ਨਵੀਂ ਦਿੱਲੀ : ਕਾਂਗਰਸ ਨੇ ਦੇਸ਼ ਵਿਚ ਕੋਰੋਨਾਵਾਇਰਸ ਪੀੜਤਾਂ ਦੀ ਗਿਣਤੀ 40 ਲੱਖ ਦੇ ਪਾਰ ਜਾਣ ਤੋਂ ਬਾਅਦ ਕਿਹਾ ਹੈ ਕਿ ਭਾਰਤ ਵਿਸ਼ਵ ਦੀ 'ਕੋਰੋਨਾ ਕੈਪੀਟਲ' ਬਣ ਗਿਆ ਹੈ। ਇਸ ਦੇ ਨਾਲ ਹੀ ਪਾਰਟੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਸ ਮਹਾਮਾਰੀ ਨਾਲ ਪ੍ਰਭਾਵਸ਼ਾਲੀ ਢੰਗ ਨਾਲ ਨਜਿੱਠਣ ਵਿਚ 'ਅਸਫ਼ਲਤਾ' ਬਾਰੇ ਜਵਾਬ ਦੇਣਾ ਚਾਹੀਦਾ ਹੈ।
ਪਾਰਟੀ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਵੀ ਸਰਕਾਰ ਨੂੰ ਸਵਾਲ ਕੀਤਾ ਕਿ ਕੋਰੋਨਾ ਉੱਤੇ ਕੰਟਰੋਲ ਕਿਵੇਂ ਕੀਤਾ ਜਾਵੇਗਾ ਅਤੇ 'ਡੁੱਬਦੀ ਅਰਥ ਵਿਵਸਥਾ' ਨੂੰ ਕਿਵੇਂ ਉਭਾਰਿਆ ਜਾਵੇਗਾ? ਉਨ੍ਹਾਂ ਨੇ ਪੱਤਰਕਾਰਾਂ ਨੂੰ ਕਿਹਾ, 'ਮੋਦੀ ਜੀ ਨੇ ਕਿਹਾ ਸੀ, 'ਮਹਾਂਭਾਰਤ ਦਾ ਯੁੱਧ 18 ਦਿਨ ਚੱਲਿਆ ਸੀ ਪਰ 'ਕੋਰੋਨਾ ਤੋਂ ਯੁੱਧ ਜਿੱਤਣ ਵਿਚ 21 ਦਿਨ ਲੱਗਣਗੇ'। ਪਰ 166 ਦਿਨਾਂ ਬਾਅਦ ਵੀ 'ਕੋਰੋਨਾ ਮਹਾਂਮਾਰੀ ਦੀ ਮਹਾਭਾਰਤ' ਦੇਸ਼ ਭਰ ਵਿਚ ਛਿੜੀ ਹੋਈ ਹੈ, ਲੋਕ ਮਰ ਰਹੇ ਹਨ, ਪਰ ਮੋਦੀ ਜੀ ਮੋਰ ਨੂੰ ਦਾਣੇ ਪਾ ਰਹੇ ਹਨ। ਕੋਰੋਨਾ ਨਾਲ ਜੰਗ ਤਾਂ ਜਾਰੀ ਹੈ ਪਰ ਕਮਾਂਡਰ ਗੈਰਹਾਜ਼ਰ ਹੈ।
ਸੁਰਜੇਵਾਲਾ ਨੇ ਅੰਕੜਿਆਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ, 'ਭਾਰਤ ਅੱਜ ਦੁਨੀਆਂ ਦੀ 'ਕੋਰੋਨਾ ਰਾਜਧਾਨੀ' ਬਣ ਗਿਆ ਹੈ। ਕੋਰੋਨਾ ਮਹਾਂਮਾਰੀ (coronavirus pandemic) ਦੇ ਸੰਕਰਮਣ ਵਿਚ ਭਾਰਤ ਹੁਣ ਦਾ ਦੁਨੀਆਂ ਵਿਚ ਦੂਸਰਾ ਨੰਬਰ ਹੈ। ਪਿਛਲੇ 24 ਘੰਟਿਆਂ ਵਿਚ ਭਾਰਤ ਵਿਚ ਕੋਰੋਨਾ ਦੀ ਲਾਗ ਦੇ 90, 633 ਮਾਮਲੇ ਸਾਹਮਣੇ ਆਏ ਹਨ।
