ਗਿਆਰਾਂ ਸਾਲ ਬਾਅਦ ਫਰਦੀਨ ਖਾਨ ਫ਼ਿਲਮਾਂ 'ਚ ਮਾਰਣਗੇ ਐਂਟਰੀ
ਮੁੰਬਈ : ਬੌਲੀਵੁੱਡ ਅਦਾਕਾਰ ਫਰਦੀਨ ਖਾਨ ਅਤੇ ਰਿਤੇਸ਼ ਦੇਸ਼ਮੁਖ ਨੇ ਆਪਣੀ ਆਉਣ ਵਾਲੀ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਫਿਲਮ ਦਾ ਟਾਈਟਲ 'ਵਿਸਫੋਟ' ਹੋਵੇਗਾ ਅਤੇ ਇਸ ਫਿਲਮ ਦੇ ਨਿਰਮਾਤਾ-ਨਿਰਦੇਸ਼ਕ ਸੰਜੇ ਗੁਪਤਾ ਹੋਣਗੇ।
ਦੱਸ ਦਈਏ ਕਿ 'ਵਿਸਫੋਟ' 2012 ਦੀ ਵੈਨੇਜ਼ੁਏਲਾ ਦੀ ਫਿਲਮ ਰੌਕ, ਪੇਪਰ, ਸੀਜ਼ਰਸ ਦੀ ਹਿੰਦੀ ਰੀਮੇਕ ਹੈ। ਫਿਲਮ ਨੂੰ 85ਵੇਂ ਅਕੈਡਮੀ ਅਵਾਰਡ ਸਮਾਰੋਹ ਵਿੱਚ ਸਰਬੋਤਮ ਵਿਦੇਸ਼ੀ ਭਾਸ਼ਾ ਆਸਕਰ ਦੀ ਸ਼੍ਰੇਣੀ ਵਿੱਚ ਸ਼ਾਮਲ ਕੀਤਾ ਗਿਆ ਸੀ।
ਤੁਹਾਨੂੰ ਦੱਸ ਦਈਏ ਕਿ ਫਰਦੀਨ ਖਾਨ ਤਕਰੀਬਨ ਗਿਆਰਾਂ ਸਾਲਾਂ ਬਾਅਦ ਫਿਲਮ 'ਵਿਸਫੋਟ' ਨਾਲ ਵਾਪਸੀ ਕਰ ਰਹੇ ਹਨ। ਉਹ ਆਖਰੀ ਵਾਰ 2010 ਦੀ ਫਿਲਮ ਦੁਲਹਾ ਮਿਲ ਗਿਆ ਵਿੱਚ ਨਜ਼ਰ ਆਏ ਸਨ।
ਦੂਜੇ ਪਾਸੇ ਫਰਦੀਨ ਖਾਨ ਅਤੇ ਰਿਤੇਸ਼ ਦੇਸ਼ਮੁਖ ਦੀ ਜੋੜੀ ਇਸ ਫਿਲਮ ਰਾਹੀਂ 14 ਸਾਲਾਂ ਬਾਅਦ ਇੱਕ ਵਾਰ ਫਿਰ ਦਰਸ਼ਕਾਂ ਦੇ ਸਾਹਮਣੇ ਹੋਵੇਗੀ ਅਤੇ ਇਹ ਵੇਖਣਾ ਦਿਲਚਸਪ ਹੋਵੇਗਾ ਕਿ ਇਸ ਵਾਰ ਇਹ ਜੋੜੀ ਕੀ ਕਰਦੀ ਹੈ।
ਫਰਦੀਨ ਖਾਨ ਅਤੇ ਰਿਤੇਸ਼ ਦੇਸ਼ਮੁਖ ਇਸ ਤੋਂ ਪਹਿਲਾਂ ਫਿਲਮ ਹੇ ਬੇਬੀ ਵਿੱਚ ਸਕ੍ਰੀਨ ਸ਼ੇਅਰ ਕਰਦੇ ਹੋਏ ਨਜ਼ਰ ਆਏ ਸਨ। ਫਿਲਹਾਲ ਇਸ ਫਿਲਮ ਬਾਰੇ ਜ਼ਿਆਦਾ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ, ਪਰ ਕਿਆਸ ਲਗਾਏ ਜਾ ਰਹੇ ਹਨ ਕਿ ਫਿਲਮ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋ ਜਾਵੇਗੀ।
https://amzn.to/3kdIPeU