ਤਿਰੂਵਨੰਤਪੁਰਮ : ਕੇਰਲ ਦੇ ਕੋਲਮ ਜ਼ਿਲ੍ਹੇ ਵਿੱਚ ਇੱਕ ਪ੍ਰੀਖਿਆ ਕੇਂਦਰ ਵਿੱਚ ਮੈਡੀਕਲ ਦਾਖਲਾ ਪ੍ਰੀਖਿਆ NEET ਵਿੱਚ ਸ਼ਾਮਲ ਹੋਣ ਵਾਲੀਆਂ ਵਿਦਿਆਰਥਣਾਂ ਤੋਂ ਬ੍ਰਾਸ ਲੁਹਾ ਲਏ ਗਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਸੁਰੱਖਿਆ ਜਾਂਚ ਦੌਰਾਨ ਹੁੱਕ ਨਾਲ ਸੰਪਰਕ ਹੋਣ ਕਾਰਨ ਮੈਟਲ ਡਿਟੈਕਟਰ ਦੀ ਬੀਪ ਵੱਜੀ। ਇਸ ਤੋਂ ਬਾਅਦ ਸਾਰੀਆਂ ਲੜਕੀਆਂ ਤੋਂ ਬ੍ਰਾ ਲੁਹਾ ਲਈਆਂ ਗਈਆਂ।
ਇਹ ਘਟਨਾ ਐਤਵਾਰ ਨੂੰ ਮਾਰਥੋਮਾ ਇੰਸਟੀਚਿਊਟ ਆਫ ਇਨਫਰਮੇਸ਼ਨ ਟੈਕਨਾਲੋਜੀ 'ਚ ਵਾਪਰੀ। ਪਰ ਮਾਮਲਾ ਇੱਕ ਲੜਕੀ ਦੇ ਪਿਤਾ ਵੱਲੋਂ ਦਰਜ ਕਰਵਾਈ ਗਈ ਐਫਆਈਆਰ ਤੋਂ ਬਾਅਦ ਸਾਹਮਣੇ ਆਇਆ ਹੈ। ਵਿਦਿਆਰਥਣ ਦਾ ਕਹਿਣਾ ਹੈ ਕਿ ਉਸ ਨੇ ਬ੍ਰਾ ਉਤਾਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ 'ਤੇ ਜਾਂਚ ਕਰ ਰਹੀ ਮਹਿਲਾ ਕਰਮਚਾਰੀ ਨੇ ਕਿਹਾ ਕਿ ਤੁਹਾਨੂੰ ਪ੍ਰੀਖਿਆ 'ਚ ਨਹੀਂ ਬੈਠਣ ਦਿੱਤਾ ਜਾਵੇਗਾ।
ਇੱਕ ਹੋਰ ਲੜਕੀ ਨੂੰ ਆਪਣੀ ਜੀਨਸ ਉਤਾਰਨ ਲਈ ਕਿਹਾ ਗਿਆ ਸੀ ਕਿਉਂਕਿ ਇਸ ਵਿੱਚ ਧਾਤ ਦੇ ਬਟਨ ਅਤੇ ਜੇਬਾਂ ਸਨ। ਵਿਦਿਆਰਥਣਾਂ ਅਨੁਸਾਰ ਜਦੋਂ ਉਹ ਇਮਤਿਹਾਨ ਦੇ ਕੇ ਬਾਹਰ ਆਈਆਂ ਤਾਂ ਉਨ੍ਹਾਂ ਨੇ ਕੰਪਾਰਟਮੈਂਟ ਵਿੱਚ ਸਾਰੇ ਅੰਡਰਗਾਰਮੈਂਟ ਇਕੱਠੇ ਸੁੱਟੇ ਹੋਏ ਪਾਏ। ਸ਼ਿਕਾਇਤ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਲਗਭਗ 90% ਵਿਦਿਆਰਥਣਾਂ ਨੂੰ ਪ੍ਰੀਖਿਆ ਕੇਂਦਰ ਵਿੱਚ ਆਪਣੇ ਅੰਦਰਲੇ ਕੱਪੜੇ ਉਤਾਰਨੇ ਪਏ।
ਇੰਸਟੀਚਿਊਟ ਨੇ ਅਜਿਹੀ ਘਟਨਾ ਤੋਂ ਇਨਕਾਰ ਕੀਤਾ ਹੈ। ਇਸ ਦੇ ਨਾਲ ਹੀ ਕੋਲਮ ਪੁਲਿਸ ਮੁਖੀ ਕੇਬੀ ਰਵੀ ਨੇ ਪੁਸ਼ਟੀ ਕੀਤੀ ਹੈ ਕਿ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਨੂੰ ਦਿੱਤੇ ਸ਼ਿਕਾਇਤ ਪੱਤਰ 'ਚ ਪਿਤਾ ਨੇ ਕਿਹਾ ਕਿ ਉਸ ਦੀ ਬੇਟੀ ਨੇ ਅੰਦਰਲੇ ਕੱਪੜਿਆਂ ਨਾਲ ਭਰਿਆ ਕਮਰਾ ਦੇਖਿਆ ਸੀ। ਪ੍ਰੀਖਿਆ ਕੇਂਦਰ 'ਚ ਕਈ ਲੜਕੀਆਂ ਰੋ ਰਹੀਆਂ ਸਨ ਅਤੇ ਮਾਨਸਿਕ ਤੌਰ 'ਤੇ ਤਸ਼ੱਦਦ ਸਹਿ ਰਹੀਆਂ ਸਨ।