ਮੁੰਬਈ : ਦਿਗਜ ਅਦਾਕਾਰ ਧਰਮਿੰਦਰ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਸ ਨੂੰ ਕਿਸਾਨਾਂ ਨੂੰ ਦੁਖੀ ਵੇਖ ਕੇ ਦੁੱਖ ਹੁੰਦਾ ਹਾਂ ਅਤੇ ਕੇਂਦਰ ਸਰਕਾਰ ਨੂੰ ਖੇਤੀ ਕਾਨੂੰਨਾਂ ਬਾਰੇ ਛੇਤੀ ਕਦਮ ਚੁੱਕਣ ਦੀ ਅਪੀਲ ਕਰਦਾ ਹਾਂਂ।
ਧਰਮਿੰਦਰ (84) ਨੇ ਕੁਝ ਹਫ਼ਤਾ ਪਹਿਲਾਂ ਵੀ ਕੁਝ ਅਜਿਹਾ ਟਵੀਟ ਕੀਤਾ ਸੀ। ਧਰਮਿੰਦਰ ਨੇ ਟਵੀਟ ਕੀਤਾ, ''ਮੈਨੂੰ ਅਪਣੇ ਕਿਸਾਨ ਭਰਾਵਾਂ ਦਾ ਦੁੱਖ ਵੇਖ ਕੇ ਬਹੁਤ ਦੁਖੀ ਹਾਂ। ਸਰਕਾਰ ਨੂੰ ਛੇਤੀ ਕੁਝ ਕਰਨਾ ਚਾਹੀਦਾ ਹੈ।''
ਅਭਿਨੇਤਾ ਨੇ ਪਿਛਲੇ ਹਫ਼ਤੇ ਦਿੱਲੀ ਵਿਚ ਕੋਰੋਨਾ ਵਾਇਰਸ ਦੇ ਵੱਧ ਰਹੇ ਮਾਮਲਿਆਂ ਦਾ ਹਵਾਲਾ ਦਿੰਦੇ ਹੋਏ ਸਰਕਾਰ ਨੂੰ ਛੇਤੀ ਰੇੜਕਾ ਸੁਲਝਾਉਣ ਦੀ ਅਪੀਲ ਕੀਤੀ ਸੀ।
ਧਰਮਿੰਦਰ ਨੇ ਉਦੋਂ ਕਿਹਾ, ''ਮੈਂ ਸਰਕਾਰ ਨੂੰ ਬੇਨਤੀ ਕਰਦਾ ਹਾਂ ... ਕਿਰਪਾ ਕਰ ਕੇ ਛੇਤੀ ਕਿਸਾਨਾਂ ਦੀ ਸਮੱਸਿਆ ਦਾ ਕੋਈ ਹੱਲ ਕੱਢੋ ... ਦਿੱਲੀ ਵਿਚ ਕੋਰੋਨਾ ਕੇਸ ਵੱਧ ਰਹੇ ਹਨ .. ਇਹ ਦੁੱਖ ਦੀ ਗੱਲ ਹੈ।'' ਹਾਲਾਂਕਿ, ਅਭਿਨੇਤਾ ਨੇ ਛੇਤੀ ਹੀ ਟਵੀਟ ਨੂੰ ਹਟਾ ਦਿਤਾ ਸੀ ਅਤੇ ਅਜਿਹਾ ਕਰਨ ਦਾ ਕੋਈ ਕਾਰਨ ਨਹੀਂ ਦਿਤਾ ਸੀ।