ਚੰਡੀਗੜ੍ਹ : ਮਸ਼ਹੂਰ ਗਾਇਕਾ ਨਿਮਰਤ ਖਹਿਰਾ ਅੱਜ ਆਪਣਾ ਜਨਮਦਿਨ ਮਨਾ ਰਹੀ ਹੈ। ਇਸ ਦੌਰਾਨ ਉਨ੍ਹਾਂ ਨੂੰ ਹਰ ਕੋਈ ਜਨਮ ਦਿਨ ਦੀਆਂ ਵਧਾਈਆ ਦੇ ਰਿਹਾ ਹੈ। ਦੱਸ ਦਈਏ ਕਿ ਨਿਮਰਤ ਖਹਿਰਾ ਦਾ ਜਨਮ 1992 'ਚ ਵਿੱਚ ਹੋਇਆ ਸੀ ਜੋ ਕਿ ਗੁਰਦਾਸਪੁਰ ਦੀ ਰਹਿਣ ਵਾਲੀ ਹੈ। ਨਿਮਰਤ ਦਾ ਪੂਰਾ ਨਾਂ ਨਿਮਰਤਪਾਲ ਕੌਰ ਖਹਿਰਾ ਹੈ। ਨਿਮਰਤ ਖਹਿਰਾ "ਵਾਈਸ ਆਫ ਪੰਜਾਬ" ਮੁਕਾਬਲੇ ਵਿੱਚ ਤਿੰਨ ਵਾਰ ਭਾਗ ਲੈ ਚੁੱਕੀ ਤੇ ਆਖਰੀ ਵਾਰ ਜੇਤੂ ਬਣਕੇ ਨਿਕਲੀ ਨਿਮਰਤ ਖਹਿਰਾ ਨੇ ਹੁਣ ਤੱਕ ਜੋ ਵੀ ਸਰੋਤਿਆਂ ਦੀ ਝੋਲੀ 'ਚ ਬਹੁਤ ਸਾਰੇ ਗੀਤ ਪਾਏ ਹਨ ਤੇ ਸਭ ਪ੍ਰਵਾਨ ਚੜੇ ਹਨ। ਨਿੱਜੀ ਜ਼ਿੰਦਗੀ ਵਿੱਚ ਸ਼ਾਂਤ ਸੁਭਾਅ ਤੇ ਮਿਲਣਸਾਰ ਇਹ ਗਾਇਕਾ ਹੁਣ ਬਤੌਰ ਹੀਰੋਇਨ ਵੀ ਸਰਗਰਮ ਹੈ। ਜੋ ਕਈ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ।