ਕੁੱਲੂ : ਬਰਮਾਣਾ ਪੁਲਿਸ ਨੇ ਚਰਸ ਸਣੇ ਇੱਕ ਦੋਸ਼ੀ ਨੂੰ ਕਾਬੂ ਕੀਤਾ ਹੈ। ਪੁਲਿਸ ਨੇ ਉਕਤ ਦੋਸ਼ੀ ਵਿਰੁੱਧ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ । ਜਾਣਕਾਰੀ ਅਨੁਸਾਰ ਬਰਮਾਣਾ ਪੁਲਿਸ ਦੁਆਰਾ ਸਲਾਪੜ ਪੁੱਲ ਦੇ ਕੋਲ ਨਾਕਾਬੰਦੀ ਕੀਤੀ ਗਈ ਸੀ। ਇਸ ਦੌਰਾਨ ਜ਼ਿਲ੍ਹਾ ਕੁੱਲੂ ਦਾ ਕਾਰ ਚਾਲਕ ਆਇਆ, ਜਿਸ ਨੂੰ ਸ਼ੱਕ ਦੇ ਆਧਾਰ 'ਤੇ ਪੁਲਿਸ ਦੁਆਰਾ ਚੈਕਿੰਗ ਲਈ ਰੋਕਿਆ ਗਿਆ। ਜਦੋਂ ਕਾਰ ਦੀ ਤਲਾਸ਼ੀ ਲਈ ਗਈ ਤਾਂ 340 ਗਰਾਮ ਚਰਸ ਬਰਾਮਦ ਕੀਤੀ।
ਇਸ ਦੇ ਚਲਦੇ ਪੁਲਿਸ ਨੇ ਮੌਕੇ 'ਤੇ ਕਾਰ ਦੇ ਨਾਲ ਹੀ ਦੋਸ਼ੀ ਨੂੰ ਵੀ ਫੜ ਲਿਆ।ਦੋਸ਼ੀ ਦੀ ਪਹਿਚਾਣ ਅਜੀਤ ਨੇਗੀ ਪੁੱਤਰ ਛੇਰਿੰਗ ਨੇਗੀ ਪਿੰਡ ਛਦੌਲ, ਡਾਕਖ਼ਾਨਾ ਨਯੋਲੀ, ਜ਼ਿਲ੍ਹਾ ਕੁੱਲੂ ਵਜੋਂ ਹੋਈ ਹੈ। ਕਾਰ ਦੀ ਡਿੱਕੀ ਵਿਚੋਂ ਚਰਸ ਬਰਾਮਦ ਕੀਤੀ ਗਈ ਹੈ। ਉੱਧਰ, ਇਸ ਬਾਰੇ ਸਬੰਧੀ ਡੀਐੱਸਪੀ ਸੰਜੇ ਸ਼ਰਮਾ ਨੇ ਦੱਸਿਆ ਕਿ ਪੁਲਿਸ ਨੇ ਦੋਸ਼ੀ ਵਿਰੁੱਧ ਮਾਮਲਾ ਦਰਜ ਕਰ ਬਣਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।