ਜਯਾ ਬੱਚਨ 'ਜਲਸਾ' 'ਚ ਇਕਾਂਤਵਾਸ

ਮੁੰਬਈ : ਫਿਲਮ ਜਗਤ ਦੇ ਸੁਪਰਸਟਾਰ ਅਮਿਤਾਭ ਬੱਚਨ ਦੀ ਪਤਨੀ ਫਿਲਮ ਅਦਾਕਾਰਾ ਜਯਾ ਬੱਚਨ ਦੀ ਕੋਰੋਨਾ ਟੈਸਟ ਰਿਪੋਰਟ ਨੈਗੇਟਿਵ ਆਈ ਹੈ। ਇਸ ਲਈ ਉਨ੍ਹਾਂ ਨੂੰ ਜੁਹੂ ਦੇ ਜਲਸਾ ਬੰਗਲੇ ਵਿਚ ਇਕਾਂਤਵਾਸ ਕੀਤਾ ਗਿਆ ਹੈ। ਮੁੰਬਈ ਮਿਉਂਸਪਲ ਕਾਰਪੋਰੇਸ਼ਨ ਦੇ ਸਹਾਇਕ ਕਮਿਸ਼ਨਰ ਵਿਸ਼ਵਾਸ ਮੋਟੇ ਨੇ ਐਤਵਾਰ ਨੂੰ ਕਿਹਾ ਕਿ ਬਚਨ ਪਰਿਵਾਰ ਦੇ ਤਿੰਨੋਂ ਬੰਗਲਿਆਂ ਦੀ ਸਫ਼ਾਈ ਕਰ ਦਿੱਤੀ ਗਈ ਹੈ ਅਤੇ ਨੌਕਰਾਂ ਦੀ ਕੋਰੋਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਸਿਹਤ ਮੰਤਰੀ ਰਾਜੇਸ਼ ਟੋਪੇ ਨੇ ਕਿਹਾ ਕਿ ਨਾਨਾਵਤੀ ਹਸਪਤਾਲ ਦੇ ਡਾਇਰੈਕਟਰ ਡਾ: ਗਾਡੇਕਰ ਨੇ ਉਨ੍ਹਾਂ ਨੂੰ ਦੱਸਿਆ ਹੈ ਕਿ ਐਸ਼ਵਰਿਆ ਰਾਏ ਅਤੇ ਆਰਾਧਿਆ ਬੱਚਨ ਦੀ ਕੋਰਨਾ ਰਿਪੋਰਟ ਪੌਜ਼ਿਟਿਵ ਹੈ। ਗਾਡੇਕਰ ਦੇ ਅਨੁਸਾਰ, ਸ਼ਨੀਵਾਰ ਨੂੰ ਦੋਵਾਂ ਦੀ ਐਂਟੀਜੇਨ ਰਿਪੋਰਟ ਨੈਗੇਟਿ ਆਈ ਸੀ। ਦੋਵਾਂ ਦਾ ਸ਼ਨੀਵਾਰ ਨੂੰ ਸਵੈਬ ਟੈਸਟ ਲਿਆ ਗਿਆ ਸੀ। ਦੋਵਾਂ ਦੀ ਸਵੈਬ ਰਿਪੋਰਟ ਐਤਵਾਰ ਨੂੰ ਪੌਜ਼ਿਟਿਵ ਆਈ। ਟੋਪੇ ਨੇ ਦੱਸਿਆ ਕਿ ਅਮਿਤਾਭ ਬੱਚਨ, ਅਭਿਸ਼ੇਕ ਬੱਚਨ ਨੂੰ ਹਲਕਾ ਬੁਖਾਰ ਸੀ। ਹੁਣ ਦੋਵੇਂ ਸਥਿਰ ਹਨ। ਟੋਪੇ ਨੇ ਕਿਹਾ ਕਿ ਰੱਬ ਨੂੰ ਬੇਨਤੀ ਹੈ ਕਿ ਬਚਨ ਪਰਿਵਾਰ ਦੇ ਸਾਰੇ ਚਾਰੇ ਮੈਂਬਰ ਜਲਦੀ ਠੀਕ ਹੋ ਜਾਣ। ਮੁੰਬਈ ਮਿਉਂਸਪਲ ਕਾਰਪੋਰੇਸ਼ਨ ਦੇ ਸਹਾਇਕ ਕਮਿਸ਼ਨਰ ਵਿਸ਼ਵਾਸ ਮੋਟੇ ਨੇ ਕਿਹਾ ਕਿ ਅਮਿਤਾਭ ਬੱਚਨ ਦੇ ਪਰਿਵਾਰ ਵਿੱਚ ਜਯਾ ਬੱਚਨ ਦੀ ਕੋਰੋਨਾ ਰਿਪੋਰਟ ਨਾਂਹ ਪੱਖੀ ਆਈ ਹੈ। ਉਨ੍ਹਾਂ ਨੂੰ ਜਲਸਾ ਬੰਗਲਾ ਵਿਖੇ ਕੁਆਰੰਟੀਨ ਵਿੱਚ ਰੱਖਿਆ ਗਿਆ ਹੈ। ਉਮੀਦ ਹੈ  ਕਿ ਅੱਜ ਸ਼ਾਮ ਤੱਕ ਐਸ਼ਵਰਿਆ ਰਾਏ ਬੱਚਨ ਅਤੇ ਆਰਾਧਿਆ ਬੱਚਨ ਨਾਨਾਵਤੀ ਹਸਪਤਾਲ ਵਿੱਚ ਦਾਖਲ ਹੋ ਜਾਣਗੇ। ਗ੍ਰਹਿ ਮੰਤਰੀ ਅਨਿਲ ਦੇਸ਼ਮੁਖ ਨੇ ਕਿਹਾ ਕਿ ਅਮਿਤਾਭ ਬੱਚਨ ਖ਼ੁਦ ਬਾਦਸ਼ਾਹ ਦੀ ਤਰ੍ਹਾਂ ਅਗਨੀਪਾਥ ਤੇ ਵਿਜੈ ਹਾਸਿਲ ਕਰਦਿਆਂ  ਸਾਰਿਆਂ ਨੂੰ ਖੁਸ਼ਹਾਲੀ ਦੀਆਂ ਖ਼ਬਰਾਂ ਦੇਣਗੇ। ਅਨਿਲ ਦੇਸ਼ਮੁਖ ਨੇ ਵੀ ਬੱਚਨ ਪਰਿਵਾਰ ਦੀ ਚੰਗੀ ਸਿਹਤਯਾਬੀ ਦੀ ਕਾਮਨਾ ਕੀਤੀ ਹੈ।