ਨਵੀਂ Honda Amaze ਦੀ ਬੁਕਿੰਗ ਸ਼ੁਰੂ, SUV ਦੀਆਂ ਵਿਸ਼ੇਸ਼ਤਾਵਾਂ ਦੀ ਸ਼ਾਮਲ
ਨਵੀਂ ਦਿੱਲੀ :: ਨਵੀਂ Honda Amaze car ਵਿੱਚ 1.2-ਲੀਟਰ, 4-ਸਿਲੰਡਰ ਪੈਟਰੋਲ ਇੰਜਣ ਮਿਲੇਗਾ ਜੋ 90 hp ਦੀ ਪਾਵਰ ਅਤੇ 110 Nm ਦਾ ਟਾਰਕ ਪ੍ਰਦਾਨ ਕਰ ਸਕਦਾ ਹੈ। ਇਹ ਇੰਜਣ 5-ਸਪੀਡ ਮੈਨੂਅਲ ਜਾਂ CVT ਗਿਅਰਬਾਕਸ ਦੇ ਨਾਲ ਆਵੇਗਾ। ਹੌਂਡਾ ਇੰਜਣ ਆਪਣੀ ਮਜ਼ਬੂਤ ਕਾਰਗੁਜ਼ਾਰੀ ਅਤੇ ਬਿਹਤਰ ਮਾਈਲੇਜ ਲਈ ਜਾਣੇ ਜਾਂਦੇ ਹਨ। ਨਵੀਂ ਅਮੇਜ਼ 'ਚ ਪਾਇਆ ਗਿਆ ਇਹ ਇੰਜਣ ਹਰ ਸੀਜ਼ਨ 'ਚ ਬਿਹਤਰ ਪ੍ਰਦਰਸ਼ਨ ਕਰਨ ਦੀ ਤਾਕਤ ਰੱਖਦਾ ਹੈ। Honda Cars India ਆਪਣੀ ਨਵੀਂ Amaze ਫੇਸਲਿਫਟ ਸੇਡਾਨ ਕਾਰ 4 ਦਸੰਬਰ ਨੂੰ ਲਾਂਚ ਕਰਨ ਜਾ ਰਹੀ ਹੈ, ਅਤੇ ਇਹ ਕਾਰ ਦਸੰਬਰ ਦੇ ਅੱਧ ਤੱਕ ਗਾਹਕਾਂ ਲਈ ਟੈਸਟ ਡਰਾਈਵ ਲਈ ਵੀ ਉਪਲਬਧ ਹੋਵੇਗੀ।
ਨਵੀਂ ਅਮੇਜ਼ ਲਈ ਬੁਕਿੰਗ ਅਣਅਧਿਕਾਰਤ ਤੌਰ 'ਤੇ ਡੀਲਰ ਪੱਧਰ 'ਤੇ ਸ਼ੁਰੂ ਹੋ ਗਈ ਹੈ ਪਰ ਕੰਪਨੀ ਨੇ ਅਜੇ ਤੱਕ ਤੀਜੀ ਪੀੜ੍ਹੀ ਦੀ ਹੌਂਡਾ ਅਮੇਜ਼ ਲਈ ਅਧਿਕਾਰਤ ਬੁਕਿੰਗ ਸ਼ੁਰੂ ਨਹੀਂ ਕੀਤੀ ਹੈ। ਇਹ ਗੱਡੀ ਡੀਲਰਸ਼ਿਪ ਤੱਕ ਵੀ ਪੁੱਜਣੀ ਸ਼ੁਰੂ ਹੋ ਗਈ ਹੈ। ਡਿਜ਼ਾਈਨ ਦੇ ਮਾਮਲੇ ਵਿੱਚ, ਇਹ ਕਾਰ ਮਾਰੂਤੀ ਸੁਜ਼ੂਕੀ ਦੀ ਨਵੀਂ Dezire ਨੂੰ ਪਛਾੜ ਸਕਦੀ ਹੈ।
ਮੌਜੂਦਾ ਸਮੇਂ ਵਿੱਚ 7.3 ਲੱਖ ਰੁਪਏ ਤੋਂ 10 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੇ ਵਿਚਕਾਰ ਹੈ । ਮੰਨਿਆ ਜਾ ਰਿਹਾ ਹੈ ਕਿ ਇਸ ਨਵੀਂ ਅਮੇਜ਼ ਨੂੰ ਆਪਣੇ ਸੈਗਮੈਂਟ 'ਚ ਬਿਹਤਰੀਨ ਸੇਡਾਨ ਕਾਰ ਦਾ ਟੈਗ ਮਿਲ ਸਕਦਾ ਹੈ।
ਕੁਝ ਫੀਚਰਸ ਐਲੀਵੇਟਿਡ SUV ਤੋਂ ਲਏ ਜਾ ਸਕਦੇ ਹਨ। ਨਵੀਂ ਅਮੇਜ਼ ਦੇ ਫਰੰਟ 'ਚ ਹਨੀਕੌਂਬ ਪੈਟਰਨ ਦੇ ਨਾਲ ਨਵੀਂ ਹੈਕਸਾਗੋਨਲ ਗ੍ਰਿਲ, ਏਕੀਕ੍ਰਿਤ DRL ਦੇ ਨਾਲ ਨਵੇਂ LED ਹੈੱਡਲੈਂਪਸ ਹੋਣਗੇ। ਨਵੀਨਤਮ ਕਾਰ ਦੇ ਕੈਬਿਨ ਵਿੱਚ ਇੱਕ ਵੱਡੀ ਫ੍ਰੀ-ਸਟੈਂਡਿੰਗ ਟੱਚਸਕਰੀਨ, ਵਾਇਰਲੈੱਸ ਐਪਲ ਕਾਰਪਲੇ ਅਤੇ ਐਂਡਰਾਇਡ ਆਟੋ ਦੇ ਨਾਲ ਇੱਕ 8-ਇੰਚ ਸਕ੍ਰੀਨ ਮਿਲੇਗੀ। ਇਸ ਤੋਂ ਇਲਾਵਾ ਵਾਇਰਲੈੱਸ ਫੋਨ ਚਾਰਜਰ, ਸੈਮੀ-ਡਿਜੀਟਲ ਡਰਾਈਵਰ ਡਿਸਪਲੇਅ ਅਤੇ ਸਿੰਗਲ-ਪੇਨ ਸਨਰੂਫ, 6 ਏਅਰਬੈਗ, ADAS, 360-ਡਿਗਰੀ ਕੈਮਰਾ ਅਤੇ ਪਾਰਕਿੰਗ ਸੈਂਸਰ ਵਰਗੀਆਂ ਵਿਸ਼ੇਸ਼ਤਾਵਾਂ ਉਪਲਬਧ ਹੋਣਗੀਆਂ। ਭਾਰਤ 'ਚ ਇਸ ਕਾਰ ਦੀ ਕੀਮਤ ਕਰੀਬ 7 ਲੱਖ ਰੁਪਏ ਹੋ ਸਕਦੀ ਹੈ।