ਭਾਰਤ ਨੂੰ ਸ਼ਨੀਵਾਰ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਾ ਜਦੋਂ ਚੋਟੀ ਦੇ ਕ੍ਰਮ ਦੇ ਸਟਾਰ ਬੱਲੇਬਾਜ਼ ਸ਼ੁਭਮਨ ਗਿੱਲ ਦੇ ਖੱਬੇ ਹੱਥ ਦੇ ਅੰਗੂਠੇ 'ਚ ਫਰੈਕਚਰ ਹੋ ਗਿਆ, ਜਿਸ ਕਾਰਨ ਉਹ 22 ਨਵੰਬਰ ਤੋਂ ਪਰਥ 'ਚ ਸ਼ੁਰੂ ਹੋਣ ਵਾਲੇ ਬਾਰਡਰ-ਗਾਵਸਕਰ ਟਰਾਫੀ ਦੇ ਪਹਿਲੇ ਟੈਸਟ ਤੋਂ ਬਾਹਰ ਹੋ ਸਕਦਾ ਹੈ।
ਭਾਰਤ ਦੀ ਪਿਛਲੀ ਬਾਰਡਰ-ਗਾਵਸਕਰ ਟਰਾਫੀ ਜਿੱਤ ਦੇ ਨੌਜਵਾਨ ਨਾਇਕਾਂ ਵਿੱਚੋਂ ਇੱਕ ਗਿੱਲ ਦੀ ਬੱਲੇਬਾਜ਼ੀ ਮੁੱਖ ਆਧਾਰ ਹੈ ਅਤੇ ਜੇਕਰ ਕਪਤਾਨ ਰੋਹਿਤ ਸ਼ਰਮਾ ਪਹਿਲੇ ਟੈਸਟ ਤੋਂ ਬਾਹਰ ਹੋ ਜਾਂਦਾ ਹੈ ਤਾਂ ਭਾਰਤ ਦਾ ਸਿਖਰਲਾ ਕ੍ਰਮ ਕਮਜ਼ੋਰ ਨਜ਼ਰ ਆ ਸਕਦਾ ਹੈ।
ਗਿੱਲ ਨੂੰ ਅਭਿਆਸ ਮੈਚ ਦੇ ਦੂਜੇ ਦਿਨ ਫੀਲਡਿੰਗ ਕਰਦੇ ਸਮੇਂ ਸੱਟ ਲੱਗ ਗਈ ਸੀ, ਜਿਸ ਵਿਚ ਟੀਮ ਨੂੰ ਦੋ ਟੀਮਾਂ ਵਿਚ ਵੰਡਿਆ ਗਿਆ ਸੀ। ਸੱਟ ਤੋਂ ਬਾਅਦ ਉਹ ਕਾਫੀ ਦਰਦ 'ਚ ਨਜ਼ਰ ਆ ਰਿਹਾ ਸੀ ਅਤੇ ਤੁਰੰਤ ਸਕੈਨ ਲਈ ਮੈਦਾਨ ਛੱਡ ਗਿਆ।