ਕਾਂਗਰਸੀ ਆਗੂ ਨੇ ਦਾਅਤਾ ਕੀਤਾ ਕਿਡ ਭਾਰਤ ਵਿਚ ਕੋਰੋਨਾ ਸੰਕਰਮਣ ਦੇ ਮਾਮਲੇ 29 ਦਿਨਾਂ ਵਿਚ 20 ਲੱਖ ਤੋਂ ਵਧ ਕੇ 40 ਲੱਖ ਹੋ ਗਏ ਹਨ। ਮਾਹਰਾਂ ਮੁਤਾਬਕ ਆਉਣ ਵਾਲੇ ਦਿਨਾਂ ਵਿਚ ਕੋਰੋਨਾ ਦੀ ਲਾਗ ਹੋਰ ਖ਼ਤਰਨਾਕ ਹੋ ਸਕਦੀ ਹੈ। 30 ਨਵੰਬਰ ਕੋਰੋਨਾ ਤਕ ਸੰਕਰਮਣ ਕੇਸ 1 ਕਰੋੜ, 30 ਦਸੰਬਰ ਤਕ 'ਕੋਰੋਨਾ' ਦੇ ਸੰਕਰਮਣ ਦੇ ਮਾਮਲੇ ਵਧ ਕੇ 1.40 ਕਰੋੜ ਹੋ ਸਕਦੇ ਹਨ।
ਉਨ੍ਹਾਂ ਦੋਸ਼ ਲਾਇਆ ਕਿ ਸਿਰਫ਼ ਤਿੰਨ ਘੰਟਿਆਂ ਦੇ ਨੋਟਿਸ ਤੋਂ ਬਾਅਦ ਬਿਨਾਂ ਸੋਚੇ ਸਮਝੇ ਤਾਲਾਬੰਦੀ ਕਾਰਨ ਕੋਰੋਨਾ ਮਹਾਂਮਾਰੀ ਨਹੀਂ ਰੁਕੀ, ਬਲਕਿ ਇਸ ਨੇ ਦੇਸ਼ ਦੀ ਆਰਥਿਕਤਾ ਅਤੇ ਲੋਕਾਂ ਦੇ ਰੁਜ਼ਗਾਰ ਦੀ ਰੀੜ ਦੀ ਹੱਡੀ ਤੋੜ ਦਿਤੀ। ਇਹ ਪ੍ਰਧਾਨ ਮੰਤਰੀ ਦੀ ਅਸਫ਼ਲ ਲੀਡਰਸ਼ਿਪ ਹੈ। 'ਸੁਰਜੇਵਾਲਾ ਨੇ ਪੁੱਛਿਆ, 'ਮੋਦੀ ਜੀ ਲੀਡਰਸ਼ਿਪ ਦੀ ਇਸ ਅਸਫ਼ਲਤਾ ਦਾ ਜਵਾਬ ਦਿਓ। ਦੇਸ਼ ਨੂੰ ਦੱਸੋ ਕਿ ਕੋਰੋਨਾ 'ਤੇ ਕੰਟਰੋਲ ਕਿਵੇਂ ਹੋਵੇਗਾ? ਤੁਸੀਂ ਕੋਰੋਨਾ ਦੀ ਲਾਗ ਦੀ ਵਿਸਫੋਟਕ ਸਥਿਤੀ ਨੂੰ ਕਿਵੇਂ ਪਾਰ ਕਰੋਗੇ? ਕਰੋੜਾਂ ਵਿਚ ਜਾਣ ਤੋਂ ਕੋਰੋਨਾ ਦੀ ਲਾਗ ਨੂੰ ਕਿਵੇਂ ਰੋਕਿਆ ਜਾਵੇ? ਕੋਰੋਨਾ ਤੋਂ ਹੋਣ ਵਾਲੀਆਂ ਮੌਤਾਂ 'ਤੇ ਕਿਵੇਂ ਕਾਬੂ ਪਾਇਆ ਜਾਵੇਗਾ? ਡੁੱਬ ਰਹੀ ਆਰਥਿਕਤਾ ਨੂੰ ਕਿਵੇਂ ਬਚਾਇਆ ਜਾਵੇ? ਕੀ ਕੋਈ ਹੱਲ ਹੈ ਜਾਂ ਰੱਬ ਨੂੰ ਦੋਸ਼ ਦੇ ਦੇਵੋਗੇ?