👉ਸਰਵਾਈਕਲ ਕੈਂਸਰ ਦੇ ਸ਼ੁਰੂਆਤੀ ਲੱਛਣ ਤੇ ਕਾਰਨ

  ਸਰਵਾਈਕਲ ਕੈਂਸਰ ਨਾਲ ਔਰਤਾਂ ਦੀਆਂ ਜ਼ਿਆਦਾਤਰ ਮੌਤਾਂ ਹੋ ਰਹੀਆਂ ਹੈ। ਇਸ ਦੇ ਸ਼ੁਰੂਆਤੀ ਲੱਛਣਾਂ ਨੂੰ ਪਛਾਣਨਾ ਜ਼ਰੂਰੀ ਹੈ ਤਾਂ ਜੋ ਇਸ ਬਿਮਾਰੀ ਦੇ ਫ਼ੈਲਣ ਨੂੰ ਸਮੇਂ ਸਿਰ ਰੋਕਿਆ ਜਾ ਸਕੇ।ਆਓ ਜਾਣੀਏ ਸਰਵਾਈਕਲ ਕੈਂਸਰ ਬਾਰੇ ਅਤੇ ਇਸਦੇ ਲੱਛਣ ਕੀ ਹਨ :-

 ਬੱਚੇਦਾਨੀ ਦਾ ਕੈਂਸਰ ਉਦੋਂ ਹੁੰਦਾ ਹੈ ਜਦੋਂ ਬੱਚੇਦਾਨੀ ਦੇ ਮੂੰਹ ਦੀ ਪਰਤ ਵਿੱਚ ਕੋਸ਼ਿਕਾਵਾਂ ਅਸਧਾਰਨ ਤੌਰ 'ਤੇ ਵਧਦੀਆਂ ਹਨ, ਜੋ ਕਿ ਬੱਚੇਦਾਨੀ ਦਾ ਤੰਗ ਹਿੱਸਾ ਹੁੰਦੀ ਹੈ।ਛੋਟੀ ਉਮਰ ਵਿੱਚ ਜਿਨਸੀ ਤੌਰ 'ਤੇ ਸਰਗਰਮ ਰਹਿਣ ਨਾਲ ਬੱਚੇਦਾਨੀ ਦਾ ਕੈਂਸਰ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਜੇ ਕੈਂਸਰ ਦੇ ਲੱਛਣਾਂ ਦਾ ਛੇਤੀ ਪਤਾ ਲੱਗ ਜਾਂਦਾ ਹੈ ਤਾਂ ਬਚਣ ਦੀ ਸੰਭਾਵਨਾ ਵੱਧ ਹੁੰਦੀ ਹੈ। 

ਇਸ ਦੇ ਲੱਛਣ :-

ਸਰਵਾਈਕਲ ਕੈਂਸਰ ਦੇ ਲੱਛਣਾਂ 'ਚ ਸ਼ਾਮਲ ਹਨ ਪੈਲਵਿਕ ਦਰਦ, ਯੋਨੀ ਡਿਸਚਾਰਜ, ਮਾਹਵਾਰੀ ਤੋਂ ਪਹਿਲਾਂ ਅਤੇ ਬਾਅਦ 'ਚ ਖੂਨ ਨਿਕਲਣਾ ਅਤੇ ਜਿਨਸੀ ਗਤੀਵਿਧੀਆਂ ਦੌਰਾਨ ਅਸੁਵਿਧਾਵਾਂ ਦਾ ਅਨੁਭਵ ਹੁੰਦਾ ਹੈ। ਇਸ ਦੇ ਇਲਾਜ ਲਈ ਸਰਜਰੀ, ਰੇਡੀਓਥੈਰੇਪੀ, ਕੀਮੋਥੈਰੇਪੀ ਵਰਗੇ ਵਿਕਲਪ ਚੁਣੇ ਜਾ ਸਕਦੇ ਹਨ।

ਸਰਵਾਈਕਲ ਕੈਂਸਰ ਕਈ ਹੋਰ ਬਿਮਾਰੀਆਂ ਵਾਂਗ, ਭੁੱਖ ਨਾ ਲੱਗਣ ਦਾ ਕਾਰਨ ਬਣ ਸਕਦਾ ਹੈ।ਜੇਕਰ ਤੁਸੀਂ ਕਾਫ਼ੀ ਮਾਤਰਾ ਵਿੱਚ ਭੋਜਨ ਦਾ ਸੇਵਨ ਕੀਤਾ ਹੋਵੇ ਅਤੇ ਇਸ ਦੇ ਬਾਵਜੂਦ ਅਚਾਨਕ ਭਾਰ ਘੱਟ ਜਾਂਦਾ ਹੈ ਤਾਂ ਇਹ ਸਰਵਾਈਕਲ ਕੈਂਸਰ ਦੇ ਲੱਛਣ ਹੋ ਸਕਦੇ ਹਨ। ਇਸ ਲਈ ਜ਼ਰੂਰੀ ਹੈ ਕਿ ਤੁਸੀਂ ਡਾਕਟਰੀ ਜਾਂਚ ਕਰਵਾਓ। ਅਚਾਨਕ ਭਾਰ ਘਟਨਾਂ ਵੀ ਤੁਹਾਡੇ ਲਈ ਖ਼ਤਰਾ ਹੈ।