ਨਵੀਂ ਦਿੱਲੀ : ਬਾਲੀਵੁਡ ਅਦਾਕਾਰ ਸੰਜੇ ਦੱਤ ਨੇ ਮੌਜੂਦਾ ਸਮੇਂ ਚੱਲ ਰਹੇ ਲੌਕਡਾਊਨ ਦੀ ਤੁਲਨਾ ਆਪਣੀ ਜੇਲ੍ਹ ਵਿੱਚ ਬਿਤਾਈ ਜ਼ਿੰਦਗੀ ਨਾਲ ਕੀਤੀ ਹੈ ਉਨ੍ਹਾਂ ਨੇ ਕਿਹਾ ਕਿ ਉਹ ਇਸ ਤਰ੍ਹਾਂ ਦਾ ਲੌਕਡਾਊਨ ਪਹਿਲਾਂ ਵੀ ਝੱਲ ਚੁੱਕੇ ਹਨ, ਜੋ ਕਾਫ਼ੀ ਜ਼ਿਆਦਾ ਲੰਮਾ ਸੀ। ਆਪਣੇ ਜੀਵਨ 'ਚ ਕਾਫ਼ੀ ਉਤਰਾ-ਚੜ੍ਹਾਆ ਦੇਖਣ ਵਾਲੇ ਸੰਜੇ ਦੱਤ ਨੂੰ ਸਾਲ 1993 'ਚ ਹੋਏ ਬੰਬ ਧਮਾਕੇ ਦੇ ਮਾਮਲੇ 'ਚ ਦੋਸ਼ੀ ਪਾਇਆ ਗਿਆ ਸੀ ਤੇ 5 ਸਾਲ ਦੀ ਸਜ਼ਾ ਹੋਈ ਸੀ ਤੇ ਉਨ੍ਹਾਂ ਨੇ 5 ਸਾਲ ਦੀ ਸਜ਼ਾ ਪੂਰੀ ਵੀ ਕੀਤੀ ਦੱਸ ਦੇਈਏ ਕਿ ਸੰਜੇ ਦੱਤ ਕਰਫਿਊ ਦੌਰਾਨ ਆਪਣੇ ਘਰ 'ਚ ਥਾਲੀ ਵਜਾਉਂਦੇ ਹੋਏ ਵੀ ਨਜ਼ਰ ਆਏ ਸੀ ਤੇ ਕਈ ਵਾਰ ਉਨ੍ਹਾਂ ਨੇ ਕੋਰੋਨਾ ਵਾਇਰਸ ਲਈ ਜਾਗਰੂਕ ਕਰਦੇ ਹੋਏ ਕਈ ਵੀਡੀਓ ਵੀ ਸ਼ੇਅਰ ਕੀਤੀਆਂ ਹਨ।