ਮੁੰਬਈ (ਏਜੰਸੀਆਂ): ਭਾਰਤ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਜ਼ਹੀਰ ਖ਼ਾਨ ਨੇ ਅਰਜਨ ਤੇਂਦੁਲਕਰ ਦੀ ਚੋਣ ਤੋਂ ਬਾਅਦ ਵੱਡੀ ਗੱਲ ਕਹੀ ਹੈ। ਜ਼ਹੀਰ ਦਾ ਕਹਿਣਾ ਹੈ ਕਿ ਅਰਜਨ ਉਪਰ ਹਮੇਸ਼ਾ ਇਸ ਗੱਲ ਦਾ ਦਬਾਅ ਬਣਿਆ ਰਹੇਗਾ ਕਿ ਉਹ ਸਚਿਨ ਤੇਂਦੁਲਕਰ ਵਰਗੇ ਮਹਾਨ ਕ੍ਰਿਕਟਰ ਦਾ ਬੇਟਾ ਹੈ। ਦਰਅਸਲ ਪਿਛਲੇ ਦਿਨੀਂ ਅਰਜਨ ਨੂੰ ਆਈ.ਪੀ.ਐਲ ਦੀ ਨੀਲਾਮੀ ਸਮੇਂ ਮੁੰਬਈ ਇੰਡੀਅਨਜ਼ ਨੇ 20 ਲੱਖ ਵਿਚ ਖ਼ਰੀਦਿਆ ਹੈ। ਭਾਵੇਂ ਇਸ ਚੋਣ ਤੋਂ ਬਾਅਦ ਚੋਣ ਕਰਤਾਵਾਂ ’ਤੇ ਪਰਵਾਰਵਾਦ ਦੇ ਦੋਸ਼ ਵੀ ਲੱਗੇ ਪਰ ਜ਼ਹੀਰ ਖ਼ਾਨ ਦਾ ਮੰਨਣਾ ਹੈ ਕਿ ਅਰਜਨ ਮਿਹਨਤੀ ਲੜਕਾ ਹੈ ਤੇ ਉਹ ਅਪਣੀ ਕਾਬਲੀਅਤ ਨਾਲ ਇਨ੍ਹਾਂ ਦੋਸ਼ਾਂ ਦਾ ਜਵਾਬ ਦੇਵੇਗਾ ਪਰ ਉਨ੍ਹਾਂ ਦਾ ਮੰਨਣਾ ਹੈ ਕਿ ਅਰਜਨ ’ਤੇ ਇਹ ਦਬਾਅ ਰਹੇਗਾ ਕਿ ਉਸ ਦਾ ਬਾਪ ਮਹਾਨ ਬੱਨੇਬਾਜ਼ ਹੈ ਤੇ ਉਹ ਸਚਿਨ ਦੇ ਮੁਕਾਮ ਤਕ ਕਿਵੇਂ ਪਹੁੰਚੇ ਪਰ ਜੇਕਰ ਸਚਿਨ ਦੀ ਖੇਡ ਨੀਤੀ ਤੋਂ ਉਸ ਨੇ ਸਿਖਿਆ ਲਈ ਕਿ ਕਿਵੇਂ ਦਬਾਅ ਵਿਚ ਖੇਡਣਾ ਹੈ ਤਾਂ ਉਹ ਜ਼ਰੂਰ ਸਫ਼ਲ ਹੋਵੇਗਾ।