ਨਵੀਂ ਦਿੱਲੀ :ਪੇਂਡੂ ਖੇਤਰਾਂ ਵਿਚ ਰਹਿਣ ਵਾਲੇ ਆਪਣੇ ਖਾਤਾਧਾਰਕਾਂ ਨੂੰ ਆਨਲਾਈਨ ਪੇਮੈਂਟ ਕਰਨ ਲਈ ਉਤਸ਼ਾਹਿਤ ਕਰਨ ਦੇ ਮਕਸਦ ਨਾਲ HDFC ਨਵੀਆਂ ਪੇਸ਼ਕਸ਼ਾਂ ਲੈ ਕੇ ਆਇਆ ਹੈ। ਬੈਂਕ ਨੇ 'ਸਮਰ ਟ੍ਰੀਟ' ਪੇਸ਼ਕਸ਼ ਦਾ ਐਲਾਨ ਕੀਤਾ ਹੈ। ਇਸ ਦੇ ਤਹਿਤ ਗਾਹਕਾਂ ਨੂੰ ਛੋਟ, ਨੋ-ਕਾਸਟ ਈ.ਐੱਮ.ਆਈ (NO COST EMI) ., ਨੋ ਡਾਊਨ ਪੇਮੈਂਟ, ਕੈਸ਼ਬੈਕ, ਰਿਵਾਰਡ ਪੁਆਇੰਟ ਸਮੇਤ ਕਈ ਪੇਸ਼ਕਸ਼ਾਂ ਦਿੱਤੀਆਂ ਜਾ ਰਹੀਆਂ ਹਨ। ਬੈਂਕ ਇਹ ਆਫਰ ਬੈਂਕ ਦੇ ਕਾਰਡ, ਈਐਮਆਈ, ਲੋਨ ਅਤੇ Payzapp 'ਤੇ ਉਪਲਬਧ ਕਰਵਾ ਰਿਹਾ ਹੈ।
ਇਹ ਆਫਰ ਅਰਬਨ ਖੇਤਰਾਂ ਪਹਿਲਾਂ ਹੀ 5 ਜੂਨ ਨੂੰ ਜਾਰੀ ਕੀਤੇ ਜਾ ਚੁੱਕੇ ਹਨ। ਇਹ ਯੋਜਨਾ ਦਾ ਦੂਜਾ ਪੜਾਅ ਹੈ। ਬੈਂਕ ਇਸ ਯੋਜਨਾ ਦਾ ਪਹਿਲਾ ਪੜਾਅ ਅਰਬਨ ਇਲਾਕਿਆਂ ਵਿਚ ਸ਼ੁਰੂ ਕਰ ਚੁੱਕਾ ਹੈ। ਭਾਰਤ ਸਰਕਾਰ ਦੇ ਸਾਂਝੇ ਸੇਵਾ ਕੇਂਦਰਾਂ (CSC) ਦੇ ਨਾਲ ਕੰਮ ਕਰ ਰਹੇ 1 ਲੱਖ ਗ੍ਰਾਮ ਪੱਧਰੀ ਉੱਦਮੀਆਂ (VLE) ਦੇ ਨੈਟਵਰਕ ਰਾਹੀਂ ਪੇਂਡੂ ਖੇਤਰਾਂ ਵਿਚ ਰਹਿਣ ਵਾਲੇ ਲੋਕ ਇਸਦਾ ਲਾਭ ਲੈ ਸਕਣਗੇ। ਪਹਿਲਾ ਪੜਾਅ 5 ਜੂਨ ਨੂੰ ਸ਼ੁਰੂ ਹੋਇਆ ਸੀ। ਬੈਂਕ ਨੇ ਇੱਕ ਬਿਆਨ ਵਿਚ ਕਿਹਾ ਕਿ COVID-19 ਕਾਰਨ ਘਰੋਂ ਕੰਮ ਅਤੇ ਘਰ ਵਿਚ ਹੀ ਸਕੂਲ ਦੀ ਪੜ੍ਹਾਈ ਕਾਰਨ ਫੋਨ, ਟੈਬਲੇਟ, ਕੰਪਿਊਟਰ ਅਤੇ ਇਸ ਨਾਲ ਜੁੜੇ ਸਮਾਨ ਦੀ ਮੰਗ ਵਿਚ ਵਾਧਾ ਹੋਇਆ ਹੈ। ਹੁਣ ਦੁਕਾਨਾਂ ਅਤੇ ਕਾਰੋਬਾਰ ਖੁੱਲ੍ਹਣੇ ਸ਼ੁਰੂ ਹੋ ਗਏ ਹਨ, ਉਨ੍ਹਾਂ ਨੂੰ ਕਾਰੋਬਾਰੀ ਵਿੱਤ ਦੀ ਜ਼ਰੂਰਤ ਹੈ। ਇਸ ਦੇ ਮੱਦੇਨਜ਼ਰ ਇਹ ਯੋਜਨਾ ਸ਼ੁਰੂ ਕੀਤੀ ਗਈ ਹੈ।
ਮਿਲਣਗੇ ਇਹ ਆਫਰ
- ਬੈਂਕ ਪਹਿਲੇ ਤਿੰਨ ਮਹੀਨਿਆਂ ਲਈ ਕਾਰ ਲੋਨ 'ਤੇ 70% ਤੱਕ ਘੱਟ EMI ਦੀ ਪੇਸ਼ਕਸ਼ ਕਰਦਾ ਹੈ
- ਬੈਂਕ ਦੋਪਹੀਆ ਵਾਹਨ ਦੇ ਕਰਜ਼ੇ 'ਤੇ ਦੋ ਮਹੀਨਿਆਂ ਲਈ 50% ਘੱਟ ਈਐਮਆਈ ਦੀ ਪੇਸ਼ਕਸ਼ ਕਰਦਾ ਹੈ
- ਤਨਖਾਹਦਾਰ ਕਾਮਿਆਂ ਲਈ ਓਵਰ ਡਰਾਫਟ ਦੀ ਸਹੂਲਤ
- ਚੌਣਵੇਂ ਬ੍ਰਾਂਡਸ 'ਤੇ ਛੋਟ ਅਤੇ ਕੈਸ਼ਬੈਕ
- ਸਵੈ ਰੁਜ਼ਗਾਰ ਵਾਲੇ ਗਾਹਕਾਂ ਲਈ ਬਹੁਤ ਸਾਰੀਆਂ ਕਸਟਮ ਮੇਡ ਫਾਇਨਾਂਸ ਸਕੀਮਾਂ
- ਡੈਬਿਟ ਕਾਰਡ, ਕ੍ਰੈਡਿਟ ਕਾਰਡ ਜਾਂ Payzapp ਜ਼ਰੀਏ ਆਨਲਾਈਨ ਖਰਚਿਆਂ 'ਤੇ ਵਾਧੂ ਇਨਾਮ
- ਆਈਫੋਨ ਐਸਈ ਲਾਂਚ 'ਤੇ ਵਿਸ਼ੇਸ਼ ਛੋਟ
- ਵੱਡੇ ਉਪਕਰਣਾਂ 'ਤੇ ਨੋ ਕਾਸਟ ਈਐਮਆਈ ਅਤੇ ਨੋ ਡਾਊਨ ਪੇਮੈਂਟ ਵਿਕਲਪ
- ਨਿੱਜੀ ਲੋਨ, ਸੋਨੇ 'ਤੇ ਕਰਜ਼, ਕਰੈਡਿਟ ਕਾਰਡ 'ਤੇ ਕਰਜ਼ੇ, ਜਾਇਦਾਦ 'ਤੇ ਕਰਜ਼ੇ, ਕਾਰੋਬਾਰ ਅਤੇ ਘਰੇਲੂ ਲੋਨ 'ਤੇ ਪੇਸ਼ਕਸ਼ਾਂ
- ਕ੍ਰੈਡਿਟ ਕਾਰਡ ਰਾਹੀਂ ਆਨਲਾਈਨ ਖਰਚ ਕਰਨ 'ਤੇ 50% ਵਾਧੂ ਰਿਵਾਰਡ ਪੁਆਇੰਟਸ