ਦਿਲਜੀਤ ਦੋਸਾਂਝ ਅਭਿਨੀਤ ਇਮਤਿਆਜ਼ ਅਲੀ ਦੀ ਪੀਰੀਅਡ ਡਰਾਮਾ ਫ਼ਿਲਮ ਜੂਨ ' ਹੋਵੇਗੀ ਰਿਲੀਜ਼

ਕਹਾਣੀਆਂ ਸਿਰਫ਼ ਸੁਣਨ ਲਈ ਨਹੀਂ ਹੁੰਦੀਆਂ, ਉਹ ਮਹਿਸੂਸ ਕੀਤੀਆਂ ਜਾਂਦੀਆਂ ਹਨ ਅਤੇ ਲੰਮੇ ਸਮੇਂ ਤੱਕ ਯਾਦ ਰਹਿੰਦੀਆਂ ਹਨ। ਹੁਣ ਐਸੀ ਹੀ ਪਿਆਰ ਅਤੇ ਇੰਤਜ਼ਾਰ ਦੀ ਇੱਕ ਕਹਾਣੀ ਵੱਡੇ ਪਰਦੇ ‘ਤੇ ਆ ਰਹੀ ਹੈ। ਐਪਲੌਜ਼ ਐਂਟਰਟੇਨਮੈਂਟ ਅਤੇ ਵਿਂਡੋ ਸੀਟ ਫ਼ਿਲਮਜ਼ ਮਿਲ ਕੇ ਇਹ ਫ਼ਿਲਮ ਲੈ ਕੇ ਆ ਰਹੇ ਹਨ, ਜਿਸਨੂੰ ਇਮਤਿਆਜ਼ ਅਲੀ ਨੇ ਲਿਖਿਆ ਅਤੇ ਡਾਇਰੈਕਟ ਕੀਤਾ ਹੈ।

ਫ਼ਿਲਮ ਇਸ ਵੇਲੇ ਪੋਸਟ-ਪ੍ਰੋਡਕਸ਼ਨ ਵਿੱਚ ਹੈ ਅਤੇ ਇਸ ਦਾ ਨਾਂ ਹਾਲੇ ਤੈਅ ਨਹੀਂ ਹੋਇਆ। ਇਹ ਫ਼ਿਲਮ 12 ਜੂਨ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਫ਼ਿਲਮ ਨੂੰ ਐਪਲੌਜ਼ ਐਂਟਰਟੇਨਮੈਂਟ, ਵਿਂਡੋ ਸੀਟ ਫ਼ਿਲਮਜ਼ ਅਤੇ ਮੋਹਿਤ ਚੌਧਰੀ ਨੇ ਪ੍ਰੋਡਿਊਸ ਕੀਤਾ ਹੈ।

ਇਸ ਫ਼ਿਲਮ ਵਿੱਚ ਦਿਲਜੀਤ ਦੋਸਾਂਝ, ਵੇਦਾਂਗ ਰੈਨਾ, ਸ਼ਰਵਰੀ ਅਤੇ ਨਸੀਰੁੱਦੀਨ ਸ਼ਾਹ ਵਰਗੇ ਸ਼ਾਨਦਾਰ ਕਲਾਕਾਰ ਨਜ਼ਰ ਆਉਣਗੇ। ਕਹਾਣੀ ਅੱਜ ਦੇ ਦੌਰ ਦੀ ਹੈ, ਜੋ ਰਿਸ਼ਤਿਆਂ ਦੀ ਗਹਿਰਾਈ ਨੂੰ ਸੌਖੇ ਅਤੇ ਦਿਲ ਨੂੰ ਛੂਹਣ ਵਾਲੇ ਅੰਦਾਜ਼ ਵਿੱਚ ਦਰਸਾਉਂਦੀ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਫ਼ਿਲਮ ਵਿੱਚ ਇੱਕ ਵਾਰ ਫਿਰ ਏ.ਆਰ. ਰਹਿਮਾਨ, ਇਰਸ਼ਾਦ ਕਾਮਿਲ ਅਤੇ ਇਮਤਿਆਜ਼ ਅਲੀ ਦੀ ਟੀਮ ਇਕੱਠੀ ਹੋਈ ਹੈ, ਜਿਨ੍ਹਾਂ ਨੇ ਪਹਿਲਾਂ ਵੀ ਕਈ ਯਾਦਗਾਰ ਗੀਤ ਦਿੱਤੇ ਹਨ।

ਫ਼ਿਲਮ ਬਾਰੇ ਗੱਲ ਕਰਦਿਆਂ ਇਮਤਿਆਜ਼ ਅਲੀ ਨੇ ਕਿਹਾ—

‘ਤੂੰ ਮੇਰੇ ਕੋਲ ਹੁੰਦਾ ਹੈਂ ਜਿਵੇਂ,

ਜਦੋਂ ਕੋਈ ਹੋਰ ਨਾਲ ਨਹੀਂ ਹੁੰਦਾ।’

— ਮੋਮਿਨ

ਕੀ ਪਿਆਰ ਵਾਕਈ ਖੋ ਜਾਦਾ ਹੈ? ਕੀ ਕਿਸੇ ਦੇ ਦਿਲ ਤੋਂ ਉਸਦਾ ਘਰ ਛੀਨਿਆ ਜਾ ਸਕਦਾ ਹੈ?

ਇਸ ਫ਼ਿਲਮ ਦਾ ਦਿਲ ਬਹੁਤ ਵੱਡਾ ਹੈ। ਕਹਾਣੀ ਭਾਵੇਂ ਇੱਕ ਮੁੰਡੇ ਅਤੇ ਕੁੜੀ ਦੀ ਹੈ, ਪਰ ਇਸ ਵਿੱਚ ਇੱਕ ਦੇਸ਼ ਦੀ ਝਲਕ ਵੀ ਹੈ। ਇਹ ਇੱਕ ਐਸੀ ਕਹਾਣੀ ਹੈ ਜੋ ਦਿਲ ਨੂੰ ਛੂਹੇਗੀ ਅਤੇ ਲੰਮੇ ਸਮੇਂ ਤੱਕ ਯਾਦ ਰਹੇਗੀ।”