ਯੂਐਸ ਕਸਟਮਜ਼ ਐਂਡ ਬਾਰਡਰ ਪ੍ਰੋਟੈਕਸ਼ਨ (ਯੂਸੀਬੀਪੀ) ਦੇ ਅੰਕੜਿਆਂ ਅਨੁਸਾਰ, ਅਕਤੂਬਰ 2022 ਤੋਂ ਸਤੰਬਰ 2023 ਦਰਮਿਆਨ 96, 917 ਭਾਰਤੀਆਂ ਨੂੰ ਗੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ਵਿੱਚ ਦਾਖਲ ਹੁੰਦੇ ਹੋਏ ਫੜਿਆ ਗਿਆ ਸੀ।
ਅਜਿਹੇ ਘੁਸਪੈਠ ਦੌਰਾਨ, ਖਾਸ ਤੌਰ 'ਤੇ ਖਤਰਨਾਕ ਰੂਟਾਂ ਰਾਹੀਂ ਹਾਲ ਹੀ ਦੇ ਸਾਲਾਂ ਵਿੱਚ ਜਾਨਾਂ ਦੇ ਦੁਖਦੁਦਾਈ ਨੁਕਸਾਨ ਦੇ ਬਾਵਜੂਦ ਇਹ ਅੰਕੜੇ ਸਾਹਮਣੇ ਆਏ ਹਨ। 96, 917 ਭਾਰਤੀਆਂ 'ਚੋਂ 30, 010 ਕੈਨੇਡਾ ਦੀ ਸਰਹੱਦ 'ਤੇ ਅਤੇ 41, 770 ਨੂੰ ਮੈਕਸੀਕੋ ਦੀ ਸਰਹੱਦ 'ਤੇ ਫੜਿਆ ਗਿਆ।
ਬਾਕੀ ਉਹ ਹਨ ਜੋ ਮੁੱਖ ਤੌਰ 'ਤੇ ਅੰਦਰ ਘੁਸਪੈਠ ਕਰਨ ਤੋਂ ਬਾਅਦ ਟਰੈਕ ਕੀਤੇ ਗਏ ਹਨ। ਕੁੱਲ ਮਿਲਾ ਕੇ 2019-20 ਵਿੱਚ ਫੜੇ ਗਏ 19, 883 ਭਾਰਤੀਆਂ ਨਾਲੋਂ ਪੰਜ ਗੁਣਾ ਵਾਧਾ ਹੋਇਆ ਹੈ। ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਦੱਸਦੀਆਂ ਹਨ ਕਿ ਇਹ ਅੰਕੜੇ ਸਿਰਫ ਦਰਜ ਕੀਤੇ ਕੇਸਾਂ ਨੂੰ ਦਰਸਾਉਂਦੇ ਹਨ ਅਤੇ ਅਸਲ ਸੰਖਿਆ ਕਾਫ਼ੀ ਜ਼ਿਆਦਾ ਹੋਣ ਦੀ ਸੰਭਾਵਨਾ ਹੈ।