ਕੋਲਕਾਤਾ : ਭਾਰਤੀ ਕ੍ਰਿਕਟ ਬੋਰਡ (BCCI) ਦੇ ਮੌਜੂਦਾ ਮੁਖੀ ਅਤੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਤੇ ਰਾਸ਼ਟਰੀ ਫੁੱਟਬਾਲ ਟੀਮ ਦੇ ਕਪਤਾਨ ਸੁਨੀਲ ਛੇਤਰੀ ਨੂੰ ਜੇ.ਐਸ. ਡਬਲਯੂ. ਨੇ ਅਪਣਾ ਬ੍ਰਾਂਡ ਅੰਬੈਸਡਰ ਬਣਾਇਆ ਹੈ। ਪ੍ਰੈਸ ਬਿਆਨ ਮੁਤਾਬਕ ਜੇ. ਅੱਸ. ਡਬਲਯੂ. ਗਰੁਪ ਨੇ ਪਹਿਲੀ ਵਾਰ ਕਿਸੇ ਵਿਪਣਨ ਮਾਰਕੀਟਿੰਗ ਮੁਹਿੰਮ ਵਿਚ ਚੋਟੀ ਖਿਡਾਰੀਆਂ ਨੂੰ ਸ਼ਾਮਲ ਕੀਤਾ ਹੈ। ਅਪਣੇ ਨਵੇਂ ਕਰਾਰ ਦੇ ਬਾਰੇ ਗਾਂਗੁਲੀ ਨੇ ਕਿਹਾ ਕਿ ਮੈਨੂੰ ਜੇ. ਐੱਸ. ਡਬਲਯੂ. ਸੀਮੰਟ ਨਾਲ ਜੁੜ ਕੇ ਖੁਸ਼ੀ ਹੋਈ ਹੈ। ਕੰਪਨੀ ਨੂੰ ਆਪਣੇ ਬ੍ਰਾਂਡ ਦੀ ਵਿਰਾਸਤ, ਉਤਪਾਦ ਦੀ ਕੁਆਲਿਟੀ ਲਈ ਜਾਣਿਆ ਜਾਂਦਾ ਹੈ। ਛੇਤਰੀ ਨੇ ਕਿਹਾ ਕਿ ਇਕ ਐਥਲੀਟ ਦੇ ਰੂਪ ਵਿਚ ਮੈਂ ਉਤਮਤਾ ਲਈ ਕੋਸ਼ਿਸ਼ ਕਰਨ ਵਿਚ ਭਰੋਸਾ ਕਰਦਾ ਹਾਂ। ਇਸ ਨਾਲ ਹੀ ਮੈਂ ਸਮਾਜ ਦੀ ਭਲਾਈ ਅਤੇ ਵਿਕਾਸ ਵਿਚ ਯੋਗਦਾਨ ਦਿੰਦਾ ਹਾਂ। ਮੈਂ ਕੰਪਨੀ ਨਾਲ ਜੁੜ ਕੇ ਖ਼ੁਸ਼ ਹਾਂ।