ਹੁਣ ਬਲਰਾਮਪੁਰ ਵਿੱਚ ਦੋਹਰਾਈ ਗਈ ਹਾਥਰਸ ਵਰਗੀ ਦਰਿੰਦਗੀ, ਵਿਦਿਆਰਥਣ ਨਾਲ ਸਾਮੂਹਕ ਬਲਾਤਕਾਰ, ਪੀੜਿਤਾ ਨੇ ਤੋੜਿਆ ਦਮ

ਬਲਰਾਮਪੁਰ : ਗੈਸੜੀ ਵਿੱਚ ਘਰ ਤੋਂ ਐਡਮਿਸ਼ਨ ਲੈਣ ਲਈ ਨਿਕਲੀ ਵਿਦਿਆਰਥਣ ਦਾ ਪਿੰਡ ਦੇ ਹੀ ਕੁੱਝ ਦਰਿੰਦਿਆਂ ਨੇ ਅਗਵਾਹ ਕਰ ਸਾਮੂਹਕ ਬਲਾਤਕਾਰ ਕੀਤਾ। ਘਟਨਾ ਤੋਂ ਬਾਅਦ ਕਿਸੇ ਤਰ੍ਹਾਂ ਘਰ ਪਹੁੰਚੀ ਵਿਦਿਆਰਥਣ ਦੀ ਹਾਲਤ ਵੇਖ ਘਰ ਵਾਲੇ ਪ੍ਰੇਸ਼ਾਨ ਹੋ ਗਏ। ਉਹ ਝੱਟਪੱਟ ਉਸ ਨੂੰ ਲੈ ਕੇ ਜ਼ਿਲ੍ਹਾ ਹਸਪਤਾਲ ਲਈ ਨਿਕਲੇ ਪਰ ਰਸਤੇ ਵਿਚ ਹੀ ਧੀ ਨੇ ਦਮ ਤੋੜ ਦਿੱਤਾ। ਪੁਲਿਸ ਨੇ ਸਾਮੂਹਕ ਬਲਾਤਕਾਰ ਦਾ ਕੇਸ ਦਰਜ ਕਰ ਕੇ ਦੋ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਮਾਮਲੇ ਦੀ ਜਾਂਚ ਦੌਰਾਨ ਘਟਨਾ ਦਾ ਖੁਲਾਸਾ ਹੋਇਆ ਹੈ। ਲਾਸ਼ ਨੂੰ ਪੋਸਟਮਾਰਟਮ ਤੋਂ ਬਾਅਦ ਅੰਤਮ ਸਸਕਾਰ ਲਈ ਪਰਿਵਾਰ ਨੂੰ ਸੌਂਪ ਦਿੱਤਾ ਗਿਆ ਹੈ।

