💑60 ਸਾਲਾ ਅਦਾਕਾਰ ਗੋਵਿੰਦਾ ਨੇ ਫਿਰ ਕਰਾਇਆ ਵਿਆਹ!

ਗੋਵਿੰਦਾ ਬਾਲੀਵੁੱਡ ਦੇ ਸਭ ਤੋਂ ਮਸ਼ਹੂਰ ਅਭਿਨੇਤਾਵਾਂ ਵਿੱਚੋਂ ਇੱਕ ਹਨ। ਪ੍ਰਸ਼ੰਸਕ ਉਨ੍ਹਾਂ ਦੇ ਡਾਂਸ ਤੋਂ ਲੈ ਕੇ ਕਾਮੇਡੀ ਅਤੇ ਐਕਟਿੰਗ ਦੇ ਦੀਵਾਨੇ ਹਨ। ਫਿਲਹਾਲ ਗੋਵਿੰਦਾ ਲੰਬੇ ਸਮੇਂ ਤੋਂ ਵੱਡੇ ਪਰਦੇ ਤੋਂ ਦੂਰ ਹਨ, ਪਰ ਛੋਟੇ ਪਰਦੇ 'ਤੇ ਅਦਾਕਾਰ ਅਕਸਰ ਆਪਣੀ ਪਤਨੀ ਨਾਲ ਰਿਐਲਿਟੀ ਸ਼ੋਅਜ਼ 'ਚ ਮਹਿਮਾਨ ਦੇ ਰੂਪ 'ਚ ਨਜ਼ਰ ਆਉਂਦੇ ਹਨ। ਇਨ੍ਹੀਂ ਦਿਨੀਂ ਗੋਵਿੰਦਾ ਵੀ ਆਪਣੀ ਪਤਨੀ ਸੁਨੀਤਾ ਨਾਲ ਡਾਂਸ ਰਿਐਲਿਟੀ ਸ਼ੋਅ 'ਡਾਂਸ ਦੀਵਾਨੇ 4' ਦੇ ਸੈੱਟ 'ਤੇ ਪਹੁੰਚੇ। ਇਸ ਸ਼ੋਅ ਨੂੰ ਬਾਲੀਵੁੱਡ ਅਭਿਨੇਤਰੀ ਮਾਧੁਰੀ ਦੀਕਸ਼ਿਤ ਅਤੇ ਸੁਨੀਲ ਸ਼ੈੱਟੀ ਜੱਜ ਕਰ ਰਹੇ ਹਨ। ਆਉਣ ਵਾਲੇ ਐਪੀਸੋਡ ਵਿੱਚ, ਗੋਵਿੰਦਾ 60 ਸਾਲ ਦੀ ਉਮਰ ਵਿੱਚ ਆਪਣੇ ਸੱਚੇ ਪਿਆਰ ਨਾਲ ਦੁਬਾਰਾ ਵਿਆਹ ਕਰਦੇ ਨਜ਼ਰ ਆਉਣਗੇ। ਇਸ ਦੀ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।

ਡਾਂਸ ਦੀਵਾਨੇ 4' ਵਿੱਚ ਗੋਵਿੰਦਾ ਆਪਣੀ ਪਤਨੀ ਸੁਨੀਤਾ ਨਾਲ ਸ਼ੋਅ 'ਚ ਪਹੁੰਚੇ। ਇਸ ਦੇ ਨਾਲ, ਕਲਰਸ ਟੀਵੀ ਨੇ ਹੁਣ ਇਸ ਐਪੀਸੋਡ ਦਾ ਪ੍ਰੋਮੋ ਜਾਰੀ ਕੀਤਾ ਹੈ। ਪ੍ਰੋਮੋ 'ਚ ਦੇਖਿਆ ਜਾ ਸਕਦਾ ਹੈ ਕਿ ਮਾਧੁਰੀ ਦੀਕਸ਼ਿਤ ਕਹਿੰਦੀ ਹੈ ਕਿ ਗੋਵਿੰਦਾ ਜੀ, ਮੈਨੂੰ ਨਹੀਂ ਪਤਾ ਸੀ ਕਿ ਤੁਹਾਡਾ ਵਿਆਹ ਕਦੋਂ ਹੋਇਆ ਸੀ। ਇਹ ਸੁਣ ਕੇ ਅਦਾਕਾਰ ਦੀ ਪਤਨੀ ਸੁਨੀਤਾ ਨੇ ਅਫਸੋਸ ਕੀਤਾ ਕਿ ਸਾਡੇ ਕੋਲ ਵਿਆਹ ਦੀ ਕੋਈ ਫੋਟੋ ਨਹੀਂ ਹੈ। ਇਸ 'ਤੇ ਮਾਧੁਰੀ ਕਹਿੰਦੀ ਹੈ, ਕੋਈ ਫੋਟੋ ਨਹੀਂ, ਕੋਈ ਸਮੱਸਿਆ ਨਹੀਂ, ਇਹ ਡਾਂਸ ਪ੍ਰੇਮੀਆਂ ਦਾ ਪਰਿਵਾਰ ਹੈ, ਲਾੜਾ-ਲਾੜੀ ਵੀ ਹਨ, ਇਸ ਲਈ ਅੱਜ ਅਸੀਂ ਤੁਹਾਡੀ ਵਰਮਾਲਾ ਕਰਵਾਵਾਂਗੇ।

