ਗੁਰੂ ਨਾਨਕ ਜਯੰਤੀ ਦੇ ਵਿਸ਼ੇਸ਼ ਮੌਕੇ ਸੋਮਵਾਰ ਨੂੰ ਦਿੱਗਜ ਅਭਿਨੇਤਾ ਧਰਮਿੰਦਰ ਨੇ ਆਪਣੀ ਆਉਣ ਵਾਲੀ ਫਿਲਮ ਦਾ ਐਲਾਨ ਕਰਦਿਆਂ ਪ੍ਰਸ਼ੰਸਕਾਂ ਨੂੰ ਵੱਡੀ ਖਬਰ ਦਿੱਤੀ ਹੈ। ਇਹ ਫਿਲਮ 2007 ਵਿੱਚ ਰਿਲੀਜ਼ ਹੋਈ ਫਿਲਮ ਅਪਨੇ ਦਾ ਦੂਜਾ ਭਾਗ ਹੈ। ਖਾਸ ਗੱਲ ਇਹ ਹੈ ਕਿ ਫਿਲਮ ਦੇ ਦੂਜੇ ਭਾਗ ਵਿੱਚ ਪ੍ਰਸ਼ੰਸਕ ਦਿਓਲ ਪਰਿਵਾਰ ਦੀਆਂ ਤਿੰਨ ਪੀੜ੍ਹੀਆਂ ਨੂੰ ਇਕੱਠੇ ਵੇਖ ਸਕਣਗੇ।
ਫਿਲਮ ਦੇ ਦੂਜੇ ਹਿੱਸੇ ਦੀ ਘੋਸ਼ਣਾ ਕਰਦਿਆਂ ਧਰਮਿੰਦਰ ਨੇ ਟਵੀਟ ਕੀਤਾ- 'ਮੇਰੇ ਅਪਨੀਓ! ਜਿੰਨਾ ਚਿਰ ਮਾਲਕ ਦੀ ਮੇਹਰ-ਓ-ਕਰਮ ਰਹੇਗੀ, ਅਸੀਂ ਇਕੱਠੇ ਚੱਲਦੇ ਰਹਾਂਗੇ ... ਦਿਓਲ ਦੀਆਂ ਤਿੰਨ ਪੀੜ੍ਹੀਆਂ '' ਅਪਨੇ- 2 '' ਨਾਲ ਦੀਵਾਲੀ 2021 ਨੂੰ ਸਿਨੇਮਾਘਰਾਂ ਵਿਚ ਵਾਪਸ ਆ ਰਹੀਆਂ ਹਨ। '
ਇਹ ਵੀ ਪੜ੍ਹੋ : ਫ਼ਿਲਮ 'ਬੈੱਲ ਬੋਟਮ' ਦੇ ਕਾਸਟਿੰਗ ਨਿਰਦੇਸ਼ਕ 'ਤੇ ਜਿਸਮਾਨੀ ਸ਼ੋਸ਼ਣ ਦੇ ਦੋਸ਼
ਧਰਮਿੰਦਰ ਦੇ ਇਸ ਐਲਾਨ ਤੋਂ ਬਾਅਦ ਪ੍ਰਸ਼ੰਸਕ ਦਿਓਲ ਪਰਿਵਾਰ ਦੀਆਂ ਤਿੰਨ ਪੀੜ੍ਹੀਆਂ ਨੂੰ ਇਕੱਠੇ ਵੇਖਣ ਲਈ ਉਤਸ਼ਾਹਿਤ ਹਨ। ਫਿਲਮ ਵਿਚ ਧਰਮਿੰਦਰ ਅਤੇ ਉਨ੍ਹਾਂ ਦੇ ਦੋ ਬੇਟੇ ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਅਤੇ ਇਸ ਵਾਰ ਸੰਨੀ ਦਿਓਲ ਦੇ ਬੇਟੇ ਕਰਨ ਦਿਓਲ ਦੀ ਵੀ ਮੁੱਖ ਭੂਮਿਕਾ ਹੋਵੇਗੀ।
ਇਨ੍ਹਾਂ ਤਿੰਨ ਪੀੜ੍ਹੀਆਂ ਨੂੰ ਫਿਲਮ ਵਿੱਚ ਇਕੱਠੇ ਵੇਖਣਾ ਕਾਫੀ ਰੋਮਾਂਚਕ ਹੋਵੇਗਾ। ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਜਨਵਰੀ ਵਿਚ ਸ਼ੁਰੂ ਹੋਵੇਗੀ ਅਤੇ ਇਹ ਫਿਲਮ ਆਧੁਨਿਕ ਯੁੱਗ 'ਤੇ ਅਧਾਰਤ ਹੋਵੇਗੀ। ਫਿਲਮ 'ਅਪਨੇ 2' ਦਾ ਨਿਰਦੇਸ਼ਨ ਅਨਿਲ ਸ਼ਰਮਾ ਕਰਨਗੇ। ਫਿਲਮ ਦੀਪਕ ਮੁਕੁਟ ਪ੍ਰੋਡਿਊਸ ਕਰਨਗੇ।