ਰਾਜੀਵ ਅਗਰਵਾਲ ਬਣੇ ਫੇਸਬੁਕ ਇੰਡੀਆ ਦੇ ਪਬਲਿਕ ਪੌਲਸੀ ਹੈੱਡ

ਨਵੀਂ ਦਿੱਲੀ : ਸਾਬਕਾ IAS ਅਧਿਕਾਰੀ ਅਤੇ ਉਬਰ ਦੇ ਸਾਬਕਾ ਕਾਰਜਕਾਰੀ ਅਧਿਕਾਰੀ ਰਾਜੀਵ ਅਗਰਵਾਲ ਨੂੰ ਫੇਸਬੁਕ ਇੰਡੀਆ ਨੇ ਆਪਣਾ ਪਬਲਿਕ ਪੌਲਸੀ ਹੈੱਡ ਨਿਯੁਕਤ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਉਹ ਅੰਖੀ ਦਾਸ ਦੀ ਥਾਂ ਅਹੁਦਾ ਸੰਭਾਣਲਗੇ, ਜਿਨ੍ਹਾਂ ਨੇ ਇੱਕ ਵਿਵਾਦ 'ਚ ਫਸਣ ਮਗਰੋਂ ਪਿਛਲੇ ਸਾਲ ਅਕਤੂਬਰ 'ਚ ਅਹੁਦਾ ਛੱਡ ਦਿੱਤਾ ਸੀ। ਅਗਰਵਾਲ ਫੇਸਬੁਕ ਇੰਡੀਆ ਦੇ ਉੁਪ ਪ੍ਰਧਾਨ ਅਤੇ ਮੈਨੇਜਿੰਗ ਡਾਇਰੈਕਟਰ ਅਜਿਤ ਮੋਹਨ ਦੇ ਅਧੀਨ ਕੰਮ ਕਰਨਗੇ ਅਤੇ ਭਾਰਤੀ ਅਗਵਾਈ ਟੀਮ ਦਾ ਹਿੱਸਾ ਹੋਣਗੇ।
ਅਮਰੀਕੀ ਸੋਸ਼ਲ ਮੀਡੀਆ ਕੰਪਨੀ ਨੇ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਅਗਰਵਾਲ ਇਸ ਭੂਮਿਕਾ ਵਿੱਚ ਭਾਰਤ 'ਚ ਫੇਸਬੁਕ ਲਈ ਮਹੱਤਵਪੂਰਨ ਨੀਤੀ ਵਿਕਾਸ ਦੀ ਪਹਿਲ ਨੂੰ ਪ੍ਰੀਭਾਸ਼ਿਤ ਕਰਨਗੇ ਅਤੇ ਉਸ ਦੀ ਅਗਵਾਈ ਕਰਨਗੇ। ਤੁਹਾਨੂੰ ਦੱਸ ਦਈਏ ਕਿ ਇਨ੍ਹਾਂ ਪਹਿਲਕਦਮੀਆਂ 'ਚ ਸੁਰੱਖਿਆ, ਡਾਟਾ ਸੁਰੱਖਿਆ ਤੇ ਨਿੱਜਤਾ ਅਤੇ ਇੰਟਰਨੈੱਟ ਸ਼ਾਮਲ ਹਨ। ਬਿਆਨ ਮੁਤਾਬਕ ਅਗਰਵਾਲ ਇਸ ਤੋਂ ਪਹਿਲਾਂ ਆਨਲਾਈਨ ਟੈਕਸੀ ਸੇਵਾ ਪ੍ਰਦਾਤਾ ਉਬਰ ਵਿੱਚ ਭਾਰਤ ਅਤੇ ਦੱਖਣੀ ਏਸ਼ੀਆ ਲਈ ਜਨਤਕ ਨੀਤੀ ਦੇ ਪ੍ਰਮੁੱਖ ਦੇ ਤੌਰ 'ਤੇ ਕੰਮ ਕਰ ਰਹੇ ਸਨ। ਅਗਰਵਾਲ ਨੇ ਭਾਰਤੀ ਪ੍ਰਸ਼ਾਸਨਿਕ ਅਧਿਕਾਰੀ (IAS) ਦੇ ਰੂਪ ਵਿੱਚ 26 ਸਾਲ ਆਪਣੀ ਸੇਵਾ ਦਿੱਤੀ ਹੈ ਅਤੇ ਉੱਤਰ ਪ੍ਰਦੇਸ਼ ਸੂਬੇ ਦੇ 9 ਜ਼ਿਲ੍ਹਿਆਂ ਵਿੱਚ ਜ਼ਿਲ੍ਹਾ ਅਧਿਾਕਰੀ ਦੇ ਰੂਪ ਵਿੱਚ ਕੰਮ ਕੀਤਾ ਹੈ।