ਤਿਹਾੜ ਜੇਲ੍ਹ ਵਿੱਚ ਇੱਕ 29 ਸਾਲਾ ਕੈਦੀ ਦੀ ਇੱਕ ਹੋਰ ਕੈਦੀ ਜੋ ਅਫ਼ਗਾਨ ਨਾਗਰਿਕ ਹੈ ਉਸ ਨੇ ਕਥਿਤ ਤੌਰ 'ਤੇ ਚਾਕੂ ਮਾਰ ਕੇ ਹੱਤਿਆ ਕਰ ਦਿੱਤੀ। ਪੁਲਿਸ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਕੀ ਸਵੇਰੇ ਖਾਣੇ ਨੂੰ ਲੈ ਕੇ ਹੋਈ ਤਕਰਾਰ ਕਾਰਨ ਇਹ ਘਟਨਾ ਵਾਪਰੀ। ਮ੍ਰਿਤਕ ਦੀ ਪਛਾਣ ਦੀਪਕ ਸੋਨੀ ਵਾਸੀ ਸ਼ਕੂਰਪੁਰ ਵਜੋਂ ਹੋਈ ਹੈ। ਦੀਪਕ ਸੋਨੀ ਜੇਲ੍ਹ ਨੰਬਰ ਤਿੰਨ ਵਿੱਚ ਬੰਦ ਸੀ, ਜਿੱਥੇ ਉਹ ਸੇਵਾਦਾਰ ਵਜੋਂ ਕੰਮ ਕਰਦਾ ਸੀ।
ਇਹ ਘਟਨਾ ਸ਼ੁੱਕਰਵਾਰ ਦੁਪਹਿਰੇ ਵਾਪਰੀ। ਅਬਦੁਲ ਬਸੀਰ ਨਾਂ ਦੇ 44 ਸਾਲਾ ਅਫਗਾਨ ਕੈਦੀ ਨੇ ਦੀਪਕ ਸੋਨੀ ਦੀ ਛਾਤੀ ਵਿੱਚ ਚਾਕੂ ਮਾਰਿਆ। ਘਟਨਾ ਤੋਂ ਬਾਅਦ ਜ਼ਖਮੀ ਨੂੰ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਪੁਲਿਸ ਨੇ ਹਮਲਾਵਰ ਨੂੰ ਮੌਕੇ ਤੇ ਫੜ ਲਿਆ ਹੈ।