ਸ੍ਰੀਨਗਰ: ਡੱਲ ਝੀਲ ਤੇ ਜ਼ਬਰਵਣ ਪਹਾੜੀਆਂ ਵਿਚਕਾਰ ਸਥਿਤ 'ਇੰਦਰਾ ਗਾਂਧੀ ਟਿਊਲਿਪ ਗਾਰਡਨ' ਵਿੱਚ ਰੰਗ-ਬਿਰੰਗੇ ਫੁੱਲ ਖਿੜ ਚੁੱਕੇ ਹਨ ਅਤੇ ਏਸ਼ੀਆ ਦਾ ਇਹ ਸਭ ਤੋਂ ਵੱਡਾ ਗਾਰਡਨ ਅਗਲੇ ਹਫ਼ਤੇ ਤੋਂ ਸੈਲਾਨੀਆਂ ਦਾ ਸਵਾਗਤ ਕਰਨ ਲਈ ਤਿਆਰ ਹੈ। ਟਿਊਲਿਪ ਗਾਰਡਨ ਦੇ ਇੰਚਾਰਜ ਇਨਾਮ-ਉੱਲ-ਰਹਿਮਾਨ ਨੇ ਕਿਹਾ, ''ਟਿਊਲਿਪ ਗਾਰਡਨ ਨੂੰ ਸੈਲਾਨੀਆਂ ਲਈ ਖੋਲ੍ਹਣ ਤੋਂ ਪਹਿਲਾਂ ਅਸੀਂ ਬਾਗ਼ਬਾਨੀ, ਇੰਜਨੀਅਰਿੰਗ, ਉੱਲੀਨਾਸ਼ਕ ਦਵਾਈਆਂ ਤੇ ਪੋਸ਼ਕ ਤੱਤ ਛਿੜਕਾਅ ਵਰਗੀਆਂ ਛੋਟੀਆਂ-ਮੋਟੀਆਂ ਤਿਆਰੀਆਂ ਵਿੱਚ ਲੱਗੇ ਹੋਏ ਹਾਂ।'' ਪੂਰੇ ਦੇਸ਼ ਵਿੱਚ ਖਿੱਚ ਦਾ ਕੇਂਦਰ ਬਣ ਚੁੱਕੇ ਇਸ ਗਾਰਡਨ ਨੂੰ 19 ਮਾਰਚ ਤੋਂ ਆਮ ਲੋਕਾਂ ਲਈ ਖੋਲ੍ਹਿਆ ਜਾਵੇਗਾ।
ਇਸ ਨੂੰ ਸਿਰਾਜ ਬਾਗ਼ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਇੱਥੇ ਵੱਖ ਵੱਖ ਰੰਗਾਂ ਦੇ 15 ਲੱਖ ਟਿਊਲਿਪ ਤੋਂ ਇਲਾਵਾ ਗੁਲਾਬੀ ਤੁਰਸਾਵਾ, ਡੈਫੋਡਿਲ, ਮਸਕਾਰੀ ਅਤੇ ਸਿਕਲੇਮੈਨਜ਼ ਵਰਗੇ ਬਸੰਤੀ ਫੁੱਲ ਖਿੜੇ ਹੋਣਗੇ