ਖਾਣੇ ਨਾਲੋਂ ਜ਼ਿਆਦਾ ਪੈਟਰੋਲ 'ਤੇ ਕੀਤਾ ਖਰਚਾ
ਇੱਥੇ ਦੱਸ ਦਈਏ ਕਿ ਰਯਾਨ ਹਾਲ ਅਤੇ ਪੈਸਲੇ ਹੈਮਿਲਟਨ ਨਾਮ ਦੇ ਦੋਸਤਾਂ ਨੇ ਇਸ ਯਾਤਰਾ ਦੇ ਦੌਰਾਨ ਆਪਣੀ ਖਰੀਦਦਾਰੀ ਤੋਂ ਜ਼ਿਆਦਾ ਰਾਸ਼ੀ ਪੈਟਰੋਲ ਪਵਾਉਣ ਵਿਚ ਗਵਾ ਦਿੱਤੀ। ਭਾਵੇਂਕਿ ਫਾਸਟ ਫੂਡ ਦੇ ਇਹਨਾਂ ਸ਼ੁਕੀਨਾਂ ਨੂੰ ਆਪਣੀ ਖਰਚ ਕੀਤੀ ਰਾਸ਼ੀ ਲਈ ਕੋਈ ਪਛਤਾਵਾ ਨਹੀਂ ਹੈ। ਜਾਣਕਾਰੀ ਮੁਤਾਬਕ ਹਾਊਲ ਤੋਂ ਪੀਟਰਬਰਗ ਦੀ ਯਾਤਰਾ ਦੌਰਾਨ ਉਹਨਾਂ ਨੇ 27 ਯੂਰੋ ਦਾ ਪੈਟਰੋਲ ਵਰਤਿਆ। ਪੀਟਰਬਰਗ ਪਹੁੰਚਣ ਦੇ ਬਾਅਦ ਵੀ ਦੋਹਾਂ ਨੂੰ ਆਊਟਲੇਟਸ 'ਤੇ ਆਪਣੀ ਵਾਰੀ ਲਈ ਲੰਬੇ ਸਮੇਂ ਤੱਕ ਇੰਤਜ਼ਾਰ ਕਰਨਾ ਪਿਆ।
ਜਿਸ ਦੇ ਬਾਅਦ ਉਹਨਾਂ ਨੇ ਚਿਕਨ ਮੈਕਨਟ ਮੀਲ, ਲਾਰਜ ਬਿਗ ਮੈਕ ਮੀਲ, ਦੋ ਕੋਕ ਦੋ ਡਬਲ ਚੀਜ਼ ਬਰਗਰ ਅਤੇ ਇਕ ਫਿਲੇਟ ਮੱਛੀ ਦਾ ਆਰਡਰ ਦਿੱਤਾ। ਇਸ ਲਈ ਉਹਨਾਂ ਨੇ 20 ਯੂਰੋ ਦਾ ਭੁਗਤਾਨ ਕੀਤਾ। ਆਪਣਾ ਆਰਡਰ ਲੈਣ ਦੇ ਬਾਅਦ ਉਹਨਾਂ ਨੇ ਆਊਟਲੇਟ ਦੀ ਪਾਰਕਿੰਗ ਵਿਚ ਹੀ ਆਪਣੇ ਖਾਣੇ ਦਾ ਆਨੰਦ ਲਿਆ। ਰਯਾਨ ਹਾਲ ਨੇ ਦੱਸਿਆ ਕਿ ਅਸੀਂ ਕਦੇ ਵੀ ਨਹੀਂ ਸੋਚਿਆ ਸੀ ਕਿ ਆਪਣੇ 15 ਮਿੰਟ ਦੇ ਫਾਸਟਫੂਡ ਲਈ ਸਾਨੂੰ 7 ਘੰਟੇ ਤੋਂ ਜ਼ਿਆਦਾ ਦੀ ਯਾਤਰਾ ਕਰਨੀ ਪਵੇਗੀ। ਇਸ ਯਾਤਰਾ ਦਾ ਅਸੀਂ ਕਾਫੀ ਆਨੰਦ ਲਿਆ ਅਤੇ ਭਵਿੱਖ ਵਿਚ ਜੇਕਰ ਅਜਿਹਾ ਮੌਕਾ ਦੁਬਾਰਾ ਆਇਆ ਤਾਂ ਅਸੀਂ ਇਸ ਨੂੰ ਮੁੜ ਕਰਾਂਗੇ।