ਸੈਂਟ ਲੁਈਸ (ਏਜੰਸੀਆਂ) : ਅਮਰੀਕਾ ਤੋਂ ਇਕ ਬੜੀ ਹੀ ਬੁਰੀ ਖ਼ਬਰ ਆਈ ਹੈ। ਮਿਸੌਰੀ ਸੂਬੇ ਦੇ ਸੈਂਟ ਲੁਈਸ ਵਿਚ ਇਕ ਵਿਅਕਤੀ ਨੇ ਅਪਣੀ ਪਤਨੀ ਅਤੇ 2 ਬੱਚਿਆਂ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿਤਾ ਤੇ ਬਾਅਦ ਵਿਚ ਵਿਅਕਤੀ ਨੇ ਖ਼ੁਦਕੁਸ਼ੀ ਕਰ ਲਈ। ਪੁਲਿਸ ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਬੱਚੀ ਨੂੰ ਬਰਾਮਦ ਕਰ ਲਿਆ ਗਿਆ ਹੈ। ਸੈਂਟ ਲੁਈਸ ਕਾਊਂਟੀ ਦੇ ਪੁਲਿਸ ਬੁਲਾਰੇ ਟਰੈਕੀ ਪਾਨਸ ਨੇ ਦਸਿਆ ਕਿ ਇਸ ਕਤਲਕਾਂਡ ਨੂੰ ਦੇਰ ਰਾਤ ਅੰਜ਼ਾਮ ਦਿਤਾ ਗਿਆ। ਪੁਲਿਸ ਅਨੁਸਾਰ ਕਿ ਮ੍ਰਿਤਕਾਂ ਦੀ ਪਛਾਣ ਰੋਜੇਨ ਮੈਕੁਲੀ (34), ਉਸ ਦੇ 13 ਸਾਲ ਦੇ ਪੁੱਤਰ ਕੇ.ਜਾਨਸਨ ਅਤੇ 6 ਸਾਲ ਦੀ ਧੀ ਕੇਲੀ ਬਰੁਕਸ ਦੇ ਰੂਪ ਵਿਚ ਹੋਈ ਹੈ।
ਪੁਲਸ ਨੂੰ ਇਸ ਗੱਲ ਦੀ ਜਾਣਕਾਰੀ ਮਿਲੀ ਕਿ ਮੈਕੁਲੀ ਦੀ 1 ਸਾਲ ਦੀ ਧੀ ਨੂੰ ਉਸ ਦਾ ਪਤੀ ਅਤੇ ਮਾਮਲੇ ਦਾ ਸ਼ੱਕੀ ਬੌਬੀ ਮੈਕੁਲੀ ਤੀਜਾ ਅਪਣੇ ਨਾਲ ਲੈ ਗਿਆ ਹੈ। ਬੌਬੀ ਇਸ ਬੱਚੀ ਦਾ ਜੈਵਿਕ ਪਿਤਾ ਹੈ। ਅਦਾਲਤ ਦੇ ਰਿਕਾਰਡ ਤੋਂ ਪਤਾ ਲੱਗਾ ਹੈ ਕਿ ਬੌਬੀ ਨੇ 28 ਫ਼ਰਵਰੀ ਨੂੰ ਤਲਾਕ ਲਈ ਅਰਜ਼ੀ ਦਿਤੀ ਸੀ। ਬੌਬੀ ਗੋਲੀਬਾਰੀ ਵਿਚ ਮਾਰੇ ਗਏ ਦੋਵਾਂ ਬੱਚਿਆਂ ਦਾ ਜੈਵਿਕ ਪਿਤਾ ਨਹੀਂ ਸੀ।