ਬੀਜਿੰਗ : ਦੇਸ਼ ਚੀਨ ਦੇ ਸੂਬੇ ਸ਼ੈਨਡੋਂਗ 'ਚ ਕਿੰਗਦਾਓ ਲਾਗੇ ਮੈਟਰੋ ਰੇਲ ਲਈ ਪੁੱਟੀ ਜਾ ਰਹੀ ਸੁਰੰਗ ਢਹਿ ਗਈ। ਇਸ ਅਚਾਨਕ ਵਾਪਰੇ ਹਾਦਸੇ ਵਿਚ ਤਿੰਨ ਮਜ਼ਦੂਰਾਂ ਦੀ ਮੌਤ ਹੋ ਜਾਣ ਦੀ ਖ਼ਬਰ ਆਈ ਹੈ ਅਤੇ ਇਸ ਤੋਂ ਇਲਾਵਾ ਦੋ ਹੋਰ ਮਜ਼ਦੂਰ ਲਾਪਤਾ ਹਨ। ਮੈਟਰੋ ਪ੍ਰਾਜੈਕਟ 'ਤੇ ਕੰਮ ਕਰਨ ਵਾਲੇ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿਤੀ। ਉਨ੍ਹਾਂ ਅਨੁਸਾਰ ਸੋਮਵਾਰ ਮੈਟਰੇ ਲਾਈਨ-4 'ਤੇ ਉਸਾਰੀ ਦਾ ਕੰਮ ਜ਼ੋਰ-ਸ਼ੋਰ ਨਾਲ ਚੱਲ ਰਿਹਾ ਸੀ। ਸ਼ਾਮ 5:40 ਵਜੇ ਅਚਾਨਕ ਸੁਰੰਗ ਢਹਿ ਪਈ ਉਸ ਸਮੇਂ ਪੰਜ ਜਣੇ ਸੁਰੰਗ ਅੰਦਰ ਕੰਮ ਵਿਚ ਰੁਝੇ ਹੋਏ ਸਨ। ਇਨ੍ਹਾਂ ਪੰਜਾਂ ਵਿਚੋਂ ਤਿੰਨ ਮਜ਼ਦੂਰਾਂ ਦੀ ਮੌਤ ਹੋ ਗਈ ਅਤੇ ਦੋ ਹਾਲੇ ਵੀ ਲਾਪਤਾ ਹਨ। ਖੋਜ ਮੁਹਿੰਮ ਦੌਰਾਨ ਅੱਜ ਸਵੇਰੇ ਤਿੰਨ ਮਜ਼ਦੂਰਾਂ ਦੀਆਂ ਲਾਸ਼ਾਂ ਬਰਾਮਦ ਹੋ ਗਈਆਂ ਸਨ ਬਾਕੀ ਖ਼ੋਜ ਹਾਲੇ ਜਾਰੀ ਸੀ।