ਮੁੰਬਈ, 5 ਅਪ੍ਰੈਲ: ਜਨਤਕ ਖੇਤਰ ਦੀ ਇੰਡੀਅਨ ਆਇਤ ਕਾਰਪੋਰੇਸ਼ਨ (ਆਈ.ਓ.ਸੀ) ਨੇ ਨਕਦੀ ਸੰਕਟ ਨਾਲ ਝੂਜ ਰਹੀ ਜੈਟ ਏਅਰਵੇਜ਼ ਦੀ ਸ਼ੁਕਰਵਾਰ ਨੂੰ ਈਂਧਨ ਦੀ ਸਪਲਾਈ ਫ਼ਿਰ ਤੋਂ ਸ਼ੁਰੂ ਕਰ ਦਿਤੀ। ਇਸਤੋਂ ਪਹਿਲਾਂ ਸ਼ੁਕਰਵਾਰ ਦੁਪਹਿਰ ਨੂੰ ਈਂਧਨ ਬਕਾਇਆ ਦਾ ਭੁਗਤਾਨ ਨਹੀਂ ਮਿਲਣ ਕਾਰਨ ਏਅਰਲਾਈਨ ਨੂੰ ਈਂਧਨ ਦੀ ਸਪਲਾਈ ਰੋਕ ਦਿਤੀ ਸੀ।
ਇਕ ਸੂਤਰ ਨੇ ਦਸਿਆ ਕਿ ਆਈ.ਓ.ਸੀ ਨੇ ਸ਼ੁਕਰਵਾਰ ਦੁਪਹਿਰ 12 ਵਜੇ ਈਂਧਨ ਦੀ ਸਪਲਾਈ ਰੋਕ ਦਿਤੀ ਸੀ। ਏਅਰਲਾਈਨ ਵਲੋਂ ਭੁਗਤਾਨ ਦਾ ਭਰੋਸਾ ਦੇਣ ਮਗਰੋਂ ਸ਼ਾਮ ਪੰਜ ਵਜੇ ਈਂਧਨ ਸਪਲਾਈ ਫ਼ਿਰ ਤੋਂ ਸ਼ੁਰੂ ਕਰ ਦਿਤੀ ਗਈ ਹੈ। ਦੁਪਹਿਰ ਨੂੰ ਆਈ.ਓ.ਸੀ ਵਲੋਂ ਈਂਧਨ ਦੀ ਸਪਲਾਈ ਰੋਕਣ ਨਾਲ ਵੱਖ-ਵੱਖ ਹਵਾਈ ਅਡਿਆਂ 'ਤੇ ਏਅਰਲਾਈਨ ਦੇ ਪਰੀਚਾਲਣ ਵਿਚ ਮੁਸ਼ਕਲਾਂ ਆਇਆਂ। ਭਾਰਤੀ ਸਟੇਟ ਬੈਂਕ (Âੈਸ.ਬੀ.ਆਈ) ਦੀ ਅਗਵਾਈ ਵਾਲਾ ਬੈਂਕਾਂ ਦਾ ਗਠਜੋੜ ਕਰਜ਼ ਪੁਨਰਗਠਨ ਯੋਜਨਾ ਤਹਿਤ ਜੈਟ ਏਅਰਵੇਜ਼ ਦੇ ਪ੍ਰਬੰਧਨ ਦਾ ਕੰਟ੍ਰੋਲ ਅਪਣੇ ਹੱਥ ਵਿਚ ਲੈਣ ਜਾ ਰਿਹਾ ਹੈ। ਏਅਰਲਾਈਨ ਨੇ 26 ਜਹਾਜ਼ਾਂ ਦੇ ਬੇੜੇ ਨਾਲ ਅਪਣੀ ਉਡਾਣਾਂ ਦੀ ਗਿਣਤੀ ਵਿਚ ਭਾਰੀ ਕਟੌਤੀ ਕੀਤੀ ਹੈ।
ਜੈਟ ਏਅਰਵੇਜ਼ ਦੇ ਡਾਇਰੈਕਟਰ ਮੰਡਲ ਨੇ 25 ਮਾਰਚ ਨੂੰ ਭਾਰਤੀ ਸਟੇਟ ਬੈਂਕ ਦੀ ਅਗਵਾਈ ਵਾਲੇ ਬੈਂਕਾਂ ਨੂੰ ਗਠਜੋੜ ਦੀ ਨਿਪਟਾਰਾ ਯੋਜਨਾ ਨੂੰ ਮੰਜ਼ੂਰੀ ਦਿਤੀ ਸੀ, ਜਿਸਦੇ ਤਹਿਤ ਬੈਂਕਾਂ ਨੇ ਏਅਰਲਾਇਨ ਵਿਚ 1500 ਕਰੋੜ ਰੁਪਏ ਦਾ ਆਪਾਤ ਕੋਸ਼ ਦੇਣ ਦੀ ਗੱਲ ਕਹੀ ਸੀ। ਹਾਲਾਂਕਿ, ਹੁਣ ਤਕ ਏਅਰਲਾਇਨ ਨੂੰ ਇਹ ਕੋਸ਼ ਨਹੀਂ ਮਿਲਿਆ ਹੈ।