ਦਿੱਲੀ, 09 ਸਤੰਬਰ 2026: ਨਵੰਬਰ 2025 ‘ਚ ਦਿੱਲੀ ਦੇ ਲਾਲ ਕਿਲ੍ਹੇ ਨੇੜੇ ਹੋਏ ਕਾਰ ਬੰਬ ਧਮਾਕੇ ਦੀ ਜਾਂਚ ਤੋਂ ਬਾਅਦ ਰਾਸ਼ਟਰੀ ਜਾਂਚ ਏਜੰਸੀ ਨੇ ਚਾਰਜਸ਼ੀਟ ਦੇ ਮੁਤਾਬਕ, ਹਮਲੇ ਦਾ ਕਥਿਤ ਮਾਸਟਰਮਾਈਂਡ ਉਮਰ ਉਨ ਨਬੀ ਨੂੰ ਦੱਸਿਆ ਹੈ, ਜੋ ਧਮਾਕੇ ‘ਚ ਮਾਰਿਆ ਗਿਆ ਸੀ। ਜਾਂਚ ਏਜੰਸੀ ਨੇ ਉਸਨੂੰ ਮੁੜ ਸਰਗਰਮ ਅੰਸਾਰ ਗਜ਼ਵਤ-ਉਲ-ਹਿੰਦ ਮਾਡਿਊਲ ਦੇ ਸੰਚਾਲਨ ਲਈ ਜ਼ਿੰਮੇਵਾਰ ਵਿਅਕਤੀ ਦੱਸਿਆ ਹੈ।
ਐਨਆਈਏ ਦੇ ਮੁਤਾਬਕ, ਉਮਰ ਉਨ ਨਬੀ, ਉਰਫ਼ ਪਿੰਦਾ ਅਤੇ ਰਾਹੁਲ ਭੱਟ 2022 ਦੇ ਸ਼ੁਰੂ ਤੋਂ ਹੀ ਕਥਿਤ ਤੌਰ ‘ਤੇ ਸੁਸਤ ਪਏ ਅੰਸਾਰ ਗਜ਼ਵਤ-ਉਲ-ਹਿੰਦ ਮਾਡਿਊਲ ਨੂੰ ਮੁੜ ਸਰਗਰਮ ਕਰਨ ਲਈ ਕੰਮ ਕਰ ਰਹੇ ਸਨ। ਜਾਂਚ ਏਜੰਸੀ ਨੇ ਉਸਨੂੰ AGUH ਅੰਤਰਿਮ ਦਾ ਕਥਿਤ ਸੰਚਾਲਨ ਮੁਖੀ ਦੱਸਿਆ ਹੈ। ਏਜੰਸੀ ਦੇ ਮੁਤਾਬਕ, ਇਹ ਮਾਡਿਊਲ ਭਾਰਤੀ ਉਪ-ਮਹਾਂਦੀਪ ‘ਚ ਅਲ-ਕਾਇਦਾ ਦੇ ਇੱਕ ਕਥਿਤ ਮੁੜ ਸਰਗਰਮ ਰੂਪ ਦਾ ਹਿੱਸਾ ਸੀ।
ਜਾਂਚ ਏਜੰਸੀ ਨੇ ਇਹ ਵੀ ਕਿਹਾ ਕਿ ਉਮਰ ਨੇ ਕਾਰ ‘ਚ ਬੈਠ ਕੇ ਬੰਬ ਨੂੰ ਐਕਟਿਵ ਕੀਤਾ ਸੀ। ਐਨਆਈਏ ਨੇ ਦੋਸ਼ ਲਗਾਇਆ ਕਿ ਨਬੀ ਨੇ ਲੋਕਾਂ ਨੂੰ ਕੱਟੜਪੰਥੀ ਬਣਾਇਆ ਅਤੇ ਕਥਿਤ ਆਤਮਘਾਤੀ ਹਿੰਸਾ ਨੂੰ ਉਤਸ਼ਾਹਿਤ ਕੀਤਾ।
ਐਨਆਈਏ ਚਾਰਜਸ਼ੀਟ ਦੇ ਮੁਤਾਬਕ, ਮੁਲਜ਼ਮ ਸਿਗਨਲ ਵਰਗੇ ਐਨਕ੍ਰਿਪਟਡ ਮੈਸੇਜਿੰਗ ਐਪਸ ਰਾਹੀਂ ਸੰਪਰਕ ‘ਚ ਰਿਹਾ। ਇਹ ਦੋਸ਼ ਲਗਾਇਆ ਗਿਆ ਹੈ ਕਿ ਨਬੀ ਨੇ ਇਸ ਕਥਿਤ ਮਾਡਿਊਲ ਲਈ ਫੰਡ ਇਕੱਠਾ ਕਰਨ, ਗੈਰ-ਕਾਨੂੰਨੀ ਹਥਿਆਰ ਪ੍ਰਾਪਤ ਕਰਨ ਅਤੇ ਮੈਂਬਰਾਂ ਲਈ ਜਗ੍ਹਾ ਅਤੇ ਸਾਜ਼ਿਸ਼ ਨਾਲ ਸਬੰਧਤ ਕਥਿਤ ਤੌਰ ‘ਤੇ ਸੰਬੰਧਿਤ ਸਮੱਗਰੀ ਪ੍ਰਦਾਨ ਕਰਨ ‘ਚ ਮੁੱਖ ਭੂਮਿਕਾ ਨਿਭਾਈ।
ਜਾਂਚ ‘ਚ ਜੰਮੂ-ਕਸ਼ਮੀਰ ਅਤੇ ਦਿੱਲੀ-ਐਨਸੀਆਰ ‘ਚ ਮੈਂਬਰਾਂ ਦੀਆਂ ਕਥਿਤ ਬੈਠਕਾਂ ਅਤੇ ਸਿਖਲਾਈ ਦਾ ਵੀ ਖੁਲਾਸਾ ਹੋਇਆ। ਜਾਂਚ ਏਜੰਸੀ ਨੇ ਰਸਾਇਣ ਅਤੇ ਪ੍ਰਯੋਗਸ਼ਾਲਾ ਉਪਕਰਣ ਬਰਾਮਦ ਕਰਨ ਦਾ ਵੀ ਦਾਅਵਾ ਕੀਤਾ। ਐਨਆਈਏ ਦੀ ਚਾਰਜਸ਼ੀਟ ‘ਚ ਕਿਹਾ ਗਿਆ ਹੈ ਕਿ ਧਮਾਕੇ ਤੋਂ ਬਾਅਦ ਬਰਾਮਦ ਕੀਤੀ ਗਈ ਸਮੱਗਰੀ ਦੀ ਫੋਰੈਂਸਿਕ ਜਾਂਚ ‘ਚ ਟੀਏਟੀਪੀ ਅਤੇ ਅਮੋਨੀਅਮ ਨਾਈਟ੍ਰੇਟ ਦੇ ਨਿਸ਼ਾਨ ਮਿਲੇ ਹਨ।