ਸੜਕ ’ਤੇ ਭਜਦੀ ਨਜ਼ਰ ਆਈ ਮਲਾਇਕਾ ਅਰੋੜਾ

ਮੁੰਬਈ (ਏਜੰਸੀਆਂ) : ਬਾਲੀਵੁੱਡ ਦੇ ਅਭਿਨੇਤਾ ਤੇ ਅਭਿਨੇਤਰੀਆਂ ਸੁਰਖ਼ੀਆਂ ਵਿਚ ਰਹਿਣ ਦਾ ਕੋਈ ਨਾ ਕੋਈ ਬਹਾਨਾ ਲੱਭ ਹੀ ਲੈਂਦੇ ਹਨ। ਉਹ ਕਦੇ ਕੋਈ ਨਾ ਕੋਈ ਵਿਵਾਦਿਤ ਬਿਆਨ ਦੇ ਕੇ ਸੁਰਖ਼ੀਆਂ ਬਟੋਰ ਲੈਂਦੇ ਹਨ ਤੇ ਕਦੇ ਕੋਈ ਹੋਰ ਤਰੀਕਾ ਲੱਭ ਲੈਂਦੇ ਹਨ। ਇਸੇ ਤਰ੍ਹਾਂ ਦਾ ਕੰਮ ਐਕਟਰੈੱਸ ਮਲਾਇਕਾ ਅਰੋੜਾ ਨੇ ਕੀਤਾ ਹੈ। ਮਲਾਇਕਾ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਸਰਗਰਮ ਰਹਿੰਦੀ ਹੈ। ਉਹ ਅਕਸਰ ਅਪਣੀ ਇਕ ਤੋਂ ਵੱਧ ਕੇ ਇਕ ਫ਼ੋਟੋ ਇੰਸਟਾਗ੍ਰਾਮ ’ਤੇ ਸਾਂਝੀ ਕਰਦੀ ਰਹਿੰਦੀ ਹੈ। ਹਾਲ ਹੀ ’ਚ ਮਲਾਇਕਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਆਪਣੀ ਇਕ ਥ੍ਰੋਬੈਕ ਫ਼ੋਟੋ ਸਾਂਝੀ ਕੀਤੀ ਹੈ, ਜਿਸ ’ਚ ਉਹ ਸੜਕ ’ਤੇ ਭੱਜਦੀ ਹੋਈ ਨਜ਼ਰ ਆ ਰਹੀ ਹੈ। ਫ਼ੋਟੋ ’ਚ ਮਲਾਇਕਾ ਖੇਤ ਵਿਚਕਾਰ ਰੋਡ ’ਤੇ ਇਕੱਲੀ ਭੱਜਦੀ ਹੋਈ ਦਿਸ ਰਹੀ ਹੈ, ਦੂਰ-ਦੂਰ ਤਕ ਉਨ੍ਹਾਂ ਕੋਲ ਕੋਈ ਨਜ਼ਰ ਨਹੀਂ ਆ ਰਿਹਾ ਹੈ। ਫ਼ੋਟੋ ’ਚ ਮਲਾਇਕਾ ਨੇ ਸਫ਼ੇਦ ਰੰਗ ਦੇ ਕੱਪੜੇ ਕੈਰੀ ਕੀਤੇ ਹੋਏ ਹਨ ਅਤੇ ਚਿਹਰਾ ਵਾਲਾਂ ਨਾਲ ਢਕਿਆ ਹੋਇਆ ਹੈ। ਇਸ ਤਸਵੀਰ ’ਚ ਅਭਿਨੇਤਰੀ ਕਾਫ਼ੀ ਬੋਲਡ ਲੱਗ ਰਹੀ ਹੈ। ਤਸਵੀਰ ਸਾਂਝੀ ਕਰਦੇ ਹੋਏ ਮਲਾਇਕਾ ਨੇ ਇਕ ਕੈਪਸ਼ਨ ਵੀ ਲਿਖੀ ਹੈ। ਉਸ ਨੇ ਲਿਖਿਆ, ‘ਭੱਜ ਮੱਲਾ ਭੱਜ...’। ਮਲਾਇਕਾ ਦੀ ਤਸਵੀਰ ’ਤੇ ਬਾਲੀਵੁੱਡ ਅਭਿਨੇਤਰੀ ਕੈਟਰੀਨਾ ਕੈਫ਼ ਨੇ ਵੀ ਕੁਮੈਂਟ ਕਰ ਕੇ ਉਸ ਦੀ ਤਾਰੀਫ਼ ਕੀਤੀ ਹੈ। ਕੈਟਰੀਨਾ ਕੈਫ਼ ਨੇ ਕੁਮੈਂਟ ਕਰਦੇ ਹੋਏ ਲਿਖਿਆ, ਮੇਰੇ ਪਸੰਦੀਦਾ ਫ਼ੋਟੋਸ਼ੂਟ ’ਚੋਂ ਇਕ ਹੈ।