ਰਣਜੀ ਟਰਾਫੀ 2023-24 ਦੇ ਤਹਿਤ ਮੁੰਬਈ ਅਤੇ ਬੜੌਦਾ ਵਿਚਕਾਰ ਕੁਆਰਟਰ ਫਾਈਨਲ ਮੈਚ ਵਿੱਚ ਇੱਕ ਵਾਰ ਫਿਰ ਇਤਿਹਾਸ ਦੁਹਰਾਇਆ ਗਿਆ ਹੈ।
ਮੁੰਬਈ ਦੇ ਤੁਸ਼ਾਰ ਦੇਸ਼ਪਾਂਡੇ ਅਤੇ ਤਨੁਸ਼ ਕੋਟੀਅਨ ਨੇ 78 ਸਾਲਾਂ ਬਾਅਦ ਅਜਿਹਾ ਰਿਕਾਰਡ ਬਣਾਇਆ ਹੈ, ਜੋ ਇਤਿਹਾਸ ਦੇ ਸੁਨਹਿਰੀ ਪੰਨਿਆਂ ਵਿੱਚ ਦਰਜ ਹੋ ਗਿਆ ਹੈ। ਮੁੰਬਈ ਦੀ ਟੀਮ ਆਪਣੀ ਦੂਜੀ ਪਾਰੀ 'ਚ 337 ਦੌੜਾਂ 'ਤੇ 9 ਵਿਕਟਾਂ ਗੁਆ ਚੁੱਕੀ ਸੀ।
ਇਸ ਤੋਂ ਬਾਅਦ 10ਵੇਂ ਅਤੇ 11ਵੇਂ ਨੰਬਰ 'ਤੇ ਆਏ ਤੁਸ਼ਾਰ ਦੇਸ਼ਪਾਂਡੇ ਅਤੇ ਤਨੁਸ਼ ਕੋਟੀਅਨ ਨੇ ਪਾਰੀ ਨੂੰ ਚੰਗੀ ਤਰ੍ਹਾਂ ਸੰਭਾਲਿਆ ਅਤੇ ਦੋਵਾਂ ਨੇ ਸੈਂਕੜੇ ਜੜ ਕੇ ਮੁੰਬਈ ਦੇ ਸਕੋਰ ਨੂੰ 569 ਤੱਕ ਪਹੁੰਚਾਇਆ ਅਤੇ ਬੜੌਦਾ ਦੇ ਗੇਂਦਬਾਜ਼ਾਂ ਨੂੰ ਪਾੜ ਦਿੱਤਾ। ਇਹ ਚਮਤਕਾਰ 78 ਸਾਲ ਬਾਅਦ ਪਹਿਲੀ ਸ਼੍ਰੇਣੀ ਕ੍ਰਿਕਟ ਦੇ ਇਤਿਹਾਸ ਵਿੱਚ ਦੂਜੀ ਵਾਰ ਹੋਇਆ ਹੈ।