📱ਜਲਦ ਲਾਂਚ ਹੋਵੇਗਾ ਐਪਲ ਦਾ ਪਹਿਲਾ ਫੋਲਡੇਬਲ iPhone

ਦੁਨੀਆ ਭਰ ਦੇ ਸਮਾਰਟਫੋਨ ਯੂਜ਼ਰਸ ਪਿਛਲੇ ਕਈ ਸਾਲਾਂ ਤੋਂ ਐਪਲ ਦੇ ਫੋਲਡੇਬਲ ਸਮਾਰਟਫੋਨ ਯਾਨੀ ਫੋਲਡੇਬਲ ਆਈਫੋਨ ਦਾ ਇੰਤਜ਼ਾਰ ਕਰ ਰਹੇ ਹਨ। ਸੈਮਸੰਗ, ਵੀਵੋ, ਓਪੋ ਅਤੇ ਮੋਟੋਰੋਲਾ ਵਰਗੀਆਂ ਕਈ ਸਮਾਰਟਫੋਨ ਕੰਪਨੀਆਂ ਨੇ ਆਪਣੇ ਫੋਲਡੇਬਲ ਸਮਾਰਟਫੋਨ ਲਾਂਚ ਕੀਤੇ ਹਨ, ਪਰ ਐਪਲ ਨੇ ਅਜੇ ਤੱਕ ਆਪਣਾ ਫੋਲਡੇਬਲ ਸਮਾਰਟਫੋਨ ਲਾਂਚ ਨਹੀਂ ਕੀਤਾ ਹੈ।

ਹਾਲਾਂਕਿ ਹੁਣ ਇਸ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ ਕਿਉਂਕਿ ਪਿਛਲੇ ਕਈ ਮਹੀਨਿਆਂ ਤੋਂ ਸੋਸ਼ਲ ਮੀਡੀਆ ‘ਤੇ ਅਫਵਾਹਾਂ ਫੈਲ ਰਹੀਆਂ ਹਨ ਕਿ ਐਪਲ ਆਪਣੇ ਫੋਲਡੇਬਲ ਡਿਵਾਈਸ ‘ਤੇ ਕੰਮ ਕਰ ਰਿਹਾ ਹੈ। ਹੁਣ ਇਸ ਅਫਵਾਹ ਵਿੱਚ ਇੱਕ ਨਵਾਂ ਅਪਡੇਟ ਆਇਆ ਹੈ।

ਕਿਹਾ ਜਾ ਰਿਹਾ ਹੈ ਕਿ ਐਪਲ ਆਪਣਾ ਪਹਿਲਾ ਫੋਲਡੇਬਲ ਸਮਾਰਟਫੋਨ 2026 ‘ਚ ਲਾਂਚ ਕਰ ਸਕਦਾ ਹੈ। ਹਾਲ ਹੀ ਵਿੱਚ, ਮਸ਼ਹੂਰ ਵਿਸ਼ਲੇਸ਼ਕ ਮਿੰਗ-ਚੀ ਕੁਓ ਨੇ ਦਾਅਵਾ ਕੀਤਾ ਕਿ ਐਪਲ ਇੱਕ ਫੋਲਡੇਬਲ ਮੈਕਬੁੱਕ ‘ਤੇ ਕੰਮ ਕਰ ਰਿਹਾ ਹੈ ਅਤੇ ਇਸਨੂੰ 2027 ਤੱਕ ਲਾਂਚ ਕਰਨ ਦਾ ਟੀਚਾ ਹੈ। ਹੁਣ ਇੱਕ ਨਵੀਂ ਅਪਡੇਟ ਵਿੱਚ, Revegress ਨੇ ਦਾਅਵਾ ਕੀਤਾ ਹੈ ਕਿ ਐਪਲ ਦਾ ਪਹਿਲਾ ਫੋਲਡੇਬਲ ਫੋਨ 2026 ਵਿੱਚ ਰਿਲੀਜ਼ ਹੋਵੇਗਾ।

ਹਾਲਾਂਕਿ, ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਕੁਝ ਰਿਪੋਰਟਾਂ ਸਾਹਮਣੇ ਆਈਆਂ ਸਨ, ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਐਪਲ 2026 ਤੱਕ ਫੋਲਡੇਬਲ ਆਈਫੋਨ ਦਾ ਉਤਪਾਦਨ ਨਹੀਂ ਕਰੇਗਾ, ਪਰ ਹੁਣ Revegress ਦਾ ਕਹਿਣਾ ਹੈ ਕਿ ਐਪਲ 2026 ਤੱਕ ਆਪਣਾ ਪਹਿਲਾ ਫੋਲਡੇਬਲ ਆਈਫੋਨ ਲਾਂਚ ਕਰਨ ਦਾ ਟੀਚਾ ਰੱਖ ਰਿਹਾ ਹੈ।