ਯਸ਼ ਦੀ ‘KGF 2’ ਅਜੇ ਵੀ ਲੋਕਾਂ ‘ਚ ਧਮਾਲ ਮਚਾ ਰਹੀ ਹੈ। ਲੋਕ ਇਸ ਨੂੰ ਵਾਰ ਵਾਰ ਦੇਖਣਾ ਪਸੰਦ ਕਰ ਰਹੇ ਹਨ। ‘KGF 2’ ਲੋਕਾਂ ਦੀ ਪਸੰਦੀਦੀ ਫਿਲਮ ਬਣ ਚੁੱਕੀ ਹੈ। 14 ਅਪ੍ਰੈਲ ਨੂੰ ਰਿਲੀਜ਼ ਹੋਈ ਇਹ ਫਿਲਮ ਬਾਕਸ ਆਫਿਸ ‘ਤੇ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਹੈ।
ਇਸ ਫਿਲਮ ਨੇ ਆਮਿਰ ਖਾਨ ਦੀ ਦੰਗਲ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਹਾਲਾਂਕਿ, ਇਸ ਹਫਤੇ ਰਿਲੀਜ਼ ਹੋਈ ਅਜੇ ਦੇਵਗਨ ਦੀ ‘ਰਨਵੇਅ 34’ ਅਤੇ ਟਾਈਗਰ ਸ਼ਰਾਫ ਦੀ ‘ਹੀਰੋਪੰਤੀ 2’ ਬਾਕਸ ਆਫਿਸ ‘ਤੇ ਬੁਰੀ ਤਰ੍ਹਾਂ ਨਾਲ ਮਾਤ ਖਾ ਗਈਆਂ ਸਨ।
ਯਸ਼ ਦੀ ‘ਕੇਜੀਐਫ ਚੈਪਟਰ 2’ ਨੂੰ ਇਸ ਦਾ ਫਾਇਦਾ ਮਿਲਿਆ। ਯਸ਼ ਦੀ ਐਕਸ਼ਨ ਫਿਲਮ ਨੇ ਕਮਾਈ ਦੇ ਮਾਮਲੇ ‘ਚ ਆਮਿਰ ਖਾਨ ਦੀ ‘ਦੰਗਲ’ ਨੂੰ ਪਛਾੜ ਦਿੱਤਾ ਹੈ। ਇਸ ਤਰ੍ਹਾਂ ਹੁਣ ਆਮਿਰ ਖਾਨ ਦੀ ‘ਦੰਗਲ’ ਹਿੰਦੀ ‘ਚ ਕਮਾਈ ਦੇ ਮਾਮਲੇ ‘ਚ ਤੀਜੇ ਨੰਬਰ ‘ਤੇ ਆ ਗਈ ਹੈ।
ਇਸ ਨੂੰ ਡੱਬ ਕੀਤੀ ਫਿਲਮ ਲਈ ਵੱਡੀ ਪ੍ਰਾਪਤੀ ਦੱਸਿਆ ਜਾ ਰਿਹਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਫਿਲਮ ਵਪਾਰ ਮਾਹਿਰ ਕੋਮਲ ਨਾਹਟਾ ਨੇ ਲਿਖਿਆ, ‘ਕੇਜੀਐਫ ਚੈਪਟਰ 2 ਦੇ ਹਿੰਦੀ ਸੰਸਕਰਣ ਦੀ 21 ਦਿਨਾਂ ਦੀ ਕੁਲੈਕਸ਼ਨ 391.65 ਕਰੋੜ ਰੁਪਏ ਰਹੀ ਹੈ।
'ਦੰਗਲ’ ਦਾ ਲਾਈਫਟਾਈਮ ਕਲੈਕਸ਼ਨ 387 ਕਰੋੜ ਰੁਪਏ ਰਿਹਾ। ਇਹ ਵੀ ਨੋਟ ਕੀਤਾ ਜਾਣਾ ਚਾਹੀਦਾ ਹੈ ਕਿ KGF ਦਾ ਕੁੱਲ ਹਿੱਸਾ ਗੈਰ-ਦੱਖਣੀ ਰਾਜਾਂ ਤੋਂ ਹੈ ਕਿਉਂਕਿ ਹਿੰਦੀ ਸੰਸਕਰਣ ਦੱਖਣੀ ਰਾਜਾਂ ਵਿੱਚ ਮੁਸ਼ਕਿਲ ਨਾਲ ਹੀ ਰਿਲੀਜ਼ ਹੋਇਆ ਹੈ। ਇਸ ਤਰ੍ਹਾਂ, ਕੇਜੀਐਫ ਚੈਪਟਰ 2 ਦਾ ਹਿੰਦੀ ਸੰਸਕਰਣ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਹਿੰਦੀ ਫਿਲਮ ਬਣ ਗਈ ਹੈ।
ਦੰਗਲ ਤੀਜੇ ਨੰਬਰ ‘ਤੇ ਆਈ ਹੈ। ਦੱਸ ਦੇਈਏ ਕਿ ਪ੍ਰਸ਼ਾਂਤ ਨੀਲ ਨੇ KGF ਚੈਪਟਰ 2 ਦਾ ਨਿਰਦੇਸ਼ਨ ਕੀਤਾ ਹੈ। ਫਿਲਮ ‘ਚ ਯਸ਼ ਤੋਂ ਇਲਾਵਾ ਸੰਜੇ ਦੱਤ, ਪ੍ਰਕਾਸ਼ ਰਾਜ ਅਤੇ ਰਵੀਨਾ ਟੰਡਨ ਵੀ ਨਜ਼ਰ ਆਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ KGF ਚੈਪਟਰ ਦਾ ਤੀਜਾ ਭਾਗ ਵੀ ਆ ਸਕਦਾ ਹੈ।