ਮੁੰਬਈ : ਸ਼ਹਿਨਾਜ਼ ਗਿੱਲ ਦੀ ਨਵੀਂ ਪੰਜਾਬੀ ਫਿਲਮ ‘ਹੌਂਸਲਾ ਰੱਖ’ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਫਿਲਮ ’ਚ ਉਹ ਦਿਲਜੀਤ ਦੋਸਾਂਝ ਨਾਲ ਦਿਖਾਈ ਦੇਵੇਗੀ। ਟ੍ਰੇਨਰ ਰਿਲੀਜ਼ ਹੁੰਦੇ ਹੀ ਫੈਨਜ਼ ’ਚ ਛਾਅ ਗਿਆ ਹੈ। ਸ਼ਹਿਨਾਜ਼ ਗਿੱਲ ਦੀ ਨਵੀਂ ਪੰਜਾਬੀ ਫਿਲਮ ‘ਹੌਂਸਲਾ ਰੱਖ’ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਫਿਲਮ ’ਚ ਉਹ ਦਿਲਜੀਤ ਦੋਸਾਂਝ ਨਾਲ ਦਿਖਾਈ ਦੇਵੇਗੀ।
ਬਿੱਗ ਬੌਸ 13 ਦੀ ਫਾਈਨਲਿਸਟ ਸ਼ਹਿਨਾਜ਼ ਗਿੱਲ ਨੇ ਐਕਟਿੰਗ ਦੀ ਦੁਨੀਆ ’ਚ ਕਦਮ ਰੱਖ ਦਿੱਤਾ ਹੈ। ਸ਼ਹਿਨਾਜ਼, ਦਿਲਜੀਤ ਦੋਸਾਂਝ ਅਤੇ ਸੋਨਮ ਬਾਜਵਾ ਦੀ ਅਪਕਮਿੰਗ ਮੂਵੀ ‘ਹੌਂਸਲਾ ਰੱਖ’ ਦਾ ਟ੍ਰੇਲਰਰਿਲੀਜ਼ ਹੋ ਗਿਆ ਹੈ।
ਫੈਨਜ਼ ਸਿਧਾਰਥ ਸ਼ੁਕਲਾ ਦੇ ਦਿਹਾਂਤ ਤੋਂ ਬਾਅਦ ਸ਼ਹਿਨਾਜ਼ ਗਿੱਲ ਦੀ ਇਕ ਝਲਕ ਦੇਖਣ ਲਈ ਤਰਸ ਗਏ ਸਨ। ਪਰ ਹੁਣ ਫੈਨਜ਼ ਨੂੰ ਸ਼ਹਿਨਾਜ਼ ਫਿਲਮ ਦੇ ਟ੍ਰੇਲਰ ’ਚ ਫਾਈਨਲੀ ਦਿਖਾਈ ਦਿੱਤੀ ਹੈ। 2 ਮਿੰਟ 56 ਸੈਕੰਡ ਦਾ ਇਹ ਟ੍ਰੇਲਰ ਕਾਫੀ ਮਜ਼ੇਦਾਰ ਅਤੇ ਕਾਮੇਡੀ ਨਾਲ ਭਰਪੂਰ ਹੈ।
ਟ੍ਰੇਲਰ ’ਚ ਦਿਲਜੀਤ ਦੋਸਾਂਝ ਨੇ ਇਕ ਵਾਰ ਫਿਰ ਤੋਂ ਕਾਮੇਡੀ ਦਾ ਖ਼ੂਬ ਤੜਕਾ ਲਗਾਉਂਦੇ ਹੋਏ ਦਿਲ ਜਿੱਤਿਆ ਹੈ। ਉਥੇ ਹੀ ਸ਼ਹਿਨਾਜ਼ ਵੀ ਦਮਦਾਰ ਰੋਲ ’ਚ ਦਿਖਾਈ ਦੇ ਰਹੀ ਹੈ। ਜਦਕਿ ਐਕਟਰੈੱਸ ਸੋਨਮ ਬਾਜਵਾ ਕਾਫੀ ਗਲੈਮਰਸ ਦਿਖੀ ਹੈ। ਟ੍ਰੇਲਰ ‘ਚ ਦਿਖਾਇਆ ਗਿਆ ਹੈ ਕਿ ਸ਼ਹਿਨਾਜ਼, ਦਿਲਜੀਤ ਦੇ ਬੱਚੇ ਦੀ ਮਾਂ ਬਣ ਜਾਂਦੀ ਹੈ, ਪਰ ਉਹ ਬੱਚੇ ਨੂੰ ਦਿਲਜੀਤ ਨੂੰ ਸੌਂਪ ਕੇ ਚਲੀ ਜਾਂਦੀ ਹੈ।
ਸ਼ਹਿਨਾਜ਼ ਦੇ ਚਲੇ ਜਾਣ ਤੋਂ ਬਾਅਦ ਕਈ ਪਰੇਸ਼ਾਨੀਆਂ ਨੂੰ ਝੱਲਦਿਆਂ ਦਿਲਜੀਤ ਆਪਣੇ ਬੇਟੇ ਨੂੰ ਪਾਲਦੇ ਹਨ। ਇਸਤੋਂ ਬਾਅਦ ਉਨ੍ਹਾਂ ਦੀ ਲਾਈਫ ’ਚ ਸੋਨਮ ਦੀ ਐਂਟਰੀ ਹੁੰਦੀ ਹੈ ਪਰ ਤਦ ਸ਼ਹਿਨਾਜ਼ ਵੀ ਵਾਪਸ ਆ ਜਾਂਦੀ ਹੈ। ਟ੍ਰੇਲਰ ਟਵਿੱਸਟ ਨਾਲ ਭਰਿਆ ਹੈ, ਅੱਗੇ ਕੀ ਹੁੰਦਾ ਹੈ ਕਹਾਣੀ ’ਚ ਇਸਦੇ ਲਈ ਫੈਨਜ਼ ਨੂੰ ਫਿਲਮ ਦਾ ਇੰਤਜ਼ਾਰ ਰਹੇਗਾ।
ਇਹ ਫਿਲਮ 15 ਅਕਤੂਬਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਟ੍ਰੇਲਰ ਤੋਂ ਬਾਅਦ ਹੁਣ ਫੈਨਜ਼ ਨੂੰ ਫਿਲਮ ਦਾ ਹੋਰ ਵੀ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਟ੍ਰੇਲਰ ਆਉਣ ਤੋਂ ਪਹਿਲਾਂ ਦਿਲਜੀਤ ਨੇ ਫਿਲਮ ਦਾ ਇਕ ਪੋਸਟ ਸ਼ੇਅਰ ਕੀਤਾ ਸੀ, ਜਿਸ ’ਚ ਉਨ੍ਹਾਂ ਦੇ ਹੱਥ ’ਚ ਇਕ ਬੱਚਾ ਹੈ ਅਤੇ ਉਨ੍ਹਾਂ ਦੇ ਨਾਲ ਸ਼ਹਿਨਾਜ਼ ਅਤੇ ਸੋਨਮ ਖੜ੍ਹੀਆਂ ਹਨ। ਦੱਸ ਦੇਈਏ ਕਿ ‘ਹੌਂਸਲਾ ਰੱਖ’ ’ਚ ਗਿੱਪੀ ਗਰੇਵਾਲ ਦਾ ਬੇਟਾ ਸ਼ਿੰਡਾ ਗਰੇਵਾਲ ਵੀ ਦਿਖਾਈ ਦੇਵੇਗਾ।