ਥੰਮ ਖਾਲਸਾ ਰਾਜ ਦਾ
ਹਰੀ ਸਿੰਘ ਸਰਦਾਰ
ਉਹ ਸ਼ੇਰ ਬਹਾਦਰ ਸੂਰਮਾ
ਧੁੰਮਾਂ ਪਾ ਗਿਆ ਵਿਚ ਸੰਸਾਰ
ਉਹ ਪਾੜ ਜਬਾੜੇ ਸ਼ੇਰ ਦੇ
ਦਏ ਹਥਾਂ ਨਾਲ ਖਲਾਰ
ਉਹਨੂੰ ਲਖਬ, ਨਲੂਏ ਨਾਲ ਨਿਵਾਜਿਆ
ਰਣਜੀਤ ਸਿੰਘ ਸਰਕਾਰ
ਜਰਨੈਲ ਖਾਲਸਾ ਰਾਜ ਦਾ
ਸ਼ਾਹੀ ਫੌਜਾਂ ਦਾ ਸਰਦਾਰ
ਉਹਦੀ ਸ਼ਾਨ ਤੋਂ ਥਰ ਥਰ ਕੰਬਿਆ
ਕਸੂਰ ਕਾਬਲ ਅਤੇ ਕੰਧਾਰ
ਕਸ਼ਮੀਰ ਪਿਸ਼ਾਵਰ ਜਮਰੌਦ ਵਿਚ
ਚਮਕੀ ਜਦ ਓਹਦੀ ਤਲਵਾਰ
ਗਏ ਘਾਬਰ ਮੁਗਲ ਪਠਾਨ ਸੀ
ਸੁਣ ਨਲੂਏ ਦੀ ਭਬਕਾਰ
ਦਰਾ ਖੈਬਰ ਤਕ ਖਾਲਸਾ ਰਾਜ ਸੀ
ਕੀਤਾ ਕਾਇਮ ਨਲੂਏ ਸਰਦਾਰ
ਅੱਜ ਨਲੂਏ ਸਿੰਘ ਸਰਦਾਰ ਨੂੰ
ਹਰਦਿਆਲ ਸਿਜਦੈ ਕਰੇ ਕੁੱਲ ਸੰਸਾਰ
ਲੇਖਕ : ਕਵੀਸ਼ਰ ਭਾਈ ਹਰਦਿਆਲ ਸਿੰਘ ਹੀਰਾ
ਮੋ : 94657 - 16284