੰਬਾਂ ਨੂੰ ਚੰਗੀ ਤਰ੍ਹਾਂ ਧੋ ਲਓ। ਇੱਕ ਪਤੀਲੇ ਵਿੱਚ ਪਾਣੀ ਪਾਓ ਅਤੇ ਗੈਸ ਉੱਪਰ ਰੱਖ ਦਿਓ ਜਦੋਂ ਪਾਣੀ ਗਰਮ ਹੋ ਜਾਵੇ ਤਾਂ ਉਸ ਵਿੱਚ ਅੰਬ ਪਾ ਦਿਓ ਅਤੇ 10 ਤੋਂ 15 ਮਿੰਟ ਤੱਕ ਇਹਨਾਂ ਨੂੰ ਪਕਾਓ। ਅਜਵੈਨ ਅਤੇ ਜੀਰੇ ਨੂੰ ਤਵੇ ਉੱਪਰ ਥੋੜਾ ਜਿਹਾ ਭੁੰਨ ਲਓ ਹੁਣ ਕਾਲੀ ਮਿਰਚ, ਜੀਰਾ ਅਤੇ ਅਜਵੈਣ ਨੂੰ ਚੰਗੀ ਤਰਾਂ ਬਰੀਕ ਪੀਸ ਲਓ।
ਗੈਸ ਬੰਦ ਕਰ ਦਿਓ ਅਤੇ ਉਬਲੇ ਹੋਏ ਅੰਬਾਂ ਨੂੰ ਠੰਡਾ ਕਰ ਕੇ ਛਿੱਲ ਲਓ ਅਤੇ ਗੁੱਦਾ ਕੱਢ ਕੇ ਇਸ ਨੂੰ ਮਿਕਸੀ ਵਿੱਚ ਪਾਓ। ਖੰਡ ਕਾਲੀ ਮਿਰਚ ਜੀਰਾ ਅਜਵੈਣ ਅਤੇ ਪੁਦੀਨੇ ਦੀਆਂ ਪੱਤੀਆਂ ਮਿਕਸੀ ਦੇ ਵਿੱਚ ਪਾਓ ਹੁਣ ਇਸ ਨੂੰ ਚੰਗੀ ਤਰਾਂ ਮਿਕਸ ਕਰੋ। ਇਕ ਲੀਟਰ ਪਾਣੀ ਵਿੱਚ ਇਸ ਮਿਸ਼ਰ ਨੂੰ ਚੰਗੀ ਤਰ੍ਹਾਂ ਛਾਣ ਕੇ ਮਿਕਸ ਕਰੋ ਅਤੇ ਬਰਫ਼ ਪਾਓ।ਲਓ ਜੀ ਤੁਹਾਡਾ ਅੰਬ ਪੰਨਾ ਜਾਣੀ ਕਿ ਅੰਬ ਦਾ ਸ਼ਰਬਤ ਤਿਆਰ ਹੈ।
ਤੁਹਾਨੂੰ ਵਧੀਆ ਲੱਗੇ ਤਾਂ ਲਾਈਕ ਤੇ ਸ਼ੇਅਰ ਕਰੋ ਕਮੈਂਟ ਕਰਕੇ ਦਸਿਓ ਜੀ ਧੰਨਵਾਦ।
ਬੀ.ਕੇ. ਢਿੱਲੋਂ