ਨਵੀਂ ਦਿੱਲੀ : ਦੇਸ਼ ਨੂੰ ਕੁਸ਼ਤੀ ਵਿੱਚ ਪਹਿਲਾ ਮੈਡਲ ਮਿਲ ਗਿਆ ਹੈ। ਭਾਰਤ ਦੀ ਅੰਸ਼ੂ ਮਲਿਕ ਨੇ 57 ਕਿਲੋ ਭਾਰ ਵਰਗ ਵਿੱਚ ਚਾਂਦੀ ਦਾ ਤਮਗਾ ਜਿੱਤਿਆ ਹੈ।
ਹਾਲਾਂਕਿ ਉਹ ਫਾਈਨਲ ਮੈਚ 'ਚ ਸੋਨ ਤਮਗਾ ਜਿੱਤਣ ਤੋਂ ਖੁੰਝ ਗਈ ਹੈ। ਨਾਈਜੀਰੀਆ ਦੇ ਓਦੁਨਾਯੋ ਅਡੇਕੁਓਰੋਏ ਨੇ ਫਾਈਨਲ ਦੇ ਪਹਿਲੇ ਦੌਰ ਵਿੱਚ ਚਾਰ ਅੰਕ ਬਣਾਏ।
ਇਸ ਤੋਂ ਬਾਅਦ ਅੰਸ਼ੂ ਨੇ ਦੂਜੇ ਦੌਰ 'ਚ ਜ਼ਬਰਦਸਤ ਵਾਪਸੀ ਕੀਤੀ ਅਤੇ ਚਾਰ ਅੰਕ ਹਾਸਲ ਕੀਤੇ ਪਰ ਨਾਈਜੀਰੀਆ ਦੇ ਓਦੁਨਾਯੋ ਅਡੇਕੁਓਰੋਏ ਨੇ ਵੀ ਦੂਜੇ ਦੌਰ 'ਚ ਦੋ ਅੰਕ ਹਾਸਲ ਕੀਤੇ। ਅਜਿਹੇ 'ਚ ਅੰਸ਼ੂ ਸੋਨ ਤਮਗਾ ਨਹੀਂ ਜਿੱਤ ਸਕੀ ਅਤੇ ਅੰਸ਼ੂ ਮਲਿਕ ਨੂੰ ਚਾਂਦੀ ਦੇ ਤਮਗੇ 'ਤੇ ਸੰਤੁਸ਼ਟ ਹੋਣਾ ਪਿਆ।