ਪਾਉਂਟਾ ਸਾਹਿਬ : ਬੀਤੇ ਕੱਲ੍ਹ ਯਾਨੀ ਸ਼ਨੀਵਾਰ ਦੇਰ ਸ਼ਾਮ ਲਗਾਤਾਰ ਕਈ ਘੰਟੇ ਦੀ ਮੈਰਾਥਨ ਛਾਪੇਮਾਰੀ ਦੇ ਬਾਅਦ ਸ਼ਿਲਾਈ ਅਤੇ ਪਾਉਂਟਾ ਸਾਹਿਬ ਪੁਲਿਸ ਨੇ ਪਾਉਂਟਾ ਸਾਹਿਬ ਦੇ ਵਾਰਡ ਨੰਬਰ 9 ਤੋਂ 9.6 ਗਰਾਮ ਸਮੈਕ ਸਮੇਤ ਸੰਗੀਤਾ ਉਰਫ ਗੀਤਾ ਨਾਮ ਦੀ ਇੱਕ ਔਰਤ ਨੂੰ ਗ੍ਰਿਫਤਾਰ ਕੀਤਾ ਹੈ।
ਇਹ ਵੀ ਪੜ੍ਹੋ : Canada : ਦੋ ਕੈਥੋਲਿਕ ਚਰਚ ਸਾੜ ਕੇ ਸਵਾਹ ਕੀਤੇ
ਦੱਸ ਦਈਏ ਕਿ ਇਹ ਸਮੈਕ ਔਰਤ ਦੇ ਘਰ ਵਿਚੋਂ ਹੀ ਬਰਾਮਦ ਕੀਤੀ ਗਈ ਹੈ । ਪੁਲਿਸ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਮਾਤਰਾ ਜ਼ਿਆਦਾ ਵੀ ਹੋ ਸਕਦੀ ਸੀ ਪਰ ਔਰਤ ਨੇ ਬੜੀ ਹੀ ਚਲਾਕੀ ਨਾਲ ਕੁੱਝ ਡਰਗਸ ਨੂੰ ਫਲੱਸ਼ ਵਿੱਚ ਸੁੱਟ ਦਿੱਤਾ। ਇਸ ਦੌਰਾਨ ਪੁਲਿਸ ਨੇ ਔਰਤ ਨੂੰ ਗ੍ਰਿਫਤਾਰ ਕੀਤਾ ਹੈ।
ਇਹ ਵੀ ਪੜ੍ਹੋ : ਭਾਰਤੀ ਹਵਾਈ ਫੌਜ ਅੱਡੇ ’ਤੇ ਹੋਇਆ ਧਮਾਕਾ, ਅਲਰਟ ਜਾਰੀ
ਦੱਸਿਆ ਜਾ ਰਿਹਾ ਹੈ ਕਿ ਨਸ਼ੇ ਦੀ ਤਸਕਰੀ ਦੇ ਮਾਮਲੇ ਵਿੱਚ ਇਹ ਔਰਤ ਪਹਿਲਾਂ ਵੀ ਲੱਗਭੱਗ ਡੇਢ ਸਾਲ ਸਜ਼ਾ ਕੱਟ ਚੁੱਕੀ ਹੈ। ਇਹ ਵੀ ਪਤਾ ਲੱਗਾ ਹੈ ਕਿ ਕੁੱਝ ਸਮਾਂ ਪਹਿਲਾਂ ਸ਼ਿਲਾਈ ਇਲਾਕੇ ਦੇ ਕਫੋਟਾ ਵਿੱਚ ਪੁਲਿਸ ਨੇ ਕੁਝ ਨੌਜਵਾਨਾਂ ਨੂੰ ਸਮੈਕ ਸਮੇਤ ਗ੍ਰਿਫਤਾਰ ਕੀਤਾ ਸੀ।
ਨੋਟ : ਖ਼ਬਰ ਸਬੰਧੀ ਕਾਮੈਂਟ ਕਰ ਕੇ ਆਪਣੀ ਰਾਇ ਜ਼ਰੂਰ ਦੀਓ