ਮੈਲਬੌਰਨ : ਆਸਟਰੇਲੀਆ ਖ਼ਿਲਾਫ਼ ਐਮਸੀਜੀ ਕ੍ਰਿਕਟ ਮੈਦਾਨ ਵਿੱਚ ਖੇਡੇ ਜਾ ਰਹੇ ਦੂਸਰੇ ਟੈਸਟ ਮੈਚ ਵਿੱਚ ਭਾਰਤ ਨੇ ਇਥੇ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ ਹੈ। ਤੀਜੇ ਦਿਨ ਦੇ ਅੰਤ 'ਤੇ, ਆਸਟਰੇਲੀਆ ਨੇ ਆਪਣੀ ਦੂਜੀ ਪਾਰੀ 'ਚ 6 ਵਿਕਟਾਂ 'ਤੇ 133 ਦੌੜਾਂ ਬਣਾਈਆਂ। ਆਸਟਰੇਲੀਆ ਨੂੰ 2 ਦੌੜਾਂ ਦੀ ਬੜ੍ਹਤ ਮਿਲੀ ਹੈ। ਕੈਮਰਨ ਗ੍ਰੀਨ 17 ਅਤੇ ਪੈਟ ਕਮਿੰਸ 15 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।
ਭਾਰਤ ਅਤੇ ਆਸਟ੍ਰੇਲੀਆ ’ਚ ਦੂਸਰੇ ਟੈਸਟ ਮੈਚ ’ਚ ਮੈਲਬਰਨ ਦੇ ਐੱਮਸੀਜੀ ’ਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਦਾ ਅੱਜ ਤੀਸਰਾ ਦਿਨ ਹੈ। ਮੈਚ ਦੇ ਦੂਸਰੇ ਦਿਨ ਭਾਰਤ ਨੇ ਚੰਗੀ ਬੱਲੇਬਾਜ਼ੀ ਕਰਦੇ ਹੋਏ 82 ਰਨਾਂ ਦੀ ਬੜਤ ਬਣਾਈ ਸੀ। ਭਾਰਤੀ ਟੀਮ ਨੇ 277/5 ਤੋਂ ਅੱਗੇ ਖੇਡਦੇ ਹੋਏ ਮੈਚ ਦੇ ਤੀਸਰੇ ਦਿਨ 115.1 ਓਵਰ ’ਚ ਸਾਰੇ ਵਿਕਟ ਗੁਆ ਕੇ 326 ਰਨ ਬਣਾਏ। ਇਸ ਤਰ੍ਹਾਂ ਭਾਰਤ ਦੇ ਕੋਲ 131 ਰਨਾਂ ਦੀ ਬੜਤ ਹੈ। ਇਸਦੇ ਜਵਾਬ ’ਚ ਖ਼ਬਰ ਲਿਖੇ ਜਾਣ ਤੱਕ ਆਸਟ੍ਰੇਲੀਆ ਨੇ ਦੂਸਰੀ ਪਾਰੀ ’ਚ 46.1 ਓਵਰ ’ਚ 5 ਵਿਕੇਟ ਗੁਆ ਕੇ 98 ਰਨ ਬਣਾ ਲਏ ਹਨ। ਇਸ ਸਮੇਂ ਕਪਤਾਨ ਟਿਮ ਪੈਨ ਅਤੇ ਕੈਮਰਾਨ ਗ੍ਰੀਨ ਕ੍ਰੀਜ਼ ’ਤੇ ਹਨ।
131 ਰਨਾਂ ਨਾਲ ਪਹਿਲੀ ਪਾਰੀ ’ਚ ਪੱਛੜਨ ਤੋਂ ਬਾਅਦ ਦੂਸਰੀ ਪਾਰੀ ’ਚ ਬੱਲੇਬਾਜ਼ੀ ਕਰਨ ਉੱਤਰੀ ਆਸਟ੍ਰੇਲੀਆਈ ਟੀਮ ਨੂੰ ਪਹਿਲਾਂ ਝਟਕਾ ਜੋ ਬਰਨਸ ਦੇ ਰੂਪ ’ਚ ਲੱਗਾ ਜੋ 4 ਰਨ ਬਣਾ ਕੇ ਓਮੇਸ਼ ਯਾਦਵ ਦੀ ਗੇਂਦ ’ਤੇ ਰਿਸ਼ਭ ਪੰਤ ਦੇ ਹੱਥੋਂ ਕੈਚ ਆਊਟ ਹੋਏ। ਕੰਗਾਰੂ ਟੀਮ ਨੂੰ ਦੂਸਰਾ ਝਟਕਾ ਮਾਰਨਸ ਲਾਬੁਸ਼ਾਨੇ ਦੇ ਰੂਪ ’ਚ ਲੱਗਾ ਜੋ 28 ਰਨ ਬਣਾ ਕੇ ਆਰ ਅਸ਼ਵਿਨ ਦੀ ਗੇਂਦ ’ਤੇ ਅਜਿੰਕਯ ਰਹਾਣੇ ਦੇ ਹੱਥੋਂ ਕੈਚ ਆਊਟ ਹੋਏ।
ਆਸਟ੍ਰੇਲੀਆ ਨੂੰ ਤੀਸਰਾ ਝਟਕਾ ਸਟੀਵ ਸਮਿੱਥ ਦੇ ਰੂਪ ’ਚ ਲੱਗਾ ਜੋ 8 ਰਨ ਬਣਾ ਕੇ ਜਸਪ੍ਰੀਤ ਬੁਮਰਾਹ ਦੀ ਗੇਂਦ ’ਤੇ ਕਲੀਨ ਬੋਲਡ ਹੋ ਗਏ। ਆਸਟ੍ਰੇਲੀਆ ਨੂੰ ਤੀਸਰਾ ਝਟਕਾ ਮੈਥਿਊ ਵੇਡ ਦੇ ਰੂਪ ’ਚ ਲੱਗਾ ਜੋ 40 ਰਨ ਬਣਾ ਕੇ ਰਵਿੰਦਰ ਜਡੇਜਾ ਦੀ ਗੇਂਦ ’ਤੇ ਆਈਬੀਡਬਲਯੂ ਆਊਟ ਹੋਏ। 5ਵਾਂ ਵਿਕੇਟ ਕੰਗਾਰੂ ਟੀਮ ਦਾ ਟ੍ਰੇਵਿਸ ਹੇਡ ਦੇ ਰੂਪ ’ਚ ਡਿੱਗਾ ਜੋ 17 ਰਨ ਬਣਾ ਕੇ ਮੁਹੰਮਦ ਸਿਰਾਜ ਦੀ ਗੇਂਦ ’ਤੇ ਮਯੰਕ ਅਗਰਵਾਲ ਦੇ ਹੱਥੋਂ ਕੈਚ ਆਊਟ ਹੋਏ।
ਭਾਰਤ ਲਈ ਜਸਪપ્રਤ ਬੁਮਰਾਹ ਨੇ ਚਾਰ, ਰਵੀਚੰਦਰਨ ਅਸ਼ਵਿਨ ਨੇ ਤਿੰਨ, ਮੁਹੰਮਦ ਸਿਰਾਜ ਨੇ ਦੋ ਅਤੇ ਰਵਿੰਦਰ ਜਡੇਜਾ ਨੇ 1 ਵਿਕਟ ਲਿਆ।