ਲਖਨਊ ਵਿੱਚ ਇੱਕ ਨੌਜਵਾਨ ਨੇ ਆਪਣੀ ਪਤਨੀ ਅਤੇ ਦੋ ਬੱਚਿਆਂ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਇਸ ਤੋਂ ਬਾਅਦ ਉਹ ਕਮਰੇ ਨੂੰ ਤਾਲਾ ਲਗਾ ਕੇ ਕੰਮ 'ਤੇ ਚਲਾ ਗਿਆ। ਫਿਰ ਰਾਤ ਨੂੰ ਘਰ ਆ ਕੇ ਲਾਸ਼ਾਂ ਕੋਲ ਹੀ ਸੌਂ ਗਿਆ। ਉਸਨੇ ਦੋ ਦਿਨ ਅਜਿਹਾ ਕੀਤਾ।
ਐਤਵਾਰ ਨੂੰ ਕਮਰੇ 'ਚੋਂ ਬਦਬੂ ਆਉਣ 'ਤੇ ਆਸਪਾਸ ਦੇ ਲੋਕਾਂ ਨੇ ਮਕਾਨ ਮਾਲਕ ਅਤੇ ਪੁਲਸ ਨੂੰ ਸੂਚਿਤ ਕੀਤਾ। ਇਸ ਤੋਂ ਬਾਅਦ ਪੁਲਿਸ ਮੌਕੇ 'ਤੇ ਪਹੁੰਚ ਗਈ। ਡੀਸੀਪੀ ਦੱਖਣੀ ਤੇਜ ਸਵਰੂਪ ਸਿੰਘ, ਏਸੀਪੀ ਕ੍ਰਿਸ਼ਨਾਨਗਰ ਵਿਨੈ ਕੁਮਾਰ ਦਿਵੇਦੀ ਵੀ ਮੌਕੇ ’ਤੇ ਪੁੱਜੇ। ਜਦੋਂ ਕਮਰੇ ਦਾ ਤਾਲਾ ਤੋੜਿਆ ਗਿਆ ਤਾਂ ਦੇਖਿਆ ਕਿ ਇਕ ਔਰਤ, ਇਕ ਬੱਚੀ ਅਤੇ ਇਕ ਬੱਚੇ ਦੀਆਂ ਲਾਸ਼ਾਂ ਬੋਰੀ 'ਚ ਜ਼ਮੀਨ 'ਤੇ ਪਈਆਂ ਸਨ। ਫੋਰੈਂਸਿਕ ਟੀਮ ਨੇ ਜਾਂਚ ਕੀਤੀ।
ਪੁਲਸ ਨੇ ਤਿੰਨੋਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਸ ਨੇ ਮ੍ਰਿਤਕਾ ਦੇ ਪਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਉਸ ਨੇ ਕਤਲ ਕਰਨ ਦੀ ਗੱਲ ਕਬੂਲੀ ਹੈ। ਉਹ ਬਲਰਾਮਪੁਰ ਦੇ ਰਤਨਪੁਰ ਦਾ ਰਹਿਣ ਵਾਲਾ ਹੈ। ਮਾਮਲਾ ਲਖਨਊ ਦੇ ਬਿਜਨੌਰ ਥਾਣਾ ਖੇਤਰ ਦਾ ਹੈ।