ਦੁਨੀਆ ਨੂੰ ਅਲਵਿਦਾ ਕਹਿ ਚੁੱਕੇ ਐਕਟਰ ਸੁਸ਼ਾਂਤ ਸਿੰਘ ਰਾਜਪੂਤ (Sushant Singh Rajput) ਦੀ ਆਖ਼ਰੀ ਫ਼ਿਲਮ ਦਿਲ ਬੇਚਾਰਾ (Dil Bechara) 24 ਜੁਲਾਈ ਨੂੰ ਡਿਜਨੀ ਹਾਟ ਸਟਾਰ ਉੱਤੇ ਰਿਲੀਜ਼ ਹੋ ਚੁੱਕੀ ਹੈ। ਫ਼ਿਲਮ ਨੂੰ ਲੈ ਕੇ ਉਨ੍ਹਾਂ ਦੇ ਫੈਨਸ ਵਿੱਚ ਜ਼ਬਰਦਸਤ ਕਰੇਜ਼ ਦੇਖਣ ਨੂੰ ਮਿਲ ਰਿਹਾ ਹੈ।ਸੋਸ਼ਲ ਮੀਡੀਆ ਯੂਜ਼ਰ ਫ਼ਿਲਮ ਉੱਤੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਫ਼ਿਲਮ ਦੀ ਕਹਾਣੀ , ਕਲਾਕਾਰਾਂ ਦੀ ਐਕਟਿੰਗ ਅਤੇ ਏ ਆਰ ਰਹਿਮਾਨ ਦਾ ਮਿਊਜ਼ਿਕ ਲੋਕਾਂ ਦੇ ਦਿਲਾਂ ਨੂੰ ਛੂ ਗਿਆ। ਫ਼ਿਲਮ ਪੂਰੀ ਤਰਾਂ ਇਮੋਸ਼ਨਲ ਅਤੇ ਹਲਕੀ - ਫੁਲਕੀ ਕਾਮੇਡੀ , ਜਿਸ ਨੂੰ ਪੂਰੀ ਤਰਾਂ ਦੇਸੀ ਟੱਚ ਨਾਲ ਸਜਾਇਆ ਗਿਆ ਹੈ।ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਨਾਲ-ਨਾਲ ਸੰਜਨਾ ਸਾਂਘੀ ( Sanjana Sanghi ) ਨੇ ਆਪਣੇ ਰੋਲ ਨੂੰ ਬਖ਼ੂਬੀ ਨਿਭਾਇਆ। ਅਜਿਹੇ ਵਿੱਚ ਲੋਕ ਦਿਲ ਬੇਚਾਰਾ ਨੂੰ ਆਈ ਐਮ ਡੀ ਬੀ (IMDb) ਉੱਤੇ ਚੰਗੇਰੇ ਰੇਟਿੰਗ ਦੇ ਰਹੇ ਹਨ। ਸੁਸ਼ਾਂਤ ਸਿੰਘ ਰਾਜਪੂਤ (Sushant Singh Rajput) ਦੀ ਆਖ਼ਰੀ ਫ਼ਿਲਮ ਦਿਲ ਬੇਚਾਰਾ (Dil Bechara) ਨੂੰ ਆਈ ਐਮ ਡੀ ਬੀ ਉੱਤੇ 10 ਵਿੱਚੋਂ 10 ਰੇਟਿੰਗ ਗਈ ਹੈ। ਲੋਕਾਂ ਨੇ ਫ਼ਿਲਮ ਵਿੱਚ ਉਨ੍ਹਾਂ ਦੀ ਪਰਫਾਰਮੇਂਸ ਨੂੰ ਕਾਫ਼ੀ ਸਰਾਹਿਆ ਹੈ।