ਕੁੱਲੂ : ਕੋਰੋਨਾ ਸੰਕਟ ਦੌਰਾਨ ਕੁੱਲੂ (kullu) ਜ਼ਿਲ੍ਹੇ ਵਿਚ ਇਕ ਦਿਲ ਦਹਿਲਾ ਦੇਣ ਵਾਲੀ ਖਬਰ ਸਾਹਮਣੇ ਆਈ ਹੈ। ਦੱਸ ਦਈਏ ਕਿ ਇਥੇ ਇਕ ਨੌਜਵਾਨ ਦੀ ਲਾਸ਼ (dead body) ਬਰਾਮਦ ਹੋਈ ਹੈ ਜਿਸ ਦਾ ਸਿਰ ਸੜਕ ਦੇ ਕੰਢਿਓਂ ਜਦ ਕਿ ਧੜ ਜੰਗਲ ਵਿਚੋਂ ਬਰਾਮਦ ਕੀਤਾ ਗਿਆ ਹੈ। ਜਾਂਚ ਟੀਮ ਨੂੰ ਮੌਕੇ ਤੇ ਬੁਲਾ ਕੇ ਪੁਲਿਸ ਨੇ ਸਿਰ ਅਤੇ ਧੜ ਨੂੰ ਕਬਜ਼ੇ ਵਿਚ ਲੈ ਲਿਆ ਹੈ ਅਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ : ਸਾਬਕਾ ਕਬੱਡੀ ਖਿਡਾਰੀ ਮੱਖਣ ਸਿੰਘ ਜੌਹਲ ਦਾ ਦਿਹਾਂਤ
ਜ਼ਿਕਰਯੋਗ ਹੈ ਕਿ ਇਹ ਵਾਰਦਾਤ (crime) ਮਣੀਕਰਨ (manikarn) ਦੇ ਕਸੋਲ (kasol)ਨਜ਼ਦੀਕ ਹੋਈ ਹੈ। ਜ਼ਿਲ੍ਹੇ ਦੇ ਐਸ ਪੀ ਗੌਰਵ ਸਿੰਘ ਨੇ ਦੱਸਿਆ ਕਿ ਪੁਲਿਸ (police) ਨੇ ਵੱਢੇ ਹੋਏ ਸਿਰ ਅਤੇ ਧੜ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ ਹੈ। ਜਾਣਕਾਰੀ ਅਨੁਸਾਰ ਇਹ ਵਡਿਆ ਹੋਇਆ ਸਿਰ ਇਕ ਨੌਜਵਾਨ ਦਾ ਲੱਗ ਰਿਹਾ ਹੈ। ਜਾਂਚ ਲਈ ਫਾਰੈਂਸਿਕ ਟੀਮ (forensic team) ਨੂੰ ਬੁਲਾਇਆ ਗਿਆ ਹੈ ਜੋ ਘਟਨਾ ਦੇ ਹਰ ਪਹਿਲੂ ਦੀ ਬਰੀਕੀ ਨਾਲ ਛਾਣਬੀਣ ਕਰੇਗੀ।