ਕਰਾਚੀ : ਪਾਕਿਸਤਾਨ ਕ੍ਰਿਕਟੇ ਟੀਮ ਦੇ ਸਾਬਕਾ ਕਪਤਾਨ ਸ਼ਾਹਿਦ ਅਫ਼ਰੀਦੀ ਨੇ ਸਨਿਚਰਵਾਰ ਨੂੰ ਕਿਹਾ ਕਿ ਉਹ covid-19 ਜਾਂਚ 'ਚ ਪਾਜ਼ੇਟਿਵ ਮਿਲੇ ਹਨ, ਜਿਸ ਨਾਲ ਉਹ ਇਸ ਖ਼ਤਰਨਾਕ ਵਾਇਰਸ ਨਾਲ ਪ੍ਰਭਾਵਤ ਹੋਣ ਵਾਲੇ ਪਹਿਲੇ 'ਹਾਈ ਪ੍ਰੋਫ਼ਾਈਲ' ਕ੍ਰਿਕਟਰ ਬਣ ਗਏ ਹਨ।
ਅਫ਼ਰਦੀ ਟਵਿੱਟਰ 'ਤੇ ਖੁਦ ਦੇ ਕੋਵਿਡ-19 ਪਾਜ਼ੇਟਿਵ ਹੋਣ ਦੀ ਜਾਣਕਾਰੀ ਦਿਤੀ ਹੈ। ਉਨ੍ਹਾਂ ਕਿਹਾ, ''ਮੈਂ ਵੀਰਵਾਰ ਤੋਂ ਸਿਹਤਮੰਦ ਮਹਿਸੂਸ ਨਹੀਂ ਕਰ ਰਿਹਾ ਸੀ, ਮੇਰੇ ਸ਼ਰੀਰ 'ਚ ਬਹੁਦ ਦਰਦ ਹੋ ਰਿਹਾ ਸੀ। ਮੈਂ ਅਪਣੀ ਜਾਂਚ ਕਰਾਈ ਅਤੇ ਬਦਕਿਸਮਤੀ ਨਾਲ ਮੇਰੀ ਕੋਵਿਡ 19 ਦੀ ਰੀਪੋਰਟ ਪਾਜ਼ੇਟਿਵ ਆ ਗਈ ਹੈ।
ਇਸ ਤੋਂ ਇਕ ਹੋਰ ਸਾਬਕਾ ਪਾਕਿਸਤਾਨੀ ਅੰਤਰਰਾਸ਼ਟਰੀ ਖਿਡਾਰੀ ਤੌਫ਼ਿਕ ਉਮਰ ਵੀ ਕੋਵਿਡ 19 ਪਾਜ਼ੇਟਿਵ ਪਾਏ ਗਏ ਸਨ ਪਰ ਉਹ ਇਸ ਮਹੀਨੇ ਦੇ ਸ਼ੁਰੂ 'ਚ ਹੀ ਠੀਕ ਹੋ ਗਏ ਹਨ। ਪਾਕਿਸਤਾਨ ਦੇ ਦੋ ਸੀਨੀਅਰ ਖਿਡਾਰੀ ਇਸ ਲਾਗ ਨਾਲ ਜਾਨ ਗੁਆ ਚੁੱਕੇ ਹਨ ਜਿਸ ਵਿਚ ਲੈਗ ਸਪਿਨਰ ਰਿਆਜ਼ ਸ਼ੇਖ ਦਾ ਇਸ ਮਹੀਨੇ ਦੇ ਸ਼ੁਰੂ 'ਚ ਕਰਾਚੀ 'ਚ ਇੰਤਕਾਲ ਹੋਇਆ ਸੀ। ਉਕੇ ਜਫ਼ਰ ਸਰਫਰਾਜ ਦੀ ਅਪ੍ਰੈਲ 'ਚ ਪੇਸ਼ਾਵਰ 'ਚ ਇਸ ਲਾਗ ਨਾਲ ਮੌਤ ਹੋ ਗਈ।