😦ਅਖਿਲੇਸ਼ ਯਾਦਵ ਨੂੰ CBI ਦਾ ਸੰਮਨ

Akhilesh Yadav CBI News:  ਸਮਾਜਵਾਦੀ ਪਾਰਟੀ ਦੇ ਨੇਤਾ ਅਖਿਲੇਸ਼ ਯਾਦਵ ਨੂੰ ਕੇਂਦਰੀ ਜਾਂਚ ਏਜੰਸੀ ਨੇ ਨੋਟਿਸ ਦਿੱਤਾ ਹੈ। ਜਾਣਕਾਰੀ ਮੁਤਾਬਕ ਗੈਰ-ਕਾਨੂੰਨੀ ਮਾਈਨਿੰਗ ਮਾਮਲੇ 'ਚ ਅਖਿਲੇਸ਼ ਨੂੰ ਨੋਟਿਸ ਭੇਜਿਆ ਗਿਆ ਹੈ। 160 ਸੀਆਰਪੀਸੀ ਤਹਿਤ ਸੰਮਨ ਭੇਜੇ ਗਏ ਹਨ। 29 ਫਰਵਰੀ ਨੂੰ ਪੁੱਛਗਿੱਛ 'ਚ ਸ਼ਾਮਲ ਹੋਣ ਲਈ ਬੁਲਾਇਆ। ਗਵਾਹ ਵਜੋਂ ਪੁੱਛਗਿੱਛ ਵਿਚ ਹਿੱਸਾ ਲੈਣ ਲਈ ਬੁਲਾਇਆ ਗਿਆ ਹੈ। 

ਨੋਟਿਸ 'ਚ ਕਿਹਾ ਗਿਆ ਹੈ ਕਿ ਅਖਿਲੇਸ਼ ਯਾਦਵ ਨੂੰ ਮਾਮਲੇ ਨਾਲ ਜੁੜੇ ਕੁਝ ਸਵਾਲਾਂ ਦੇ ਜਵਾਬ ਦੇਣ ਲਈ CBI ਸਾਹਮਣੇ ਪੇਸ਼ ਹੋਣਾ ਹੋਵੇਗਾ। ਇਹ ਨਾਜਾਇਜ਼ ਮਾਈਨਿੰਗ ਦਾ ਮਾਮਲਾ ਹੈ ਜਦੋਂ 2012 ਤੋਂ 2016 ਦਰਮਿਆਨ ਅਖਿਲੇਸ਼ ਯਾਦਵ ਮੁੱਖ ਮੰਤਰੀ ਸਨ। ਇਸ ਮਾਮਲੇ 'ਤੇ ਸਪਾ ਨੇਤਾ ਆਈਪੀ ਸਿੰਘ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ। ਉਸ ਨੇ ਸੋਸ਼ਲ ਮੀਡੀਆ ਸਾਈਟ 'ਤੇ ਲਿਖਿਆ :-

CBI ED हर चुनाव से पूर्व सक्रिय हो जाती है और बीजेपी के इशारों पर सम्मन भेजती है हम डरने वालों में नहीं हैं।

मा0 अखिलेश यादव जी

— I.P. Singh (@IPSinghSp) February 28, 2024

ਹਾਈਕੋਰਟ ਨੇ ਇਹ ਹੁਕਮ 28 ਜੁਲਾਈ 2016 ਨੂੰ ਦਿੱਤੇ ਸਨ, ਜਿਸ ਤੋਂ ਬਾਅਦ ਸੀਬੀਆਈ ਨੇ ਡੀ.ਐਮ ਹਮੀਰਪੁਰ, ਭੂ-ਵਿਗਿਆਨੀ, ਮਾਈਨਿੰਗ ਅਫ਼ਸਰ, ਕਲਰਕ, ਲੀਜ਼ ਹੋਲਡਰ ਅਤੇ ਪ੍ਰਾਈਵੇਟ ਅਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਧਾਰਾ 120ਬੀ, 379, 384, 420, 511 ਤਹਿਤ ਕੇਸ ਦਰਜ ਕੀਤਾ ਸੀ।

5 ਜਨਵਰੀ, 2019 ਨੂੰ ਸੀਬੀਆਈ ਨੇ 12 ਥਾਵਾਂ 'ਤੇ ਛਾਪੇਮਾਰੀ ਕੀਤੀ ਸੀ ਅਤੇ ਕਾਫੀ ਨਕਦੀ ਅਤੇ ਸੋਨਾ ਬਰਾਮਦ ਕੀਤਾ ਸੀ। ਇਸ ਮਾਮਲੇ ਵਿੱਚ ਸੀਬੀਆਈ ਨੇ 29 ਫਰਵਰੀ ਨੂੰ ਅਖਿਲੇਸ਼ ਨੂੰ ਸੀਆਰਪੀਸੀ 160 ਦੇ ਤਹਿਤ ਗਵਾਹ ਵਜੋਂ ਬੁਲਾਇਆ ਹੈ। CBI ਮਾਈਨਿੰਗ ਵਾਲੀ ਜ਼ਮੀਨ ਦੀ ਨਵੀਂ ਲੀਜ਼ ਅਤੇ ਨਵਿਆਉਣ ਦੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।