ਨਵੀਂ ਦਿੱਲੀ (ਏਜੰਸੀਆਂ) : ਖੇਡ ਸੰਸਾਰ ’ਤੋਂ ਵੱਡੀ ਖ਼ਬਰ ਸਾਹਮਣੇ ਆਈ ਹੈ ਕਿ ਸਾਬਕਾ ਭਾਰਤੀ ਆਲਰਾਊਂਡਰ ਰਾਜੇਂਦਰ ਸਿੰਘ ਜਡੇਜਾ ਦਾ ਕੋਰੋਨਾ ਨਾਲ ਦਿਹਾਂਤ ਹੋ ਗਿਆ ਹੈ। ਜਡੇਜਾ 66 ਸਾਲ ਦੇ ਸੀ। ਖੇਡ ਸੰਸਾਰ ਵਿਚ ਜਡੇਜਾ ਦੇ ਦਿਹਾਂਤ ਨਾਲ ਸੱਭ ਨੂੰ ਬਹੁਤ ਦੁੱਖ ਹੋਇਆ। ਕੋਵਿਡ ਵਿਰੁਧ ਲੜਾਈ ਲੜਦੇ ਹੋਏ ਐਤਵਾਰ ਦੇ ਦਿਨ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ। ਜਡੇਜਾ ਖੱਬੇ ਹੱਥ ਦੇ ਸ਼ਾਨਦਾਰ ਖਿਡਾਰੀ ਹੋਣ ਤੋਂ ਇਲਾਵਾ ਵਧੀਆ ਬੱਲੇਬਾਜ਼ ਵੀ ਸਨ। ਉਨ੍ਹਾਂ 50 ਪਹਿਲੀ ਸ਼੍ਰੇਣੀ ਤੇ 11 ਲਿਸਟ ਏ ਮੈਚਾਂ ਵਿਚ ਕਰੀਬ 134 ਤੇ 14 ਵਿਕਟਾਂ ਲਈਆਂ। ਉਨ੍ਹਾਂ ਨੇ ਇਨ੍ਹਾਂ ਦੋਵਾਂ ਫ਼ਾਰਮੈਟ ਵਿਚ ਕਰੀਬ 1536 ਤੇ 104 ਦੌੜਾਂ ਵੀ ਬਣਾਈਆਂ।