ਮੁੰਬਈ : ਅਦਾਕਾਰ ਰਣਵੀਰ ਸਿੰਘ (Ranveer Singh) ਦੀ ਫਿਲਮ ‘ਜਯੇਸ਼ਭਾਈ ਜੋਰਦਾਰ’ 13 ਮਈ ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ।
ਘਰੇਲੂ ਅਤੇ ਕਾਮੇਡੀ ਭਰਪੂਰ ਇਹ ਫਿਲਮ ਯਸ਼ਰਾਜ ਫਿਲਮਜ਼ ਅਤੇ ਮਨੀਸ਼ ਸ਼ਰਮਾ ਦੇ ਸਹਿਯੋਗ ਨਾਲ ਤਿਆਰ ਕੀਤੀ ਗਈ ਹੈ ਜਿਸ ਦੇ ਨਿਰਦੇਸ਼ਕ ਦਿਵਯਾਂਗ ਹਨ।
ਰਣਵੀਰ ਸਿੰਘ (Ranveer Singh) ਨੇ ਸੋਸ਼ਲ ਮੀਡੀਆ ’ਤੇ 49 ਸੈਕਿੰਡ ਦੀ ਵੀਡੀਓ ਜ਼ਰੀਏ ਫਿਲਮ ਦੀ ਰਿਲੀਜ਼ ਹੋਣ ਦੀ ਮਿਤੀ ਦਾ ਐਲਾਨ ਕੀਤਾ।ਇਸ ਫਿਲਮ ਦੀ ਰਿਲੀਜ਼ ਕਰੋਨਾ ਮਹਾਮਾਰੀ ਕਰ ਕੇ ਕਈ ਵਾਰ ਮੁਲਤਵੀ ਕੀਤੀ ਚੁੱਕੀ ਹੈ।
ਇਸ ਤੋਂ ਪਹਿਲਾਂ ਰਣਵੀਰ ਨੇ ਫਿਲਮ ‘‘83’’ ਕੀਤੀ ਸੀ ਅਤੇ ਉਹ ‘ਜਯੇਸ਼ਭਾਈ ਜੋਰਦਾਰ’ ਦੇ ਰਿਲੀਜ਼ ਹੋਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਇਸ ਫਿਲਮ ਰਾਹੀਂ ਰਣਵੀਰ ਸਿੰਘ (Ranveer Singh) ਅਤੇ ਮਨੀਸ਼ ਸ਼ਰਮਾ ਮੁੜ ਇਕੱਠੇ ਹੋਏ ਹਨ।
ਇਸ ਤੋਂ ਪਹਿਲਾਂ ਮਨੀਸ਼ ਸ਼ਰਮਾ ਨੇ ਸਾਲ 2010 ਵਿਚ ਫਿਲਮ ‘ਬੈਂਡ ਬਾਜਾ ਬਾਰਾਤ’ ਰਾਹੀਂ ਰਣਵੀਰ ਸਿੰਘ ਨੂੰ ਫਿਲਮਾਂ ਵਿੱਚ ਅਦਾਕਾਰ ਵਜੋਂ ਦਾਖਲਾ ਦਿਵਾਇਆ ਸੀ।