ਮਹਿੰਗੀ ਬਿਜਲੀ ਦੇ ਸਮਝੌਤੇ ਨੂੰ ਲੈ ਕੇ ਫਿਰ ਮੁਕਰੀ ਕੈਪਟਨ ਸਰਕਾਰ, ਆਪ ਵੱਲੋਂ ਪੁਤਲਾ ਫੂਕ ਪ੍ਰਦਰਸ਼ਨ

ਮੋਹਾਲੀ (ਸੱਚੀ ਕਲਮ ਬਿਊਰੋ) : ਜ਼ਿਲ੍ਹਾ ਪ੍ਰਧਾਨ ਗੋਵਿੰਦਰ ਮਿੱਤਲ ਨੇ ਰੋਸ ਪ੍ਰਦਰਸ਼ਨ ਵਿੱਚ ਬੋਲਦਿਆ ਕਿਹਾ ਕਿ ਕੈਪਟਨ ਸਰਕਾਰ ਵਲੋਂ ਵਾਰ ਵਾਰ ਝੂਠ ਬੋਲ ਕੇ ਪੰਜਾਬ ਦੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ, ਜਿਸ ਦਾ ਜਵਾਬ ਲੋਕ 2022 ਵਿੱਚ ਦੇਣਗੇ। ਕਾਂਗਰਸ ਸਰਕਰ ਹਰ ਫਰੰਟ 'ਤੇ ਫੇਲ੍ਹ ਸਾਬਤ ਹੋਈ ਹੈ।
ਜ਼ਿਲ੍ਹਾ ਸਕੱਤਰ ਪ੍ਰਭਜੋਤ ਕੌਰ ਨੇ ਕਿਹਾ ਕਿ ਕੈਪਟਨ ਇਹ ਨਾ ਕਹਿਣ ਕੇ ਆਪ ਵਿੱਚ ਲੀਡਰ ਨਹੀਂ, ਸਗੋਂ ਸ਼ਰਮ ਕਰਨ ਕਿ ਕਾਂਗਰਸ ਭ੍ਰਿਸ਼ਟ ਲੋਕਾਂ ਨਾਲ ਭਰੀ ਪਈ ਹੈ ਤੇ ਆਪ ਵਿੱਚ ਸਾਫ ਸੁਥਰੇ ਤੇ ਬੇਦਾਗ ਲੀਡਰ ਨੇ ਤੇ ਆਪ ਦੀ ਸਰਕਾਰ ਬਣਨ ਤੇ ਲੋਕਾਂ ਦਾ ਪੈਸਾ ਲੋਕਾਂ ਉਪਰ ਖਰਚ ਕਰਨਗੇ।
ਪਾਰਟੀ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਕਿਹਾ ਕਿ ਜਦੋਂ ਤੱਕ ਕਾਂਗਰਸ ਲੋਕਾਂ ਨੂੰ ਗੁੰਮਰਾਹ ਕਰਨਾ ਬੰਦ ਨਹੀ ਕਰਦੀ ਅਸੀਂ ਲੋਕਾਂ ਦੀ ਆਵਾਜ ਬੁਲੰਦ ਕਰਦੇ ਰਹਾਂਗੇ ਅਤੇ ਕੈਪਟਨ ਸਰਕਾਰ ਨੂੰ ਮਹਿੰਗੀ ਬਿਜਲੀ ਤੋਂ ਰਾਹਤ ਦਿਵਾਉਣ ਲਈ ਮਜਬੂਰ ਕਰਾਂਗੇ।
ਇਸ ਮੌਕੇ ਸ਼ਵਰਨਜੀਤ ਕੌਰ ਬਲਟਾਣਾ, ਸੋਨਾਲੀ ਪੰਡਿਤ, ਕਸ਼ਮੀਰ ਕੌਰ, ਸਵਿਤਾ ਪੁਰੀ, ਗੁਰਮੇਜ ਸਿੰਘ ਕਾਂਹਲੋਂ, ਰਮੇਸ਼ ਸ਼ਰਮਾ, ਗੁਰਤੇਜ ਸਿੰਘ ਪੰਨੂ, ਨਵਜੋਤ ਸਿੰਘ ਸੈਣੀ, ਕੁਲਜੀਤ ਸਿੰਘ ਰੰਧਾਵਾ, ਜਸਵੀਰ ਸਿੰਘ, ਮਨਦੀਪ ਮਟੌਰ, ਬੱਬਲਪ੍ਰੀਤ, ਕਮਲ ਚੌਧਰੀ, ਰਜੇਸ਼ ਰਾਣਾ , ਪ੍ਰਭਜੌਤ ਸਿੰਘ, ਕਰਮਜੀਤ ਸਿੰਘ, ਬਲਜੀਤ ਚੰਦ, ਕਮਲਪ੍ਰੀਤ ਸੈਣੀ, ਕਰਮਜੀਤ ਚੌਹਾਨ ਆਦਿ ਆਹੁਦੇਦਾਰ ਤੇ ਵਲੰਟੀਅਰ ਸ਼ਾਮਲ ਰਹੇ।