ਮਾਮਲਾ ਗੈਸੜੀ ਥਾਣਾ ਖੇਤਰ ਦੇ ਇੱਕ ਪਿੰਡ ਦਾ ਹੈ। ਇਸ ਪਿੰਡ ਦੀ ਰਹਿਣ ਵਾਲੀ ਵਿਦਿਆਰਥਣ ਮੰਗਲਵਾਰ ਸਵੇਰੇ 10 ਵਜੇ ਪਰਿਵਾਰ ਨੂੰ ਇਹ ਦੱਸ ਕੇ ਘਰੋਂ ਨਿਕਲੀ ਸੀ ਕਿ ਉਹ ਇੱਕ ਨਿਜੀ ਸਕੂਲ ਵਿੱਚ ਦਾਖਲਾ ਲੈਣ ਲਈ ਜਾ ਰਹੀ ਹੈ। ਵਿਦਿਆਰਥਣ ਦੀ ਮਾਂ ਦੇ ਅਨੁਸਾਰ ਉਸ ਦੀ ਧੀ ਦੇਰ ਸ਼ਾਮ ਤੱਕ ਘਰ ਨਹੀਂ ਪਰਤੀ ਤਾਂ ਪਰਿਵਾਰ ਨੇ ਧੀ ਦੀ ਭਾਲ ਸ਼ੁਰੂ ਕੀਤੀ। ਇਸ ਵਿੱਚ ਵਿਦਿਆਰਥਣ ਗੰਭੀਰ ਹਾਲਤ ਵਿੱਚ ਘਰ ਪਹੁੰਚੀ। ਵਿਦਿਆਰਥਣ ਨੇ ਪਰਿਵਾਰ ਨੂੰ ਹੱਡਬੀਤੀ ਸੁਣਾਈ ਅਤੇ ਕਿਹਾ ਕਿ ਉਸ ਨੂੰ ਇੱਕ ਨੌਜਵਾਨ ਕਾਲਜ ਲੈ ਗਿਆ ਸੀ । ਦਾਖਲੇ ਤੋਂ ਬਾਅਦ ਉਹੀ ਨੌਜਵਾਨ ਉਸ ਨੂੰ ਲੈ ਕੇ ਗੈਸੜੀ ਬਾਜ਼ਾਰ ਅੱਪੜਿਆ ਅਤੇ ਆਪਣੇ ਘਰ / ਦੁਕਾਨ ਲੈ ਗਿਆ । ਜਿੱਥੇ ਉਸ ਨੌਜਵਾਨ ਅਤੇ ਉਸ ਦੇ ਚਾਚੇ ਨੇ ਵਾਰੀ - ਵਾਰੀ ਉਸ ਦਾ ਜਿਸਮਾਨੀ ਸ਼ੋਸ਼ਣ ਕੀਤਾ। ਜਿਸ ਨਾਲ ਵਿਦਿਆਰਥਣ ਦੀ ਹਾਲਤ ਖ਼ਰਾਬ ਹੋ ਗਈ।  

ਬਲਰਾਮਪੁਰ ਵਿੱਚ ਹਾਥਰਸ ਵਰਗੀ ਘਟਨਾ , ਸਖਤ ਕਾਰਵਾਈ ਹੋਵੇ : ਅਖਿਲੇਸ਼

ਸਪਾ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਹਾਥਰਸ ਤੋਂ ਬਾਅਦ ਬਲਰਾਮਪੁਰ ਵਿੱਚ ਧੀ ਦੇ ਨਾਲ ਸਾਮੂਹਕ ਬਲਾਤਕਾਰ ਅਤੇ ਹੱਤਿਆ ਦੇ ਮਾਮਲੇ ਵਿੱਚ ਸਖਤ ਕਾਰਵਾਈ ਦੀ ਮੰਗ ਕੀਤੀ ਹੈ।
ਅਖਿਲੇਸ਼ ਨੇ ਬੁੱਧਵਾਰ ਰਾਤ ਟਵੀਟ ਕੀਤਾ , ਹਾਥਰਸ ਤੋਂ ਬਾਅਦ ਹੁਣ ਬਲਰਾਮਪੁਰ ਵਿੱਚ ਵੀ ਇੱਕ ਧੀ ਦੇ ਨਾਲ ਸਾਮੂਹਕ ਬਲਾਤਕਾਰ ਅਤੇ ਉਤਪੀੜਨ ਦੀ ਨਿੰਦਣਯੋਗ ਘਟਨਾ ਹੋਈ ਹੈ। ਜ਼ਖਮੀ ਹਾਲਤ ਵਿੱਚ ਪੀੜਿਤਾ ਦੀ ਮੌਤ ਹੋ ਗਈ ਹੈ। ਸ਼ਰਧਾਂਜਲੀ ! ਭਾਜਪਾ ਸਰਕਾਰ ਬਲਰਾਮਪੁਰ ਵਿੱਚ ਹਾਥਰਸ ਵਰਗੀ ਲਾਪਰਵਾਹੀ ਅਤੇ ਲੀਪਾਪੋਤੀ ਨਹੀਂ ਕਰੇ ਅਤੇ ਮੁਲਜ਼ਮ 'ਤੇ ਤੱਤਕਾਲ ਕਾਰਵਾਈ ਕਰੇ।