ਸਰੀ (ਕੈਨੇਡਾ), (ਏਜੰਸੀ) : ਇਥੋਂ ਬਾਹਰਵਾਰ ਪੈਂਦੇ ਲੈਂਗਲੀ ਇਲਕੇ 'ਚ ਸਥਿਤ ਐਲਡਰਗਰੋਵ ਦੇ 5800 ਬਲਾਕ 'ਚ ਅੱਜ ਸ਼ਾਮੀ ਛੇ ਵਜੇ ਇਕ ਵਿਆਹ ਸਮਾਰੋਹ 'ਚ ਵਾਪਰੇ ਹਾਦਸੇ ਦੌਰਾਨ 16 ਲੋਕਾਂ ਦੇ ਜ਼ਖ਼ਮੀ ਹੋਣ ਦੀ ਜਾਣਕਾਰੀ ਪ੍ਰਾਪਤ ਹੋਈ ਹੈ। ਇਸ ਸਬੰਧੀ ਪ੍ਰਪਾਤ ਤਾਜਾ ਵੇਰਵਿਆਂ ਮੁਤਾਬਕ ਉਕਤ ਇਲਾਕੇ 'ਚ ਸਥਿਤ ਇਕ ਘਰ 'ਚ ਇਕ ਵਿਆਹ ਸਮਾਰੋਹ ਆਯੋਜਿਤ ਕੀਤਾ ਗਿਆ ਸੀ ਜਿਸ ਵਿਚ ਸ਼ਿਰਕਤ ਕਰਨ ਲਈ 100 ਦੇ ਲਗਭਗ ਮਹਿਮਾਨ ਪੁੱਜੇ ਹੋਏ ਸਨ। ਇਸ ਦੌਰਾਨ ਡੈੱਕ (ਘਰ ਦੀ ਛੱਤ) ਉਪਰ ਸਮਰੱਥਾ ਤੋਂ ਵਧੇਰੇ ਮਹਿਮਾਨਾਂ ਦੇ ਚੜ੍ਹਨ ਨਾਲ ਅਚਾਨਕ ਡੈੱਕ ਟੁੱਟ ਗਿਆ ਜਿਸਦੇ ਸਿੱਟ ਵਜੋਂ 16 ਦੇ ਕਰੀਬ ਮਹਿਮਾਨ ਡਿੱਗਣ ਕਾਰਨ ਜ਼ਖ਼ਮੀ ਹੋ ਗਏ। ਮੌਕੇ 'ਤੇ ਪੁੱਜੀ ਐਂਬੁਲੈਂਸ ਵਲੋਂ ਜ਼ਖ਼ਮੀਆਂ ਨੂੰ ਹਸਪਤਾਲ ਪਹੁੰਚਾ ਦਿਤਾ ਗਿਆ ਹੈ।