ਇਸਲਾਮਾਬਾਦ : ਪਾਕਿਸਤਾਨ ਸੁਪਰ ਲੀਗ (ਪੀ.ਐਸ.ਐਲ.) ਦਾ ਫ਼ਾਈਨਲ ਆਬੂਧਾਬੀ ’ਚ 24 ਜੂਨ ਨੂੰ ਖੇਡੇ ਜਾਣ ਕਾਰਨ ਪਾਕਿਸਤਾਨੀ ਕ੍ਰਿਕਟ ਟੀਮ ਹੁਣ ਪਹਿਲਾਂ ਤੋਂ ਨਿਰਧਾਰਤ ਪ੍ਰੋਗਰਾਮ ਤੋਂ 2 ਦਿਨ ਬਾਅਦ ਇੰਗਲੈਂਡ ਲਈ ਰਵਾਨਾ ਹੋਵੇਗੀ।
ਪੀ.ਐਸ.ਐਲ. ਦਾ ਫ਼ਾਈਨਲ ਪਹਿਲਾਂ 20 ਜੂਨ ਨੂੰ ਖੇਡਿਆ ਜਾਣਾ ਸੀ ਅਤੇ ਪਾਕਿਸਤਾਨੀ ਟੀਮ ਨੂੰ 3 ਵਨਡੇ ਅਤੇ 3 ਟੀ20 ਅੰਤਰਰਾਸ਼ਟਰੀ ਮੈਚ ਖੇਡਣ ਲਈ 23 ਜੂਨ ਨੂੰ ਇੰਗਲੈਂਡ ਰਵਾਨਾ ਹੋਣਾ ਸੀ ਪਰ ਪੀ.ਐਸ.ਐਲ. ਦਾ ਫ਼ਾਈਨਲ 4 ਦਿਨ ਬਾਅਦ ਆਯੋਜਤ ਕੀਤੇ ਜਾਣ ਕਾਰਨ ਪਾਕਿਸਤਾਨੀ ਟੀਮ ਹੁਣ 25 ਜੂਨ ਨੂੰ ਇੰਗਲੈਂਡ ਰਵਾਨਾ ਹੋਵੇਗੀ।
ਪਹਿਲਾ ਇਕ ਰੋਜ਼ਾ 8 ਜੁਲਾਈ ਨੂੰ ਕਾਰਡਿਫ ਵਿਚ ਖੇਡਿਆ ਜਾਣਾ ਹੈ। ਕਈ ਖਿਡਾਰੀਆਂ ਅਤੇ ਸਹਿਯੋਗੀ ਸਟਾਫ਼ ਦੇ ਕੋਵਿਡ-19 ਲਈ ਪਾਜ਼ੇਟਿਵ ਪਾਏ ਜਾਣ ਤੋਂ ਬਾਅਦ ਮਾਰਚ ਵਿਚ ਪੀ.ਐਸ.ਐਲ. ਨੂੰ ਮੁਲਤਵੀ ਕਰ ਦਿਤਾ ਗਿਆ ਸੀ। ਉਸ ਦੇ ਬਾਕੀ ਬਚੇ 20 ਮੈਚ ਆਬੂਧਾਬੀ ਵਿਚ ਖੇਡੇ ਜਾਣਗੇ। (ਏਜੰਸੀ)