Ranji Trophy 2023-24 Final: ਰਣਜੀ ਟਰਾਫੀ 2023-24 ਦਾ ਫਾਈਨਲ ਮੈਚ ਮੁੰਬਈ ਅਤੇ ਵਿਦਰਭ ਵਿਚਕਾਰ ਖੇਡਿਆ ਗਿਆ। ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ ਖੇਡੇ ਗਏ ਇਸ ਮੈਚ 'ਚ ਅਨੁਭਵੀ ਬੱਲੇਬਾਜ਼ ਅਜਿੰਕਯ ਰਹਾਣੇ ਦੀ ਕਪਤਾਨੀ 'ਚ ਵਿਦਰਭ ਨੇ ਵਿਦਰਭ ਨੂੰ 169 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ 42ਵੀਂ ਵਾਰ ਖਿਤਾਬ ਜਿੱਤਿਆ।
ਮੁੰਬਈ ਲਈ ਤੇਜ਼ ਗੇਂਦਬਾਜ਼ ਸ਼ਾਰਦੁਲ ਠਾਕੁਰ ਅਤੇ ਸਰਫਰਾਜ਼ ਖਾਨ ਦੇ ਭਰਾ ਮੁਸ਼ੀਰ ਖਾਨ ਨੇ ਇਕ ਵਾਰ ਫਿਰ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇਸ ਮੈਚ 'ਚ ਮੁੰਬਈ ਨੇ ਸ਼ਾਰਦੁਲ ਠਾਕੁਰ ਦੀਆਂ 75 ਦੌੜਾਂ ਦੀ ਪਾਰੀ ਦੀ ਮਦਦ ਨਾਲ ਪਹਿਲੀ ਪਾਰੀ 'ਚ 224 ਦੌੜਾਂ ਬਣਾਈਆਂ। ਜਵਾਬ 'ਚ ਵਿਦਰਭ ਦੀ ਟੀਮ 105 ਦੌੜਾਂ 'ਤੇ ਹੀ ਢੇਰ ਹੋ ਗਈ।
ਦੂਜੀ ਪਾਰੀ 'ਚ ਮੁੰਬਈ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਮੁਸ਼ੀਰ ਖਾਨ ਦੀਆਂ 136 ਦੌੜਾਂ, ਸ਼੍ਰੇਅਸ ਅਈਅਰ ਦੀਆਂ 95 ਦੌੜਾਂ, ਕਪਤਾਨ ਰਹਾਣੇ ਦੀਆਂ 73 ਦੌੜਾਂ ਅਤੇ ਸ਼ਮਸ ਮੁਲਾਨੀ ਦੀਆਂ 50 ਦੌੜਾਂ ਦੀ ਅਜੇਤੂ ਪਾਰੀ ਦੀ ਮਦਦ ਨਾਲ 418 ਦੌੜਾਂ ਬਣਾਈਆਂ | ਮੁੰਬਈ ਦੀ ਕੁੱਲ ਲੀਡ 537 ਦੌੜਾਂ ਸੀ ਅਤੇ ਵਿਦਰਭ ਨੂੰ 538 ਦੌੜਾਂ ਦਾ ਟੀਚਾ ਦਿੱਤਾ ਗਿਆ ਸੀ।