 ਇਸ ਤੋਂ ਬਾਅਦ ਸਟੇਜ ਉੱਪਰ ਡਾਂਸ ਦੀਵਾਨੇ ਦੀ ਟੀਮ ਦੇ ਨਾਲ ਮਾਧੁਰੀ ਦੀਕਸ਼ਿਤ ਨੇ ਗੋਵਿੰਦਾ ਦੇ ਹੱਥਾਂ ਵਿੱਚ ਵਰਮਾਲਾ ਦਿੰਦੀ ਹੈ ਅਤੇ ਸੁਨੀਲ ਸ਼ੈੱਟੀ ਸੁਨੀਤਾ ਨੂੰ ਵਰਮਾਲਾ ਦਿੰਦੇ ਹਨ। ਇਸ ਤੋਂ ਬਾਅਦ ਸੁਨੀਤਾ ਨੇ ਮਜ਼ਾਕੀਆ ਅੰਦਾਜ਼ 'ਚ ਆਪਣੇ ਪਤੀ ਗੋਵਿੰਦਾ ਨੂੰ ਪਿੰਕੀ ਡਾਰਲਿੰਗ ਕਹਿ ਕੇ ਵਰਮਾਲਾ ਪਹਿਨਾਈ ਦਿੱਤੀ। ਬਾਅਦ ਵਿੱਚ, ਸੁਨੀਤਾ ਅਤੇ ਗੋਵਿੰਦਾ ਇੱਕ ਦੂਜੇ ਦੇ ਗਲੇ ਵਿੱਚ ਵਰਮਾਲਾ ਪਾ ਕੇ ਬਹੁਤ ਨੱਚਦੇ ਹਨ ਅਤੇ ਅਭਿਨੇਤਾ ਨੇ ਆਪਣੀ ਪਤਨੀ ਨੂੰ ਪਿਆਰ ਨਾਲ ਗਲੇ ਵੀ ਲਗਾਇਆ। ਗੋਵਿੰਦਾ ਦਾ 60 ਸਾਲ ਦੀ ਉਮਰ ਵਿੱਚ ਆਪਣੇ ਸੱਚੇ ਪਿਆਰ ਯਾਨੀ ਆਪਣੀ ਪਤਨੀ ਨੂੰ ਹਾਰ ਪਹਿਨਾਉਣ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ।

ਵਾਇਰਲ ਹੋ ਰਹੀ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਗੋਵਿੰਦਾ ਅਤੇ ਉਨ੍ਹਾਂ ਦੀ ਪਤਨੀ ਸੁਨੀਤਾ ਵੀ ਗੁਲਾਬੀ ਰੰਗ 'ਚ ਟਵੀਨਿੰਗ ਵਿੱਚ ਵਿਖਾਈ ਦੇ ਰਹੇ ਹਨ। ਦੋਵਾਂ ਦੀ ਜੋੜੀ ਇੱਕਠੇ ਬਹੁਤ ਵਧੀਆ ਲੱਗ ਰਹੀ ਹੈ। ਹੁਣ ਪ੍ਰਸ਼ੰਸਕ ਵੀ ਇਸ ਜੋੜੀ ਨੂੰ ਬਹੁਤ-ਬਹੁਤ ਵਧਾਈਆਂ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਪ੍ਰਸ਼ੰਸਕ ਇਸ ਐਪੀਸੋਡ ਦੇ ਟੈਲੀਕਾਸਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।