ਨਵੀਂ ਦਿੱਲੀ (ਏਜੰਸੀਆਂ) : ਅਕਸਰ ਖਿਡਾਰੀ ਤੇ ਉਨ੍ਹਾਂ ਦੇ ਸਪਾਂਸਰ ਟੇਢੇ-ਮੇਢੇ ਮੁਕਾਬਲੇ ਆਯਜਿਤ ਕਰਵਾਉਂਦੇ ਰਹਿੰਦੇ ਹਨ ਪਰ ਭਾਰਤੀ ਪੇਸ਼ੇਵਰ ਮੁੱਕੇਬਾਜ਼ ਵਿਜੇਂਦਰ ਸਿੰਘ ਬੜਾ ਹੀ ਅਜੀਬ ਮੁਕਾਬਲਾ ਹੋਣ ਜਾ ਰਿਹਾ ਹੈ। ਵਿਜੇਂਦਰ ਸਿੰਘ ਦਾ ਅਗਲਾ ਮੁਕਾਬਲਾ 19 ਮਾਰਚ ਨੂੰ ਗੋਆ ’ਚ ਇਕ ਕੈਸੀਨੋ ਜਹਾਜ਼ ਦੀ ਛੱਤ ’ਤੇ ਹੋਵੇਗਾ। ਇਸ ਮੁਕਾਬਲੇ ’ਚ ਉਨ੍ਹਾਂ ਦੇ ਵਿਰੋਧੀ ਦੇ ਨਾਂ ਦਾ ਐਲਾਨ ਅਜੇ ਨਹੀਂ ਹੋਇਆ ਪਰ ਵਿਜੇਂਦਰ 18 ਸਾਲ ਬਾਅਦ ਗੋਆ ’ਚ ਕੋਈ ਮੁਕਾਬਲਾ ਖੇਡਣਗੇ। 35 ਸਾਲਾ ਵਿਜੇਂਦਰ ਨੇ ਕਿਹਾ ਕਿ ਮੈਂ ਗੋਆ ’ਚ ਖੇਡਣ ਲਈ ਉਤਸੁਕ ਹਾਂ ਕਿਉਂਕਿ ਉਥੋਂ ਦੇ ਲੋਕ ਖੇਡਾਂ ਨੂੰ ਬਹੁਤ ਪਿਆਰ ਕਰਦੇ ਹਨ। ਗੋਆ ’ਚ ਫ਼ੁੱਟਬਾਲ ਪ੍ਰਤੀ ਵੀ ਦੀਵਾਨਗੀ ਹੈ ਪਰ ਮੁੱਕੇਬਾਜ਼ੀ ਨੂੰ ਵੀ ਲੋਕ ਪਸੰਦ ਕਰਦੇ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਜਹਾਜ਼ ਦੀ ਛੱਤ ’ਤੇ ਵਿਜੇਂਦਰ ਸਿੰਘ ਨਾਲ ਮੁਕਾਬਲਾ ਕਰਨ ਲਈ ਕੌਣ ਉਤਰਦਾ ਹੈ।