ਭਾਗਲਪੁਰ: ਬਿਹਾਰ 'ਚ ਇਨ੍ਹੀਂ ਦਿਨੀਂ ਵਿਆਹਾਂ ਦਾ ਸੀਜ਼ਨ ਚੱਲ ਰਿਹਾ ਹੈ। ਵਿਆਹਾਂ ਦੀ ਇੰਨੀ ਵੱਡੀ ਗਿਣਤੀ ਹੈ ਕਿ ਹਰ ਪਾਸੇ ਸ਼ਹਿਨਾਈ ਅਤੇ ਢੋਲ ਢਮੱਕੇ ਦੀ ਆਵਾਜ਼ ਸੁਣਾਈ ਦੇ ਰਹੀ ਹੈ। ਇਸ ਸਭ ਦੇ ਵਿਚਕਾਰ ਭਾਗਲਪੁਰ ਜ਼ਿਲ੍ਹੇ ਦੇ ਨਵਗਾਚੀਆ 'ਚ ਹੋਇਆ ਇਕ ਵਿਆਹ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਹਰ ਪਾਸੇ ਲੋਕ ਇਸ ਵਿਆਹ ਪ੍ਰੋਗਰਾਮ ਦੀ ਹੀ ਚਰਚਾ ਕਰ ਰਹੇ ਹਨ। ਦਰਅਸਲ, 36 ਇੰਚ ਲੰਬੇ ਮੁੰਨਾ ਨੇ 34 ਇੰਚ ਲੰਬੀ ਦੁਲਹਨ ਮਮਤਾ ਨਾਲ ਨਵਾਗਾਚੀਆ 'ਚ ਵਿਆਹ ਕਰਵਾ ਲਿਆ ਹੈ। ਇਸ ਨਵ-ਵਿਆਹੇ ਜੋੜੇ ਨੂੰ ਦੇਖਣ ਲਈ ਆਸ-ਪਾਸ ਤੋਂ ਹਜ਼ਾਰਾਂ ਲੋਕ ਪੁੱਜੇ ਹੋਏ ਸਨ।
ਇਨ੍ਹਾਂ ਵਿੱਚ ਵੱਡੀ ਗਿਣਤੀ ਅਜਿਹੇ ਲੋਕਾਂ ਦੀ ਸੀ, ਜਿਨ੍ਹਾਂ ਨੂੰ ਸੱਦਿਆ ਵੀ ਨਹੀਂ ਗਿਆ ਸੀ। ਹਰ ਕੋਈ ਮੁੰਨਾ ਅਤੇ ਮਮਤਾ ਦੀ ਇੱਕ ਝਲਕ ਦੇਖਣਾ ਚਾਹੁੰਦਾ ਸੀ। ਵਿਆਹ ਸਮਾਗਮ 'ਚ ਇੰਨੀ ਭੀੜ ਸੀ ਕਿ ਉਸ ਨੂੰ ਸੰਭਾਲਣਾ ਮੁਸ਼ਕਿਲ ਹੋ ਗਿਆ।
ਨਵਾਗਾਚੀਆ 'ਚ ਬਿਨਾਂ ਸੱਦੇ ਦੇ ਇਸ ਵਿਆਹ 'ਚ ਹਜ਼ਾਰਾਂ ਲੋਕਾਂ ਨੇ ਸ਼ਿਰਕਤ ਕੀਤੀ ਅਤੇ ਲਾੜਾ-ਲਾੜੀ ਨਾਲ ਸੈਲਫੀ ਲੈਣ ਦਾ ਮੁਕਾਬਲਾ ਹੋਇਆ। ਹਰ ਕੋਈ ਨਵੀਂ ਜੋੜੀ ਨੂੰ ਆਪਣੇ ਕੈਮਰੇ ਵਿੱਚ ਕੈਦ ਕਰਨਾ ਚਾਹੁੰਦਾ ਸੀ। ਇਸ ਦੇ ਨਾਲ ਹੀ ਡੀਜੇ ਦੀ ਆਵਾਜ਼ ਵਿੱਚ ਗੀਤ ਵੱਜਿਆ…ਰੱਬ ਨੇ ਬਨਾ ਦੀ ਜੋੜੀ।